Joel 2:10 - Bible in Tzeltal de Oxchuc y Tenejapa

¹⁰ Te lumq'uinal ya stij sba ta stojolic, te ch'ulchan ya syuc' sba yu'unic, te c'aal te u ya xch'ay xojobil, te eq'uetic ya x'ijc'ub yu'unic.

Bible in Tzeltal Bachajón

¹⁰ Te lumq'uinal ya snihc sba ta stojolic, te ch'ulchan ya syuc' sba yu'unic; te c'ahc'al soc te u ya x'ihc'ub, ya xch'ay sts'anabul te eq'uetique.

Joel 2:10 ပူးပေါင်းရင်းမြစ်များ

Salmos 114:7

Ja'at lumq'uinal, nijc'an me ta stojol te Cajwaltic te Dios yu'un Jacob.

Salmos 18:7

Jich a tal tulan nijq'uel ta balumilal: te witstiquil nijq'uic c'alal ta snactijibic; yuq'uilayot yu'un yilimba te Cajwaltique.

Isaías 13:10

Te eq'uetic soc te tsojboltsojp eq'uetic ta ch'ulchan ma me xyaq'uix xojobilic; ya me x'ijc'ub te c'aal te c'alal ya xloq'ue, te u ma xyaq'uix xojobil.

Isaías 34:4

Spisil te bitic xlemlajan ta ch'ulchan ya me sjin sbaic. Te ch'ulchane, ya me sbal sba, jich bit'il balal jun; soc spisil te eq'uetic ya me xtup' xojobilic, jich ya xch'ayic te bit'il ya xch'ay coel yabenal te sts'usub o te yabenal higuerae.

Isaías 5:30

Te nación ya cale, te c'alal ya xc'ot sc'aalelal a, jich me ya x'awun ta stojol Israel jich bit'il ya x'awun te mar. Teme ay mach'a ya yil te balumilale, ya me yil te potsbil ta ijc' q'uinal, ijc'ubenix q'uinal yu'un te pimil tocale.

Jeremías 4:23

Ac'boton quil te balumilale, jochol taquin q'uinal yilel, jich nax ay; la quil moel te ch'ulchane, ma'yuc luz tey a.

Joel 2:2

Sc'aalelal te ijc' q'uinale, sc'aalelal te tocaletic soc xiweltic sba axinal. Jchajp soldadoetic c'oem, mero bayal, soc mero bayal yipic, la spuc sbaic ta ba witsetic, jich bit'il saquil q'uinal ya xchicnaj te c'alal ya sacube. Ma'yuc jich chicnajem ta ilel soc ma'yuc bi ora ya xchicnajix, ma'yuquix pajal soc ya xchicnaj.

Joel 2:31

Ya me x'ijc'ub te c'aale, te u, jich me ya xc'ot yilel te bit'il ch'ich', ja' me te c'alal ma to xc'ot sc'aalelal a te Cajwaltique, ja' te sc'aalelal te mero muc' sc'oplale, ja' te sc'aalelal te mero xiweltic sbae —xi' te Cajwaltique.

Joel 3:4

“¿Bi ya ac'anic ta jtojol, Tiro, Sidón, soc Filistea? ¿Ya bal asujt'esbonic spacol? ¿Ay bal bila ya ac'anbonic stojol? Nopol ya cac'beyex te bila ja'ex nix lebil awu'unique.

Amós 5:8

Te Cajwaltic ja' la spas tsojboltsojp te eq'uetic, jich bit'il Xanab-ec' soc Orión, ja' te mach'a ya sc'atp'un ta ijc' q'uinal te saquil q'uinale, soc te ya sc'atp'un ta c'aaleltic te ajc'ubale; ja' te mach'a ya yic' tel te ya'lel mar, soc ya smal ta sba te lumq'uinale; ja' te mach'a ya sjin te tulanil ts'ajq'ue, ya sjin ta jc'axel te anjibale. Ajwalil te sbiile.

Nahúm 1:5

Ya xnijq'uic te toyol witstiquil ta stojol; te peq'uel witstiquil ya x'ulubic yu'un. Spisil te lumq'uinal ya stij sba te c'alal ya yil; spamal balumilal ya stij sba soc te mach'atic nainemic tey a.

San Mateo 24:29

“Teme c'axix sc'aalelal a te woclajel ta uts'inele, ya x'ijc'ub te c'aale, soc ma ba ya yac' xojobil te ue, soc ya me xch'ay coel ta ch'ulchan te eq'uetique, soc ya me yich' tijel te bitic ay yipic ta yolil te ch'ulchane.

San Mateo 27:51

Jich ora jats coel tel c'alal sba c'alal ye'tal te pac' tsalbil a te temploe. Nijc' te lum q'uinale, soc jat te ch'entiquile.

Hechos 2:20

Te c'aale ya me xc'atp'uj ta ijc' q'uinal; in te ue ya me xtsajub jichuc ch'ich'. Jich me ya xc'ot ta pasel te c'alal ma to sta sc'aalelal a te xtal te Cajwaltique, muc' me sc'oplal te bila ya xchicnaje, soc ay me bayal yutsilal.

Apocalipsis 20:11

La quil ay mero muc'ul saquil nactijibal te ay mach'a nacal tey a. Loc' bael ta anel ta stojol te ch'ulchan balumilale, ma ba wejt' xan yawilic ta banti ya x'ainique.

Apocalipsis 6:12

La quil c'alal la sjam te swaquebal sello te Alalchije, tal tulan nijq'uel ta balumilal. Te c'aale ijc'ub. Jich c'ot ta ilel te bit'il ijc'al ch'ixal pac' swenta mel-o'tan. Te ue tsajub jich bit'il stsajal te ch'ich'e.

Apocalipsis 8:12

Te xchanebal ch'ul abate la yoq'uesin te oq'uese. Bolob jxejt' ta yox-xejt'el te c'aale soc jxejt' ta yox-xejt'el uuc te ue soc jteb ma oliluc uuc te eq'uetique. Jich ijc'ub jxejt' ta yox-xejt'el te q'uinale. Jich ay chanebuc ora tup'en xojobil c'aal ta c'aaleltic soc jich nix te u ta ajc'ubal.

Apocalipsis 9:2

Jich la sjambey sti' te xaabe. Tey mo loq'uel tel ch'ail te jich yilel te bit'il xch'ailel te muc'ul hornoe. Te xch'ailele ijc'ub yu'un te c'aale, soc ijc'maxantic nax a bajt' te q'uinale.