Joel 2:7 - Bible in Tzeltal de Oxchuc y Tenejapa

⁷ Jichic te bit'il winiquetic te ma xiwic ta guerra, ya x'animajic, ya xmoic ta ts'ajq'uetic, ya xbajt'ic ta animal, mero toj nax ya xbeenic bael.

Bible in Tzeltal Bachajón

⁷ Hich ya x'ahnamajic te bin ut'il soldadohetic, hich te bin ut'il soldadohetic ya xmohic ta ts'ahc; te jujune toj ya xbaht ta sbehic, ma ba ya xhowiyic ta be.

Joel 2:7 ပူးပေါင်းရင်းမြစ်များ

2 Samuel 1:23

“Saúl soc Jonatán, te c'uxic ta o'tanil soc te mulanbil, ma ba la spit sbaic te c'alal cuxul, ni ja'uc la spit sbaic te c'alal lajiquix a. C'ax jich beenic a te bit'il swilel águilaetic, c'ax jich yipic te bit'il león-chojetique.

2 Samuel 5:8

Te David jich la yal yu'un: —Spisil te mach'atic ya xba yac'beyic guerra te jebuseoetic, ac'a ochuc bael ta pasbil beja' ta ye'tal lum, ac'a smil te ma'sitetic soc coxoetic ya yal sbaique. Ja'ic te mero ilaybilic cu'un ta spisil co'tane —xi'. Tey jajch'em a te jich albile: “Te ni ja'uc te ts'o'sitetic, soc ni ja'uc te coxoetic ya xju' ya x'ochic ta templo yu'un Cajwaltic”, te xie.

1 Crónicas 12:36

Te sts'umbal Aser: ay talic cha'winic ta jmil (40,000) soldadoetic te snopojic guerra.

Job 16:14

Scojt'ol ejch'enaj te jbaq'uetale, spisil yip ya xtal yuts'inon, pajal soc soldado.

Salmos 19:5

Te c'aale, bin nax yo'tan ya xjajch' st'un bael sbe, jich bit'il mach'a yac ta nujbinel te ya xloc' tel ta sna, soc jich bit'il mach'a c'aem ta animale.

Proverbios 30:27

ja' te c'ulubetic te ma'yuc ajwalil ya x'ic'otic yu'un, pero toj nax ayic ta beel;

Jeremías 5:10

Ac'a ochuc tel te scontrotaque soc ac'a slajinbeyic te sts'usubilique, manchuc me ma spisiluc ya sjinbey ta jyalel. Ac'a sjecbeyic te sc'abc'abe, melel ma ja'uquix te ts'usubiltic cu'une.

Joel 2:8

Ma ba stenten sba ya xbeenic, ta juju-jcojt' ya xbeen ta sbeic; xcholoj sbaic ya xwilic bael ta yolil yat'ejibalul t'imalte'etic; jun ayic, ma ba ya sjin sbaic.

Joel 2:9

Ya yochintay te lume, ya x'animajic ta ba ts'ajq'uetic, ya xmoic ta ba nanatic, ya x'ochic ta ventana jichuc j'eleq'uetic.