Joel 3:2 - Bible in Tzeltal de Oxchuc y Tenejapa

² Ya jtsob spisil te nacionetic, ya me quic' bael ta stenlej xatal q'uinal yu'un Josafat. Tey me ya xc'o cac'bey stojic a te bila la spasbeyic te lum Israel cu'une. Melel la spucbonic bael ta swolol balumilal te israeletic, soc la spucbey sbaic te jlum-jq'uinale.

Bible in Tzeltal Bachajón

² ya jtsob tal spisil te nacionetic, ya quic'ticlan cohel ta spamlej yu'un Josafat; tey ya jchahpan a ta scaj te pueblo cu'un, ha te Israel, te ha cu'un, te la spucticlanic bahel ta yohlil te nacionetic, soc la spucbe sbahic te jq'uinale.

Joel 3:2 ပူးပေါင်းရင်းမြစ်များ

2 Crónicas 20:26

Ta xchanebal c'aal la stsob sbaic ta stenlej xatal q'uinal Beraca, tey la yalbeyic yutsil sc'oplal a te Cajwaltique. Ja' swentail te la yac'beyic sbiilin stenlej xatal q'uinal Beraca, jich sbiilinej ta ora to.

Isaías 66:16

Ta melel, te Cajwaltic ya me spas chajbanwanej ta c'ajc'; ya me xchajban spamal balumilal soc spuñal soc ya me yac' ta lajel tsobol ta jtul.

Jeremías 12:14

Te Cajwaltic jich ya yalbey sc'oplal te lumetic te amene, te jun sts'acan soc Israel, te la sjinic te q'uinal te la yac'bey yu'unin Israel te lum yu'une: —Jo'on ya jbul loq'uel ta sq'uinalic, soc ya jloq'ues ta yolilic te Judae.

Jeremías 25:31

Te yip sc'ope ya xc'ot c'alal to ta sti'il te balumilale, melel te Cajwaltic ya yilbey yat'elic te nacionetique; ya yic' tel ta chajbanel spisil te ch'ich'-baq'uetetique, ya yac'bey yil swocolic ta lajel te mach'atic amenique. Te Cajwaltic jich ya yal”, uta me —xi' te Cajwaltique.

Jeremías 49:1

Ja' sc'oplal Amón yu'un te Cajwaltique: —¿Banti ay te snich'nab Israel? ¿Banti ay te mach'atic ay bi ya x'ac'bot jilel yu'uninique? ¿Bi yu'un te lotil dios Milcom te ja' yu'uninejix yo'tic te Gad? ¿Bi yu'un te amonetic te nainemic ta lumetic yu'une?

Jeremías 50:17

“Te Israel jich c'oem te bit'il chij te ch'ayeme, te nutsbil ta jyalel yu'un te león-chojetique. Ta sbabial ja' la sti'bey sbaq'uetal c'oem te muc' ajwalil yu'un Asiria; ta patil te muc' ajwalil yu'un Babilonia, ja' la snulbeyix ta c'uxel c'oem te sbaquele.

Ezequiel 25:8

Te Cajwaltic jich la yal: —Jo'on Ajwalilon te jich ya cale: Te Moab soc Seir ya yalic te pajal soc yantic nación te Judá.

Ezequiel 34:6

Pujq'uic bael ta witstiquil, pujq'uic bael ta toyol tseletic, ch'ayic bael ta spamal balumilal. Ma'yuc mach'a la smel yo'tan yu'un, soc ma'yuc mach'a ba sle tel.

Ezequiel 35:10

“Te ja'ate jich la awal: ‘Te lum Israel, ta xcha'sejpel te sq'uinalique, cu'un me ya xc'ot. Jo'on me yajwalon ya xc'oon, manchuc me tey nix nainem a te Ajwalile’, xaat.

Ezequiel 36:1

La yal te Cajwaltic: —Ja'at winic, c'opona ta jwenta te witsetic yu'un Israel, albeya te ya yaiybonic te jc'ope.

Ezequiel 36:5

Jich yaloj te Cajwaltique: Te c'opetic cu'un tilem sc'ajc'al soc quilimba ta stojol te lumetique. Ja' ta stojol te lum Edom, melel mero bayal yutsil q'uinal la yaiy yu'un te la yu'uninbon te lumq'uinal cu'une, ta mero spisil slab yo'tanic la spojbeyic te yawal-sts'unubic’, xi' me”, uta me.

Ezequiel 39:11

“Ta c'aal in to ya me cac'bey yawil smuquenal Gog ta Israel. Tey me ya cac'bey smuquenal ta Spamlej yu'un Jbeel-jloq'ueletic, te snujp'usitayej sba soc Mar Muerto. Ja' in to ma me xju' c'axel tey a, yu'un tey me ya smuquic a te Gog soc te soldadoetic yu'une. Spamlej soldadoetic yu'un Gog sbiil ya xc'ot yu'unic.

Joel 3:12

Ac'a me stij sbaic te nacionetic, ac'a ochuc bael ta stenlej xatal q'uinal yu'un Josafat. Tey me ya yaiy chajbanwanej a te Cajwaltique, ya xchajban ta spisil te nacionetic te patxujc' ayique.

Joel 3:14

Mero bayalix mach'atic ayic ta stenlej xatal q'uinal yu'un Chajbanel, melel nopolix yorail te sc'aalelal te Cajwaltique.

Amós 1:11

Jich ya yal xan te Cajwaltique: —Te mach'a ayic ta Edom bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel ma la sna'beyic yo'bolil sba te yermanotac israeletic, la snutsic ta puñal. Ma la scomic yilimba, te slab yo'tanic ma'yuc ta comel.

Miqueas 4:12

Yan te nacionetic ma sna'ic te bila snopoj te Diose soc bitic chapal yu'un; ma sna'ic te ya yich'ic tsobel jichuc trigo ta tomoltom te bay ya yich'ic majel.

Sofonías 3:8

Jich yu'un, maliyawonic te bi c'aalil ya xtejc'ajon ta c'op ta controinbelat. Jo'on Ajwalilon tulan ya cal: Jnopoj ta co'tan ya jtsob te nacionetic soc te muc' ajwaliletique swenta yu'un ya cac'bey ta stojolic te quilimba, ja' te quilimba te yac ta tilele. Spisil lumq'uinal ya me yich' jinel ta scaj te sc'ajc'al co'tane.

Apocalipsis 11:18

Ilinix yo'tanic te nacionetique. Ja'uc me to, c'otix yorail te awilimbae, soc c'otix yorail te ya awilbey yat'elic te mach'atic lajemique, soc te ya awac'bey stojol sc'abic te abatetic awu'un te yacalic ta yaiyel j'alwaneje, soc te jayeb te mach'atic ch'ul lum yu'un te Diose, soc spisil mach'atic yich'oj ta muc' te abiile, chican teme muc' biq'uite, soc c'otix yorail te ya awac' ta lajel te mach'atic ya sboltesic te balumilale”, xiic ta yalel.

Apocalipsis 16:14

Ja' te espíritu yu'un te pucujetic te ya yaq'uic ta ilel jchajp at'eliletic soc ya stsobic spisil te muc' ajwaliletic te ayic ta balumilale. Yu'un ya me xtalic ta guerra te c'alal ya sta sc'aalelal te jun c'aal te mero muc' sc'oplal yu'un Dios te Spisil ya xju' yu'une.

Apocalipsis 16:16

Jich te espíritu yu'un te pucujetique la stsobic tel spisil te muc' ajwaliletic ta bay te q'uinal te Armagedón sbiil ta hebreo-c'ope.

Apocalipsis 16:6

Yu'un la smalbeyiquix xch'ich'el te mach'atic ch'ul lum awu'une soc te j'alwanejetic awu'une. Jich la awac'beyix yuch'ic ch'ich'. Jich ya sc'an pasbeyel yu'un te bit'il jich la spasique”, xi'.

Apocalipsis 20:8

Jich ya xjajch' slo'lay spisil ta chajbalchajp te nacionetic ta xchanjejch'eluc balumilal te ja' Gog soc Magog sbiilic te ants-winiquetique. Ya me stsob sbaic ta guerra te jich yajtalulic te bit'il sji'al te mare.