Joel 2:12 - Bible in Tzeltal de Oxchuc y Tenejapa

¹² Ya yal te Cajwaltic: —Pero yo'tic in to, sujt'anic tel ta jtojol, sujt'anic ta jtojol ta spisil awo'tanic. Coma awe'elic, awunanic, oq'uetaya abaic —xi' te Cajwaltique.

Bible in Tzeltal Bachajón

¹² Yo'tic ini, xchi te Jehová, suhtanic tal ta jtojol soc spisil awo'tanic, suhtanic ta jtojol ta spisil awo'tanic, coma awe'elic, mela awo'tanic soc oc'anic.

Joel 2:12 ပူးပေါင်းရင်းမြစ်များ

2 Samuel 24:10

Pero te David la yaiy ta yo'tan te la sta smul yu'un te la yac' ta censo te yajwal q'uinale. Jich la yalbey ta jamal ta stojol te Cajwaltic: —Mero muc' mulil la jta ta atojol yu'un te bi la jpase. Ya calbat wocol ta atojol yu'un, Cajwal, te yacuc apasbon perdón yo'tic te jmul jo'on te abaton awu'une, melel jich la cac' jba te bit'il jun sonso —xi'.

2 Crónicas 30:6

Jich loq'uic bael ta spamal sq'uinal Israel soc Judá ta spuquel cartaetic yu'un te muc' ajwalil soc te sjo'tac ta ajwalile, jich la yal bael: “Israeletic, sujt'anic tel ta stojol te Cajwaltic, te Dios yu'un Abraham, Isaac soc Israel; jich me ya sujt' tel ta atojolic uuc te mach'aex te colemex xan jilel ta sc'abic te muc' ajwaliletic yu'un Asiria.

2 Crónicas 6:27

aiybeya me awaiy stojol c'alal ta ch'ulchan, soc pasbeya perdón yu'un smul te abatetic awu'un, te lum Israele. Ac'beya snopic st'unel bael te lequil be. Ac'a me tel ja'al ta lumq'uinal, te la awac'bey yu'unin te lum awu'une.

Ester 4:16

“Baan tsoba spisilic te judioetic ayic ta Susa, albeya ac'a scom swe'elic cu'un. Ma me ayuc bi ya swe' yuch'ic oxeb c'aal soc oxeb ajc'ubal. Jo'on soc te criadaetic cu'une jich me ya jpastic uuc. Ta patil ya me xba quil te muc' ajwalile, manchuc me ma jichuc ya yal te leye. Teme ya smilon a, ac'a smilon”, xi'.

Éxodo 33:5

yu'un yalojix Cajwaltic ta stojol te Moisese: —Albeya te alumal israeletic: “Jich la yal te Diose: ‘Te ja'ex mero tulan awo'tanic, ma xapejc'an abaic ta jyalel. Jich yu'un teme ayon ta awolilique, ajc' nax ya xlajex cu'un. Ja' yu'un loq'uesa te ach'alilique. Jich me ya jna' te bila ya jpas ta atojolique’, xi' te Diose,” uta me —xi' te Cajwaltique.

Isaías 22:12

Te bi c'aalil ya cale, te Cajwaltic te Spisil ya xju' yu'une, la yiq'uex ta oq'uel soc ta mel-o'tan, te ya ajox loq'uel stsotsil ajolique, soc te ya alapic te ch'ixal paq'uetic.

Isaías 58:4

Te bi c'aalil ya yich' pasel ayuno, puro c'op soc puro guerra ya xc'ax awu'unic, ya amaj abaic a, soc ya awejch'entes abaic. Te bit'il jich ya apasic ayuno, ma xju' te ya caiybeyex stojol te ac'opique.

Jeremías 3:22

Sujt'anic tel ta jtojol, ja'ex te toyba alnich'anexe; jo'on ya jch'aybeyex te atoybailique —xi' te Cajwaltique. Jich ya yalic te israeletique: —Li' ayotic to, ya sujt'otic tel ta atojol, melel ja'at Cajwalticat te Diosat cu'untique.

Jeremías 36:7

Te ayuc bit'il ya yalbeyic wocol te Cajwaltique, soc te ya yijq'uitayic jilel te amen yat'elique, swenta manchuc ya xjul ta stojol te lum te yilimba soc te sc'ajc'al yo'tan te Cajwaltic te muc' ta jyalele —xi' te Jeremiase.

Jeremías 4:1

Te Cajwaltic jich ya yalbat: —Teme ya ac'an sujt'at tel, Israel, ja' me ya sujt'at tel ta jtojol. Teme ya aloq'ues bael te loc'ombaetic awu'un te ilaybile soc te ma q'uejeluc ya awac' aba ta jtojole,

Jeremías 4:2

jich me ya xju' te ya atabon ta alel jbiil ta smelelil, ta stojil soc ta swenta bitic lequic ta pasele. Ta swenta jbiil ya me xc'ot bendición ta stojol te nacionetic, soc ya me yalbonic lec jc'oplal —xi' te Cajwaltique.

Ezequiel 33:11

Melel jo'on te cuxul Ajwalilon, ya cal ta jamal: Ma jc'an te ya xlaj te mach'a amen yo'tane, ja' ya jc'an te ya stojtes te yat'el soc te ya xcuxin xane. Israel, ijq'uitaya te apocol acuxlejal awich'oj ta ora in to. ¿Bi yu'un jiche te ya xlajate?” uta me.

Daniel 9:3

La jc'opon Dios soc la calbey wocol te Cajwaltic Diose, la jcom jwe'el soc la jlap ch'ixal pac', soc la najc'an jba ta stanul c'ajc'.

Oseas 12:6

Jich yu'un, Israel, sujt'esa awo'tan ta stojol te Dios awu'une; toyoluc me awo'tan ta stojol, soc toj me x'at'ejat. Ja' ac'a smuc'ulin awo'tan te Dios awu'une.

Oseas 12:7

Te Cajwaltic ya yal: —Pajalat soc cananeo-winic te ay ta sc'ab spisil ora te lotil slicojibal, melel ya smulan lo'laywanej.

Oseas 14:1

Israel, sujt'esa awo'tan ta stojol Cajwaltic te Dios awu'une, te ja'at scaj amul te yalate.

Oseas 6:1

La'ic ta apisilic, sujt'ucotic ta stojol te Cajwaltique. Ja' nix la stsacotic, ja'uc me to, ja' nix ya xpoxtayotic; la yejch'entesotic, ja'uc me to, ya spotsbotic.

Joel 1:13

Jichex uuc sacerdoteetic te ya awac' abaic ta abatinel ta scajtijib ta chiq'uelsmajt'an Dios, lapaic ch'ixal pac', oq'uetaya te templo. Melel ta templo yu'un Dios awu'unic, ma'yuquix trigo soc cebada ni vino yu'un smajt'an Dios.

Zacarías 7:3

soc ay bila tal sjojc'obeyic te j'alwanejetic soc sacerdoteetic te ayic ta templo yu'un Cajwaltic te Spisil ya xju' yu'une. Jich jul yalbeyic: —¿Spisil bal ora ya jcom jwe'eltic swenta seña mel-o'tan ta yo'ebal u sjajch'el te jujun ja'wile, jich te bit'il yacalotic ta spasel c'alal ora? —xiic julel.

Zacarías 7:5

—Albeya spisil te winiquetic ta spamal te lumq'uinal, soc nix te sacerdoteetique: “Te ja'exe ya acom awe'elic swenta seña mel-o'tan ta yo'ebal u soc ta sjuquebal u, te ayix ta lajuneb xchanwinic (70) ja'wile. Pero ma ba ya apasic ta swenta quich'el ta muc' jo'on;

Malaquías 1:9

Ya ac'anbeyic Dios te yacuc sna'botic yo'bolil jbatique; ja'uc me to, teme ya awaq'uic majt'anil te ma lecuque, ma me xacuyic te bin nax yo'tan ya stsacbeyex te Diose. Te Cajwaltic te Spisil ya xju' yu'un jich ya yal:

Hechos 26:20

Ja' sbabial la cal ta lum Damasco, soc ta patil ta lum Jerusalén, soc ta spamal sq'uinal Judea, soc ta stojol te jyanlumetique. La calbey te ya sc'an te ya yijq'uitayic te smulique, soc te ya sujt'es yo'tanic ta stojol te Diose, soc te ya sc'an xyanaj xcuxlejalic ta stojol te Diose, soc te ya sc'an ya xchicnaj ta yat'elic te bit'il sujt'emix yo'tanic ta melele.

Jueces 2:4

C'alal laj yo'tan ta c'op te ch'ul abat yu'un Cajwaltic, spisil te israeletic jajch'ic ta tulan aw ta oq'uel.

Jueces 20:26

Jich yu'un ta spisil te soldadoetic yu'un Israel soc spisil te lume, cha'bajt'ic ta Betel ta oq'uel ta stojol te Cajwaltique. Sjunal c'aal c'ax yu'unic, ma ba we'ic, soc la yac'beyic majt'anil la xchic'beyic Cajwaltic, soc la smilic majt'anil swenta lamal-o'tanil.

1 Samuel 7:3

Ja' yu'un te Samuel jich la yalbey te israeletic: —Teme mero spisil awo'tanic ya sujt'ex ta stojol te Cajwaltic, ya me sc'an jiche te ya ach'ojic loq'uel te diosetic yu'un jyanlumetic soc te loc'ombaetic yu'un Astarté te awich'ojique. Ja' xan meix ya sc'an ya awac' yabatinbeyex acuxlejalic te Cajwaltic, ja' nax ya sc'an ya ach'uunic. Jich to me ya scoltayex loq'uel ta sc'ab te filisteoetic te Cajwaltique —xi'.

1 Samuel 7:6

Te israeletic la stsob sbaic ta Mizpa, la slupic loq'uel ja' tey a, la smalic ta lum swenta smajt'an Dios. Ja' nix sc'aalelal a la scom swe'elic soc la yalic ta jamal te staoj smulic ta stojol te Cajwaltique. Tey ora ta Mizpa och ta juez yu'un israeletic te Samuele.