Joel 3:9 - Bible in Tzeltal de Oxchuc y Tenejapa

⁹ Albeyaic te nacionetic, albeyaic ta jamal te ya xjajch'ix te ch'ul guerra. Ic'aic tel te mach'atic ma xiwique; ac'a taluc, ac'a ju'uc yu'unic te guerrae.

Bible in Tzeltal Bachajón

⁹ ¡Pucahic ta halel ta stojol te nacionetic, chahpana abahic yu'un guerra, tijahic hahchel te soldadohetique! ¡La'ic, ac'a taluc spisil te winiquetic yu'un guerra!

Joel 3:9 ပူးပေါင်းရင်းမြစ်များ

Salmos 96:10

Albeyaic te nacionetic te ja' muc' ajwalil stuquel te Cajwaltique. Ja' la yac'bey yiptajib te balumilal swenta yu'un ma stij sba; ja' te pajal yac ta mandal ta stojol te lumetique.

Isaías 34:1

Noptsajanic tel, lumetic, aiya awaiyic stojol; nacionetic, aiya awaiyic stojol. Ac'a yaiy stojol te lumq'uinal soc bitic ay tey a, te balumilal soc spisil te bitic ya yaq'ue.

Jeremías 31:10

“Nacionetic, aiybeya awaiyic sc'op te Cajwaltique; soc albeyaic sc'oplal ta c'ubul ta bay sti'il mar: “Te Cajwaltic la spuc bael Israel; ja'uc me to, ya me stsob soc ya me scanantay jich bit'il ya scanantay chijetic te jcanan-chije”, xaex me.

Jeremías 50:2

—Alaic ta bayuc te c'ope, ac'beyaic sna' stojol te nacionetique. Tejc'anbeyaic señail te c'ope; ma me xanaq'uic. Alaic jich bit'il to: “¡Te Babilonia ochix ta c'abal! Te lotil dios Bel la yich'ix tse'luyel; te lotil dios Merodac nojel nax q'uexlal ta stojol. Te loc'ombaetic yu'unic, ja' te diosetic yu'unique, la yich'ic jilel tse'luyel soc nojel q'uexlal ta stojolic”, xaex me.

Jeremías 51:11

Te Cajwaltic ya sc'an sjin te Babilonia, soc la stijbeyix yo'tanic muc' ajwaliletic ta Media, jich nix ay ta yo'tanic. Ja'ix te spacol yu'un Cajwaltic te bila la spasbey te templo yu'une. Chajbanaic te yat'ejibal at'imique, soc chuca me ta ac'abic te amajq'uilique.

Jeremías 51:27

“Ac'a chicnajuc bandera swenta guerra ta q'uinal; Oq'uesinaic oq'ues soc ac'a xchajban sbaic te nacionetic yu'un yaq'uel guerra te Babilonia. Jajch'anic nacionetic ta scontroinel, ja'at Ararat, Mini soc Askenaz. Tejc'anaic jtuluc mach'a ya xmandalaj yu'un guerra. Ac'a noptsajuc tel te caballoetique, jich bit'il te c'ajc'al c'ulubetique.

Jeremías 6:4

Te scontrotaque jich ya yalic: —Chajbana abaic ta yaq'uel guerra soc te lume; la'ic, ya cac'beytic guerra ta olil c'aal. Ja'uc me to, obol jbatic, malelix c'aal, te caxinaltic ya xnajt'ubiquix.

Ezequiel 38:17

‘Jo'on Ajwalilon te jich ya cale: Ja'at ac'oplal te la calbey sc'oplal ta namey tel ta ye te j'alwanejetic cu'un ta Israel. La yalic te ya quic'at tel yu'un ya awac'bey guerra te Israel’, xi' te Cajwaltic”, uta me —xi'.

Ezequiel 38:7

Chajbana awat'ejib ta guerra, soc ac'a xchajban sbaic ta spisil ta jchajp te soldadoetic awu'une; ic'a ta atojol, pasa ta mandal.

Miqueas 3:5

Te lum cu'un jowejem ta be; ja' smul te j'alwanejetic te la slo'layique. Ya yalbeyic sc'oplal lamal q'uinal ta stojol te mach'atic ya x'ac'bot swe'elic yu'une; yan te mach'atic ma'yuc bi ya xnojesbot yeic yu'une, ya yalbeyic sc'oplal guerra. Te Cajwaltic ya yalbey te j'alwanejetic:

Hageo 2:7

Ya me cac' nijc'uc ta spisilic te nacionetique. Ya me yich'ic tel sc'ulejalic, te templo cu'un ay me bayal yutsil ya xc'ot —xi' te Cajwaltic te Spisil ya xju' yu'une. Soc jich ya yal ta jamal te Cajwaltique:

Zacarías 14:2

Te c'alal ya sta sc'aalelal te Cajwaltic ya me stsob spisil te nacionetic, swenta yu'un ya me yac'beyic guerra te Jerusalén. Ya me x'och ta swentaic te lum, ya me yich' pojbeyel sbiluc ta snaic, ya me yich' tsaquel ta uts'inel te antsetic yu'unic, soc ya me yich' chuquel bael olil te ants-winiquetic yu'un te lume. Ja' xanix te jayeb ya xjil, ya me x'ainic ta slumalic.

Zacarías 14:3

Pero te Cajwaltic ya me yac'bey guerra te nacionetic, jich te bit'il mero ya stsac sba soc ta yorail guerra.