Joel 2:1 - Bible in Tzeltal de Oxchuc y Tenejapa

¹ Oq'uesinaic oq'ues ta wits Sión, ac'a ta na'el ta ch'ul wits yu'un Cajwaltic te ya xtal swocolil. Ac'a jajch'icuc ta nijq'uel ta spisilic te mach'atic nainemic ta Judá, melel nopolix sc'aalelal te Cajwaltique:

Bible in Tzeltal Bachajón

¹ Oq'uesinahic corneta ta Sión, ac'a ta na'el ta ch'ul wits cu'un. Ac'a nihcuc spisil te mach'atic nahinemic ta q'uinal, yu'un ya xtal te sc'ahc'alel yu'un Jehová, yu'un nopolix.

Joel 2:1 ပူးပေါင်းရင်းမြစ်များ

1 Crónicas 15:28

Spisil Israel jich la yich'ic bael te scajonil trato yu'un te Cajwaltique. Ayic ta aw soc sbujts' yo'tanic soc ta sc'op te xulub chij, ta sc'op oq'ues, platilloetic, salterioetic soc ta sc'op te arpaetique.

Salmos 119:120

Te jbaq'uetal ya xnijc' yu'un xiwel ta atojol; ya quich' ta muc' te bila chapal awu'une.

Salmos 87:1

Te yiptajib te lum yu'un Dios ay ta sba te ch'ul witsetique.

Éxodo 10:14

Ochic bael ta spamal te lume. Ma'yuc bay jich c'oem ta pasel ta neelal, ni ta patilal, te bit'il mero c'ax bayal te c'ulubetique.

Isaías 13:6

Awunanic me ta apisilic yu'un xc'uxul te woclajel, melel nopolix sc'aalelal yu'un te Cajwaltique, xlumlej nax me ya xjul te Mach'a spisil ya xju' yu'une.

Isaías 13:9

C'otix sc'aalelal yu'un te Cajwaltique, ja' sc'aalelal te xiweltic nax sba soc te ya xtil te sc'ajc'al yo'tane, te ya sc'atp'un ta jochol taquin q'uinal te lumq'uinale, soc te ya slajin ta jyalel te jmulawiletic te ayic tey ae.

Isaías 2:12

Ja' te bi c'aalil ya x'at'ej te Cajwaltic te Spisil ya xju' yu'un, ta yilbeyel yo'tan spisil mach'a jtoybaetic te muc' yac'oj sbaic soc yixtailique; ta yilbeyel yo'tan spisil mach'atic te toyol yac'oj sbaique, swenta yu'un ya me yich'ic pejc'anel;

Isaías 66:2

Jo'on jpasoj spisil te bitic aye, jich a chicnajic jajch'el. Jo'on Ajwalilon tulan ya cal. “Te mach'a yacon ta sna'el, ja' te me'ba te ay swocole, te yich'ojbon ta muc' te jc'ope.

Isaías 66:5

Aiybeya awaiyic stojol sc'op te Cajwaltique, ja'ex te awich'ojbeyic ta muc' te sc'ope: —Te ja'exe ay alumalic nix te ya slab-o'tantayex soc ya yuts'inex, melel ya atabonic ta alel te jbiile. Jich ya yalic: “Ac'a yac' ta ilel yutsilal ta atojolic te Cajwaltique; ya jc'antic te binuc nax awo'tanic ya quiltique”, xiic. Ja'uc me to, ya xq'uexawic jilel.

Jeremías 16:10

“C'alal ya awalbey te lume, ya me sjojc'obat: “¿Bi yu'un la yal mandal Cajwaltic te la yac' taluc ta jtojoltic te bila amen te muc' ta jyalele? ¿Bila amen jpasojtic? ¿Bi mulil jpasojtic ta stojol Cajwaltic te Dios cu'untique?” xiic me.

Jeremías 16:7

Ma'yuc mach'a ya xchajban we'eliletic yu'un sna'jibal te animaetic, swenta smuc'tesjibal q'uinal yaiyic te spat-xujq'ue, ni ja'uc te ya yich' pasel teme ya xlaj uuc te state, o ja' te sme'e.

Jeremías 4:5

“Pucaic ta alel ta Jerusalén soc ta sq'uinal Judá, awunanic soc oq'uesinaic oq'ues ta spuquel ta spamal te lumq'uinale, tulan xawawtayic ta jyalel: “Conic, ya jtsob jbatic, ta lumetic te tulanic sts'ajc'ule”, xaex me.

Jeremías 5:22

Jo'on, Ajwalilon jich ya cal: ¿Yu'un bal ma x'axi'onic te ja'exe? ¿Yu'un bal ma xnijq'uex ta jtojol? Jo'on la jpas te bay ya xquejch'aj te sti'il mar, ja' te sti'il te bay ma xc'ax tel te ja'e. Tulan ya stij sbaic ta jyalel te sbule soc te yipe, soc ya x'awunic; ja'uc me to, ma xju' xc'ax tel.

Ezequiel 12:23

Pero albeya yaiyic: “Jich ya yal te Cajwaltique: ‘Jo'on ma ba ya cac' te ya yich' xan alel ta Israel te c'opetic la yich'ix alel. Mero nopolix ya sta sc'aalelal te ya xc'ot ta pasel spisil te bitic ac'botix yil te j'alwanej yu'un te Diose.

Ezequiel 21:12

Ja'at winic, awunan, queletan ta aw. Melel chapalix, yu'un ya yich' milel te lum cu'un, ta spisilic te mach'atic yich'oj yat'elic ta Israel. Chapal te ya xlajic soc te lum cu'une, ja' yu'un majulaya awo'tan yu'un xc'uxul.

Ezequiel 30:3

nopolixe, ya xnoptsajix te sc'aalelal te Cajwaltique. Ya me xtal jich bit'il ijc'al tocal. Te c'aal yu'une, ya me yac' tulan xiwel ta stojol nacionetic.

Ezequiel 33:3

Te c'alal ya yil te j'il-q'uinal te yac ta noptsajel tel ta slumal te soldadoetique, te ja' te scontroe, ya yoq'uesin yoq'ues, swenta yu'un ya yac'bey sna' a te slumale.

Ezequiel 33:6

Pero teme ya yil te j'il-q'uinal te yac ta talel te soldadoetique, te ja' te scontro, pero teme ma ba ya yoq'uesin te yoq'ues yu'un ya yac'bey sna' a te slumale, teme ya xc'ot te contro, teme ay mach'a ya smile, te mach'a ya xlaje scuchoj smul a ya xlaj. Pero teme jich c'ote, ja' me ya cac'bey smulin te j'il-q'uinal te ay mach'a laje”, uta me.

Ezequiel 7:10

“¡Li' ayix te sc'aalelale! ¡Julix tel! ¡Julix tel te lajinele! Te bila amen ya me stsalawan ta atojolic ta bayuc. C'ot meix ta atojol te uts'inele.

Ezequiel 7:12

C'otix yorail, talix te sc'aalelale. Ni ja'uc te jchonbajel ay bi ya smulane, soc ni ja'uc te jmanbajel te ay bi ya smel yo'tan yu'une. Ya me cac'bey castigo ta stojol spisil te israeletique.

Daniel 6:26

Yo'tic ya cal tulan mandal ta stojol ta spisil te bay c'alal ayic ta jwenta, te ya me yich'ic ta muc' soc ac'a xch'uunic te Dios yu'un Daniel. Melel ja' mero cuxul Dios stuquel, soc sbajt'el q'uinal ay. Te mandalteswanej yu'une, ma'yuc bi ora ya xlaj, soc ma'yuc slajibal te yu'ele.

Daniel 9:16

Cajwal, ya jna'tic te mero lec awo'tane. Wocoluc a, loq'uesaix ta Jerusalén te awilimba soc te sc'ajc'al awo'tane, melel ja' lum awu'un, soc ja' ch'ul wits awu'un. Ta spisil te yajwal yantic nacionetic te nopol ayotic soque, ya slabanic te Jerusalén, ja' te lum awu'une, ta scaj te jmultique, soc nix te smulic te antiguo jme'-jtatique.

Daniel 9:20

Yacon to ta sc'oponel Dios a, yacon ta yalel ta jamal te jmul, soc smul te jlumal Israel, soc yacon ta yalel wocol ta stojol te Cajwaltic te Dios cu'untic yu'un te ch'ul wits yu'une.

Oseas 5:8

Oq'uesinaic xulubil yu'un guerra ta Gabaa, soc oq'uesinaic oq'ues ta Ramá. Ac'beya señail guerra ta Bet-avén. Ac'beya socuc sjolic te mach'atic ta Benjamín.

Oseas 8:1

“Oq'uesina te oq'ues awu'une, jich bit'il te mach'a j'il-q'uinal te wijq'uil sit ta scanantayel te lum cu'un, jo'on te Ajwalilone. Melel la xch'aybonic te trato cu'une, soc la scontroinic te p'ijubtesel cu'une.

Joel 1:15

¡Ay! Ya xnoptsajix sc'aalelal te Cajwaltique. Mero xiweltic sba te c'aal in to; ya me yich'botic tel lajel, ja' lajel yu'un te Mach'a Spisil ya xju' yu'une.

Joel 2:11

Te Cajwaltic neel yac'oj sba ta stojol te soldadoetic c'oem yu'une, ya yac' chicnajuc yaw ta mero tulan. Mero bayal te soldadoetic c'oeme, ma x'ajtabaj te mach'atic ya xch'uunbey smandale. Mero muc' soc mero xiweltic sba te sc'aalelal te Cajwaltique. Ma'yuc mach'a ya xcujch' yu'un.

Joel 2:15

Oq'uesinaic oq'ues ta wits Sión. Tsobaic te yajwal lum, coma awe'elic;

Joel 2:31

Ya me x'ijc'ub te c'aale, te u, jich me ya xc'ot yilel te bit'il ch'ich', ja' me te c'alal ma to xc'ot sc'aalelal a te Cajwaltique, ja' te sc'aalelal te mero muc' sc'oplale, ja' te sc'aalelal te mero xiweltic sbae —xi' te Cajwaltique.

Joel 3:14

Mero bayalix mach'atic ayic ta stenlej xatal q'uinal yu'un Chajbanel, melel nopolix yorail te sc'aalelal te Cajwaltique.

Joel 3:17

Jich ya yal te Cajwaltic: —Te ja'ex ya me ana'ic te Ajwalilon te Dioson awu'unique, nainemon ta Sión, ja' te ch'ul wits cu'une. Te Jerusalén ch'ul lum ya xc'ot; ma me ayuquix bi ora ya x'u'uninotix yu'un jyanlumetic.

Amós 3:6

Teme ya xc'opoj oq'ues ta yutil lum, te ants-winiquetic ya sjachic ch'inlajanel ta c'op yu'un. Teme ay bila amen ya xc'ot ta pasel ta lum, yu'un ja' la sticun tel te Cajwaltique.

Amós 5:18

Ya me yil swocolic te mach'atic ya sc'anix yo'tanic te ya xc'otix sc'aalelal te Cajwaltique. ¿Ya bal ana'ic te bila ya xc'ot ta awentaic ta sc'aalelal? Ijc' me ya xc'ot, ma me ayuc saquil q'uinal.

Amós 8:2

la sjojc'obon: —¿Bi ya awil, Amós? —la yuton. —Ay moch te nojel ta sit awalts'unubil te lequix ta lo'ele —la cut. La yalbon te Cajwaltique: —Jich c'oem te Israel; ma ba ya jpasbeyix perdón ta jc'axel.

Abdías 1:15

Jich te bit'il la apasbey te yantique, jich nix ya spasbotat: ya me x'ac'botat atoj te bitic la apase —xi' te Cajwaltique. Ya yal xan te Cajwaltic: —Nopolix tel sc'aalelal te Cajwaltic ta swenta spisil te nacionetique.

Sofonías 1:14

Nopol ayix tel smuc'ul sc'aalelal te Cajwaltique; nopol ayix tel, animal nax me ya xtal. Muc' me ya xbulan sc'opic te c'alal ya yilbeyic sc'aalelal te Cajwaltique. Ya me xch'aub q'uinal yaiyic yu'un asta ya x'awunic te mach'atic tulanique.

Sofonías 1:16

Ja' me sc'aalelal ta oq'uesinel oq'ues soc aw ta scontroinel te lumetic te tulanic sts'ajc'ul soc te ay toyol balal ts'ajq'uetic yu'unique.

Sofonías 1:7

Ch'abanic ta stojol te Cajwaltique; melel te sc'aalelal Cajwaltic nopol ayix tel. Te Cajwaltic xchajbanej milbil majt'anil soc xchajbanejbey te mach'atic yic'oje. Jich ya yal te Cajwaltique:

Sofonías 3:11

Te bi ora ya xc'ote, lum cu'un, ma ba ya xq'uexawatix yu'un ni jchajbuc te at'eliletic te la atoy aba ta jtojol yu'une. Melel ya me jloq'uesbat bael ta atojol te jtoybaetic soc te mach'atic muc' yac'oj sbaique; soc ma ba ya awac' xan ta ilel te muc' ya awac' abaic ta bay ch'ul wits cu'un.

Zacarías 14:1

Ya me xc'ot yorail te sc'aalelal Cajwaltic, ja' te bi ora ya yich' puquel ta awolil te bitic pojbil ta ac'ab, Jerusalén.

Zacarías 8:3

Ya me xcha'sujt'on xan bael ta nainel ta Jerusalén, tey me ya xnainon a. Ja' yu'un te Jerusalén, “Lum-Jun-Yo'tan”, xi' me sbiil ya xc'ot. Te wits yu'un Cajwaltic te Spisil ya xju' yu'une, “Ch'ul Wits” me sbiil ya xc'ot.

Malaquías 4:1

Te Cajwaltic te Spisil ya xju' yu'un ya yal: —Yaquix ta talel sc'aalelal te xpulpon ta tilel jichuc sc'aal horno; spisil te toybaetic soc te mach'a amen yo'tanic, ya me xtilic jichuc ac ta yawil c'ajc'. Te bi c'aalil ya xtale ya me jchic'; ma'yuc jtuluc ya xjil ta jyalel.

Números 10:2

—Pasa cheb oq'uesetic ta plata, ya me apas ta martillo. Ja' ya xtuunic ta tsobel a te lume, soc ja' ya awac'bey seña a te bit'il ya xjajch'ic ta beele.

Números 10:3

C'alal ya yich' oq'uesinel xchebal te oq'ues, spisil lum ya me stsob sbaic tel ta atojol ta yochibal te Nailpac' te bay ya quich' c'oponele.

1 Corintios 14:8

Teme ma chicanuc ta jamal sc'op te cornetae, ¿mach'a c'an xchajban sba yu'un te ya xloc' ta guerrae?

Filipenses 2:12

Jich yu'un, quermanotac te bayal c'uxex ta co'tane, jich te bit'il la ach'uunbonic jmandal spisil ora te c'alal joinejex to ae, c'axem to xan ch'uunbonic me jmandal te bit'il q'uejel ayonixe. Ayuc me sc'oplal ta awo'tanic te acolelique. Xiwanic me, soc nijc'uc me awo'tanic.

1 Tesalonicenses 5:2

melel ana'ojic stojol ta lec te bit'il ya xc'ot sc'aalelal te Cajwaltique. Jich ay te bit'il ya xtal j'elec' ta ajc'ubale.

Santiago 5:8

Jich uuc te ja'exe ts'ijc'uc me awu'unic. Ac'a me yip awo'tanic, yu'un nopol ya xtalix te Cajwaltique.

1 Pedro 4:7

Nopol sta yorail te ya xlaj spisil. Jich yu'un, ya me sc'an te ya ana'ic q'uinal ta leque. Wiq'uiluc me asitic spisil ora soc c'oponaic me te Diose.

Apocalipsis 6:17

Yu'un c'otix sc'aalelal te yilimbae. ¿Mach'a c'an cujch'uc yu'un?”, xiic ta aw.