Joel 2:11 - Bible in Tzeltal de Oxchuc y Tenejapa

¹¹ Te Cajwaltic neel yac'oj sba ta stojol te soldadoetic c'oem yu'une, ya yac' chicnajuc yaw ta mero tulan. Mero bayal te soldadoetic c'oeme, ma x'ajtabaj te mach'atic ya xch'uunbey smandale. Mero muc' soc mero xiweltic sba te sc'aalelal te Cajwaltique. Ma'yuc mach'a ya xcujch' yu'un.

Bible in Tzeltal Bachajón

¹¹ Te Jehová ya yal mandar ta stojol te soldadohetic yu'un, c'ax muc' te campamento yu'unic, soc bayel yipic ya sch'uhunic spasel te smandare. Muc' soc xiweltic sba te sc'ahc'alel yu'un Jehová; ¿mach'a ya xcuhch yu'un?

Joel 2:11 ပူးပေါင်းရင်းမြစ်များ

Salmos 18:14

La st'imuy bael jichuc t'im te tsantsewaletique, te jcontrotac loq'uic ta anel yu'un.

Salmos 46:6

Te nacionetic ya x'awunic, te wentainwanejetic ya xnijq'uic, te lumq'uinal ya x'ulub bael yu'un te c'alal ya yaiybeyic sc'op te Diose.

Salmos 68:18

Dios cu'un, moat bael, ta mero toyol la awic' bael ta chuquel te jchuqueletique; la awich'bey spatan te ants-winiquetique, soc te mach'atic stoyoj sbaic la yac' sbaic ta atojol, Cajwal.

Isaías 13:4

Ay chican aw ta bay witstiquil, mero bayal winiquetic yaiyel. Ya xchicnaj sc'opic te nacionetic, ja' te lumetic te stsoboj sbaique. Te Cajwaltic te Spisil ya xju' yu'un, ya xc'axic ta ilel yu'un te soldadoetic te chapalic yu'un guerra.

Isaías 42:13

Te Cajwaltic ya me xloc' tel jichuc jtul winic te ay yipe; ya me yac' puersa ta yaq'uel guerra jichuc jtul soldado. Ya me stoyes sc'op, ya me x'awun yu'un guerra; soc ya me stsal te scontrotaque.

Isaías 7:18

Te bi c'aalil ya xc'ot ta pasele, te Cajwaltic ya yic' tel jichuc jaetic te mach'atic nainemic ta bay te c'ubul ja'etic yu'un Egipto, soc jich me ya yic' tel jichuc xchanul chab te mach'atic nainemic ta Asiria.

Jeremías 25:30

“Ja'at, Jeremías, ala me loq'uel ta jwenta ta spisil in bitic to. Albeya: “Te Cajwaltic tulan ya xc'opoj tel jichuc chawuc c'alal ta toyol, c'alal ta ch'ul awilal ta bay nainem. Ya x'awun, jich bit'il te mach'atic ya steq'uic ts'usub, ta scontroinel te jtsojp chijetic yu'une, soc ta scontroinel spisil mach'atic yajwal te balumilale.

Jeremías 30:7

Ya me xnoptsaj tel sc'aalelal te mero xiweltic nax sbae; ma me ayuc jich sc'aalelal ya xc'ot yan a. Ja' me sc'aalelal te ya yaiy mel-o'tan te lum yu'un Jacob; ja'uc me to, ya me jcoltay.

Jeremías 50:34

Ja'uc me to, te j'ac'wanej ta libre yu'une tulan ta jyalel stuquel, “Ajwalil Spisil ya xju' yu'un”, te sbiile. Ja' ay ta swenta xchajbanel; ya me xtal lamal q'uinal ta stojol te lum yu'une. Yan te mach'atic yajwal Babilonia ya me x'och xiwel ta yo'tan stuquelic —xi'.

Ezequiel 22:14

Ma me xacuy te ya xju' ya acomon te c'alal ya cac'bat castigo. Jo'on Ajwalilon te jich caloje, ya me cac' c'otuc ta pasel.

Joel 1:15

¡Ay! Ya xnoptsajix sc'aalelal te Cajwaltique. Mero xiweltic sba te c'aal in to; ya me yich'botic tel lajel, ja' lajel yu'un te Mach'a Spisil ya xju' yu'une.

Joel 1:6

Melel te c'ulubetique, pajal soc soldadoetic te bayal yipique, pajal sbaquel yeic soc león-choj, pajal scolmilloic soc me' león-choj, ja'ic ju' yu'unic yochintayel te lumq'uinal cu'une.

Joel 2:1

Oq'uesinaic oq'ues ta wits Sión, ac'a ta na'el ta ch'ul wits yu'un Cajwaltic te ya xtal swocolil. Ac'a jajch'icuc ta nijq'uel ta spisilic te mach'atic nainemic ta Judá, melel nopolix sc'aalelal te Cajwaltique:

Joel 2:2

Sc'aalelal te ijc' q'uinale, sc'aalelal te tocaletic soc xiweltic sba axinal. Jchajp soldadoetic c'oem, mero bayal, soc mero bayal yipic, la spuc sbaic ta ba witsetic, jich bit'il saquil q'uinal ya xchicnaj te c'alal ya sacube. Ma'yuc jich chicnajem ta ilel soc ma'yuc bi ora ya xchicnajix, ma'yuquix pajal soc ya xchicnaj.

Joel 2:25

Ya yal te Cajwaltic: —Jo'on me ya jeltaybeyex te ja'wiletic te ch'ay awu'unic te ja'exe, te ch'ay ta swenta c'ulubetic, te jlajinwanej-soldadoetic c'oem cu'un la jticunbeyex ta atojolique.

Joel 2:31

Ya me x'ijc'ub te c'aale, te u, jich me ya xc'ot yilel te bit'il ch'ich', ja' me te c'alal ma to xc'ot sc'aalelal a te Cajwaltique, ja' te sc'aalelal te mero muc' sc'oplale, ja' te sc'aalelal te mero xiweltic sbae —xi' te Cajwaltique.

Joel 3:14

Mero bayalix mach'atic ayic ta stenlej xatal q'uinal yu'un Chajbanel, melel nopolix yorail te sc'aalelal te Cajwaltique.

Joel 3:16

Te Cajwaltic ya yac' ta aiyel sc'op, jich me sc'op te bit'il ya xt'om chawuc. Ya me xc'opoj tel c'alal ta wits Sión, ta Jerusalén; ya me stij sba te ch'ulchan soc ya me stij sba te lumq'uinale. Pero te Cajwaltic ja' me anjibal jcoltaywanej yu'un israeletic, melel ja'ic te lum yu'un stuquele.

Amós 1:2

Jich la yal: —C'alal ya xchicnaj tel sc'op Cajwaltic jichuc chawuc ta wits Sión, ta Jerusalén, ya sayub te aquiltic soc te sba wits Carmelo —xi'.

Amós 5:18

Ya me yil swocolic te mach'atic ya sc'anix yo'tanic te ya xc'otix sc'aalelal te Cajwaltique. ¿Ya bal ana'ic te bila ya xc'ot ta awentaic ta sc'aalelal? Ijc' me ya xc'ot, ma me ayuc saquil q'uinal.

Amós 5:20

Melel nix a, te sc'aalelal Cajwaltic ijc' me, ma me saquil q'uinaluc; pimil ijc' q'uinal, xujt' ma me xchicnaj jtebuc.

Abdías 1:15

Jich te bit'il la apasbey te yantique, jich nix ya spasbotat: ya me x'ac'botat atoj te bitic la apase —xi' te Cajwaltique. Ya yal xan te Cajwaltic: —Nopolix tel sc'aalelal te Cajwaltic ta swenta spisil te nacionetique.

Nahúm 1:6

¿Mach'a ya xju' yu'un te ya stejc'an sba ta stojol te yilimbae? ¿Mach'a ya xcujch' yu'un te sc'ajc'ale? Te sc'ajc'al yo'tan ya me spuc bael jichuc c'ajc', ya me xjat yu'un te muc'ul tonetique.

Malaquías 3:2

Ja'uc me to, ¿mach'a ya xcujch' yu'un te bi c'aalil ya xtale? ¿Mach'a ya xju' yu'un te stalel teq'uel ya xjile? Melel jich ya xjul te bit'il c'ajc' te ya slecubtesotic, jich bit'il xapon te ya sloq'uesbotic sbolil te co'tantique.

Números 24:23

Ta patil la yal: —¡Ay! ¿Mach'a cuxul to a te c'alal jich ya spas te Diose?

1 Tesalonicenses 4:16

Melel ya me xchicnaj tulan aw ta mandal, soc te sc'op te jwolwanej ch'ul abate, soc te sc'op oq'ues yu'un Dios, te c'alal ya xcoj tel ta ch'ulchan te Cajwaltique. Jich te mach'atic xch'uunejic Cristo te lajique, neel ya xcha'cuxic tel.

Apocalipsis 18:8

Ja' swentail te jun nax c'aal ya xtal castigo ta stojole. Ya xtal lajel, oq'uel soc wi'nal, soc ya me yich' chiq'uel ta c'ajc'. Melel ay bayal yip te Cajwaltic Dios te ya yac'bey castigoe”, xi' la caiy.

Apocalipsis 6:17

Yu'un c'otix sc'aalelal te yilimbae. ¿Mach'a c'an cujch'uc yu'un?”, xiic ta aw.