Joel 2:16 - Bible in Tzeltal de Oxchuc y Tenejapa

¹⁶ tsobaic te lum yu'un Dios, ch'ultesaic. Tsobaic te mamaletic soc te alaletic, asta te alaletic ya to xchu'unique. Soc te mach'a nujbinelic to, ac'a loq'uicuc tel ta na yu'un nujbinel.

Bible in Tzeltal Bachajón

¹⁶ tsobahic te pueblo, ch'ultesahic te tsoblej, tsobahic te mamaletic, tsobahic te alaletic, ha nix hich te chu'alaletique; ac'a loc'uc tal ta swayib te querem nuhpunel to, ac'a loc'uc tal te ach'ix ta jtsahl yu'un nuhpunel!

Joel 2:16 ပူးပေါင်းရင်းမြစ်များ

2 Crónicas 20:13

Spisilic te Judá tec'ajtic ta stojol Cajwaltic, tey ayic a te yinamic soc te snich'nabic, asta tey ayic a te alaletique.

2 Crónicas 29:5

jich la yalbey: —Levitaetic, aiybon awaiyic stojol jc'op: Ta ora yo'tic chajbana me abaic ta stojol Dios, soc lectesaic te templo yu'un te Cajwaltic Dios yu'un te antiguo jme'-jtatique. Loq'uesaic ta ch'ul awilal te bila ma lecuque.

2 Crónicas 30:17

Ay bayal te ma ba xchajbanej sbaic ta stojol Dios ta bay te lume, jich yu'un te levitaetic puersa ja' ochic ta smilel te chambalametic yu'un te Pascua ta swenta spisilic te mach'atic ma ba xchajbanej sbaic, yu'un jich ya yu'unin te chambalametic te Cajwaltique.

2 Crónicas 30:19

ja'at Cajwal Diosat yu'un te antiguo sme'-static, pasbeya perdón, manchuc me ma ba xchajbanej sbaic jich te bit'il ya sc'an ya yich' pasel ta ch'ul templo —xi' ta sc'oponel Dios.

2 Crónicas 35:6

Milaic te chijetic ta swenta q'uin Pascua, lecubtesa abaic ta stojol Dios soc chajbanaic ta stojol te bitic ya xtuune, swenta yu'un te awermanotac jich me ya xju' yu'unic xch'uunel mandal yu'un Cajwaltic, te la yalbey ta swenta Moisés —xi' te muc' ajwalil Josías.

Job 1:5

Te c'alal ya xlaj te q'uin yu'unic ta jujun snaic te snich'nab te Jobe, ya stsob te snich'nabe. Ta buen sab ya xjajch', ya yac'bey milbil smajt'an Dios te ya yich' chiq'uel ta scojt'ol yu'un ta juju-jtul te snich'nabe, swenta yu'un jich ya yich'ic lecubtesel yu'un smulic a. Jich la spas spisil ora te Job, la yal ta yo'tan teme repente ay staoj smulic te snich'nabe. Soc teme ay la yixtac'optayic Dios ta yo'tanique.

Salmos 19:5

Te c'aale, bin nax yo'tan ya xjajch' st'un bael sbe, jich bit'il mach'a yac ta nujbinel te ya xloc' tel ta sna, soc jich bit'il mach'a c'aem ta animale.

Éxodo 19:10

Te Cajwaltic jich la yal yu'un: —Baan chajbana te israeletic yo'tic to soc te pajele. Ac'a slecubtes sbaic, soc ya me sac' sc'u'ic.

Éxodo 19:15

Te Moisés la yalbey te lume: —Chajbana laj me abaic ta swenta te cha'weje. Ma laj me xajoin ta wayel te awinamique —xi' te Moisese.

Éxodo 19:22

Te sacerdoteetique ya xju' ya xnoptsajic tel ta jtojol, ya me sc'an neel ya slecubtes sbaic, teme repente tan ya xbajt'ic cu'un —xi' te Cajwaltique.

Joel 1:14

Tsobaic te lume, coma awe'elic; tsobaic ta templo yu'un Cajwaltic, ja' te Dios awu'unique. Tsobaic te ancianoetic soc ta spisil te yajwal lumq'uinale, c'oponaic te Cajwaltique.

San Mateo 21:16

Jich la yalbeyic te Jesuse: —¿Ya bal awaiy stojol te bila yacalic ta yalel in alaletic to? —xiic. Te Jesús la yalbey: —Yac. ¿Yu'un bal ma'yuc awilojic ta Sjun Dios te ja'exe? te bit'il jich ts'ibubile: “Ta swenta ye alaletic soc ta swenta sti' chu'ul-alaletic te bit'il jelawen yutsil ya yich' c'ajintayel te abiile”, te xie —xi' te Jesuse.

San Mateo 9:15

La yal te Jesuse: —¿Ya bal xju' ya smel yo'tan te mach'atic ic'bilic ta il-nujbinel teme sjoinej to sbaic soc a te winic ya xnujbine? Ja'uc me to, ya me sta yorail te ya x'ic'ot loq'uel ta yolilic te winic te nujbinixe. Ja' to me ya xjajch' spasic ayuno abi.

1 Corintios 7:5

Ma me wocoluc xawac'bey abaic. Ja' nax teme ay ya achap ac'opic ta achebalic te jayeb c'aal te ma ba ya ac'opon abaique, swenta yu'un jich me ya awat'elinic sc'oponel te Diose. Teme loq'uix te jich yipal c'aal te la achapique, joina me abaic ts'iin, swenta yu'un ma me teyuc ya xlajex ta lo'layel yu'un a te Satanás, te bit'il ma xju'ix awu'unic te ya acom abaique.

Josué 7:13

Jajch'an tsoba te lum Israel. Albeya ac'a xchajban sbaic te ya xtal stejc'an sbaic ta jtojol te pajele. Melel jo'on te Ajwalilon te Dioson awu'unic jich me ya calbey: “Ja'ex ta apisilic la atsaquic te bila sc'oplal ya yich' jinel ta jc'axele. Jich yu'un teme ma ba ya ajin, soc teme ma ba ya aloq'ues ta atojolic, ma xju' ya atsal te acontroique” ya me cut.

Josué 8:35

Te Josué ma'yuc bay jil ta alel jp'aluc yu'un ta spisil te mandal yaloj Moisés ta stojol stsojbol te lum Israel, soc te antsetic, alaletic, soc te jyanlum winiquetic te jun ayic soque.

1 Samuel 16:5

La sjac' te Samuel: —Ja', swenta lamal-o'tanil. Talon ta yaq'uel milbil smajt'an te Cajwaltique. Ac'a me abaic ta ch'ultesel ta stojol te Diose. La' joinawonic ta spasel te milbil smajt'an Diose —xi'. Te Samuel la xch'ultes te Isaí soc te snich'nabe. La yic' ta sti'el te milbil smajt'an te Diose.