Joel 2:3 - Bible in Tzeltal de Oxchuc y Tenejapa

³ Pajalic soc c'ajc', te spisil ya slajine. Ya xchic'awan te c'alal ma to xc'ax ae, soc manchuc me c'axemix a, pero ya to xchic'awan xan a. Te c'alal ma to xjulic ae, mero c'ax t'ujbil te q'uinale; te c'alal ya xbajt'ique, pajal soc jochol taquin q'uinal ya xjil yu'unic. Ma'yuc bila col jilel yu'unic.

Bible in Tzeltal Bachajón

³ Spisil ya xlaj ta c'ahc' ta stojolic, soc ya xlaj ta yat c'ahc' ta spatic. Te q'uinal hich yilel te bin ut'il ts'umbil q'uinal Edén te c'alal ma to ba c'axemic a, ta spatic hich ya xc'oht te bin ut'il jochol taquin q'uinal; mayuc bin ya xcol hilel ta stojolic.

Joel 2:3 ပူးပေါင်းရင်းမြစ်များ

Génesis 13:10

Te Lot la stoy sit, la yil spamal te spamlej yu'un Jordán c'alal ta lum Zoar, la yil ma'yuc swocol yu'un ja' tey a. Yu'un jich ay yilel te bit'il t'ujbil awalts'unubile, ja' pajal yilel soc te sq'uinal Egipto. (Jich ay ta spamlejal te c'alal ma to xjinot yu'un Cajwaltic a te lum Sodoma soc te lum Gomorra.)

Génesis 2:8

Te Cajwaltic Dios la yac' awalts'unubil ta stojol sloq'uib c'aal, Edén sbiil te q'uinale. Tey la yac' a te winic pastaj yu'une.

Salmos 50:3

Te Dios cu'untic ya me xtal, pero ma me ch'abaluc q'uinal yu'un ya xtal: ay me c'ajc' swenta lajinwanej ta stojol, soc xpumet me tulan ic' ta sjoyobal.

Salmos 97:3

c'ajc' te ya xneelaj bael yu'un, ja' ya xchic' a te mach'atic jcontroinwanejetic te joytaybil yu'une.

Éxodo 10:15

La slim sbaic ta lumq'uinal, mero ma chicanuquix a c'ot te lume. La swe'elinic te awalts'unubile, soc spisil te sit te'etic te jilemic xan yu'un te bate. Ma'yuquix bila jil ta spamal Egipto, ni ta aquiltic soc te te'eltique.

Éxodo 10:5

Ya me slim sbaic ta lumq'uinal ma me chicanuc ya xjil te lume. Ja' me ya swe'elinic ta bay jilemic xan yu'un te bate. Spisil me ya swe'elin te awawal-ats'unubic ta q'uinale.

Isaías 14:17

¿Ja' bal te la yac' jojch'ajuc q'uinal ta balumilal, te jc'axel la sjin te lumetic, soc ma la scoltay te jchuqueletique?” xiic me.

Isaías 15:6

Te pozoetic yu'un Nimrim taquiniquix jilel, te aquiltic yacal ta bacubel, lajemiquix te te'etique, ma'yuquix bay xujt'uc yaxic te yabenale.

Isaías 33:4

Te scontrotaque tsobolic, ijc'uben q'uinal yu'unic, jich bit'il ya xtal c'ulubetic, ya xwilic bael ta stojolic soc ya spojbeyic sc'ulejalic.

Isaías 51:3

Ay me yutsil co'tan ta stojol te Sión, ja' te lum te jinem sts'ajc'ul ta spisile. Ta bay taquin q'uinal ya jc'atp'un ta yaxal q'uinal, jich bit'il t'ujbil te'etic la sts'un Cajwaltic ta Edén. Tey me ay yutsil a te q'uinale, soc bin nax yo'tanic ya xc'ajinic ta yalel yutsilal Dios soc música.

Isaías 9:18

Melel te mulile, ja' ya xjinawan jich bit'il tojc'al te ora ya xlaj ta c'ajq'uel a te ch'ixetic soc te pimil wanc'altique, soc ora ya xchic' te te'etic ta ja'male, te ya xjajch'ic bael ta wilesel yu'un te iq'uetique, te sutu-ic' ta yolil te ch'aile.

Isaías 9:19

Ta swenta yilimba te Cajwaltic te Spisil ya xju' yu'une, te lumq'uinal yaquix ta tilel sc'aal. Te c'ajc' ya me sjin te ants-winiquetique, ya me sti'beyic sbaq'uetal te mero yal-snich'anique, soc ma me ayuc ya sna'beyic yo'bolil sba te yermanotaque. Ay me li'to te mach'a ya sbic' coel te we'elile, pero stalel me ay ta wi'nal ya xjil, ay me xan yan lum to te ya xwe', xujt' ma xnoj xch'ujt' ya yaiy yu'un.

Jeremías 5:17

Ya me swe'elinbat te bila loq'uem ta c'ajel awu'une soc ya me swe'bat te awaje, soc ya me sbic'bat c'oem te anich'nab queremetic soc te ach'ixetique. Ya me sti'beyex te chijetic awu'unic, te awacaxic, te ts'usubiltic soc te higueraetic awu'une. Ta yat'ejibic yu'un guerra ya sjinic a te lumetic tulanic sts'ajc'ul te smuc'ulinej awo'tanique —xi' te Cajwaltique.

Ezequiel 36:35

Jich me ya yalic: “Ila awil te q'uinal jochole, yo'tic pajalix soc ts'unbil nichimaltic yu'un Edén. Te lumetic te jc'axel yich'ojic jinele, yo'tic ayix sjoyob ts'ajc'ul soc ayix yajwal”, xiic me.

Amós 7:4

Ja' la yac'bon quil Cajwaltic in to: La quil la yich' ticunel tojc'al ta swenta castigo. Jc'axel la staquintesbey ya'lel ta bay mero sna'bilal mar, soc yaquix ta c'ajq'uel te q'uinale.

Habacuc 1:6

Ya cac' xchajban sbaiquix ta guerra te caldeoetique, ja'ic te c'ajc' yo'tanic, te spisil ora toyol yo'tanic yu'un te ya xbeenic ta spamal balumilal ta juju-jejch' ta swenta yu'uninel te q'uinaletic te ma'yuc ta swentaique.

Zacarías 7:14

Ja' yu'un jich te bit'il sutu-ic' la jpuc bael ta stojol te nacionetic te ma'yuc xyilique. Te c'alal jil yu'unic te slum-sq'uinalique, c'atp'uj ta jochol taquin q'uinal, ma'yuc mach'a ju' nainix tey a. La yaq'uic bolobuc te buen t'ujbil lumq'uinale —xi'.