Josué 1:2 - Bible in Tzeltal de Oxchuc y Tenejapa

² —Te cabat Moisés lajix, jich yu'un ta ora to ja'at me ya awic' c'axel ta muc'ja' Jordán te lum Israele. Tey me ay a te q'uinal ya cac'beyex te ja'exe.

Bible in Tzeltal Bachajón

² Chamix te ca'bat Moisés, ha yu'un hahchan, sohlan bahel ta muc'ul-ha' Jordán, ha'at soc spisil te pueblo ini, tey ta q'uinal te ya ca'be te snich'nab Israel.

Josué 1:2 ပူးပေါင်းရင်းမြစ်များ

Génesis 17:8

Ya cac'bat aq'uinalin soc jayeb ats'umbal te q'uinal ta bay beenemate, ja' spamal sq'uinal te Canaán, awu'un ya xc'ot soc ats'umbal ta sbajt'el q'uinal, soc Dioson awu'unic ya xc'oon —xi'.

Nehemías 9:23

La awac' ayinuc bayal yal-snich'anic, jich yipal c'ot te bit'il eq'uetic ta ch'ulchane. La awic' bael ta yu'uninel te lumq'uinal awaloj ya awac'bey yu'unin te antiguo sme'-statique.

Job 1:8

Jich albot yu'un te Cajwaltic: —¿La bal awilbon te cabat Job? Ma'yuc mach'a yan jich pajal soc ta balumilal te mero jun yo'tan yac'oj sba ta abatinel ta jtojole, soc te mero toj yo'tan cuxul ta q'uinale. Ma'yuc bila amen spasoj, soc stsajtayej sba te ma'yuc mach'a ya yuts'in ta q'uinal stuquele —xi'.

Isaías 42:1

“Li' ay te cabat, te mach'a ya jwentain, ja' te tsabil cu'une, te mach'a bin nax co'tan yu'une. Cac'ojbey ta stojol te espíritu cu'un swenta yu'un ya me yich' tel te stojil ta chajbanel ta spisil te nacionetique.

Números 12:7

Yan te cabat Moisés ma jichuc ya jpasbey stuquel. Jun yo'tan ta jtojol, c'ax jich a te bit'il spisil te yantic abatetic cu'une,

Deuteronomio 3:28

Pasa ta mandal te Josué, ac'beya yip yo'tan soc ac'beya smuc'ul yo'tan, melel ja' me te ya yic' ta beel te israeletique, soc te ya yac'bey yu'unin te lumq'uinal ya awil yo'tic”, xi' te Cajwaltique.

Deuteronomio 31:7

Patil te Moisés la yic' tel te Josué, jich la yalbey ta comonsitil ta spisil te israeletique: —Ma me xiwat, ayuc me yip awo'tan. Melel ja'at me ya awic' bael te ants-winiquetic in to, tey ta banti lumq'uinal te banti albotic yu'un Cajwaltic te antiguo jme'-jtatic te ya x'ac'botique. Ja'at me ya awac'bey yich' ta swentaic te q'uinale.

Deuteronomio 34:5

Jich laj ta sq'uinal Moab te Moisés te abat yu'un Dios, jich nix te bit'il albot yu'un te Cajwaltique.

Josué 1:1

Te c'alal lajix a te Moisés te yabat Cajwaltique, te Cajwaltic la sc'opon te Josué te snich'an Nun te sjoy ta at'el Moisés, jich la yalbey:

Josué 1:11

—C'axanic bael ta yoclinel te campamento yu'un te israeletic, pasaic ta mandal. Jich me ya awalbeyic: “Chajbana me abaic soc awe'elic, tey xan meix ta oxeb c'aal ya xc'axotic bael ta muc'ja' Jordán te ya xba ochucotic ta yu'uninel te q'uinal te ya yac'botic Cajwaltic te Dios cu'untique”, utaic me —xi'.