Joel 1:7 - Bible in Tzeltal de Oxchuc y Tenejapa

⁷ La slajinbotiquix te jts'usubiltique; la set'botiquix te higueraetic cu'untique. Jc'axel la xcho'botiquix spat, asta sacubix jilel sc'abc'ab yu'un.

Bible in Tzeltal Bachajón

⁷ La slajimbon te ts'usubil cu'un, soc la set'bon te higuera cu'un; la scho'bon spat, la sch'oj cohel, sac hil te sc'abc'ab yu'un.

Joel 1:7 ပူးပေါင်းရင်းမြစ်များ

Salmos 105:33

la slajinbey sts'usubil soc higueraetic; la slajinbey spisil te te'etic ta Egipto.

Éxodo 10:14

Ochic bael ta spamal te lume. Ma'yuc bay jich c'oem ta pasel ta neelal, ni ta patilal, te bit'il mero c'ax bayal te c'ulubetique.

Éxodo 10:15

La slim sbaic ta lumq'uinal, mero ma chicanuquix a c'ot te lume. La swe'elinic te awalts'unubile, soc spisil te sit te'etic te jilemic xan yu'un te bate. Ma'yuquix bila jil ta spamal Egipto, ni ta aquiltic soc te te'eltique.

Isaías 24:7

Ma'yuquix lec te vino, te ts'usubiltic tsacotic ta chamel; te mach'atic bin nax yo'tanic ta q'uinale, noj yo'tanic yu'un te mel-o'tane.

Isaías 32:12

Ac'aic ta ilel te ya amel awo'tanic ta scaj te aq'uinal te t'ujbil yutsile, te ay lequil ts'usubiltic yu'une.

Isaías 5:6

ya jpijt'es jilel. Ma ba ya yich' c'abuyel, ni ma ba ya yich' aq'uentayel; ya me xnoj ta ch'ixtiquil soc ta wanc'altic. Ya me jpas ta mandal te tocaletic te ma me xyaq'uic ja'al ta stojol —xi.

Jeremías 8:13

Te Cajwaltic jich ya yal: —Ya jset' te lum cu'une, jich bit'il trigo. Ma me ayuc ya xjil jp'ijuc ta ts'usubil, ni ma me ayuc jp'ijuc higo ya xjil ta ste'el. Ja' nax me c'anubenic ya xjil te yabenale —xi'.

Oseas 2:12

Ya jlajinbey te ts'usubiletic soc te higueraetic yu'une, ja' te jich la yalbey sc'oplalic te antse: “Ja' jtojol te la yac'bonic te mach'atic la smulanonique”,te xie. Ya me jc'atp'un ta pimil wanc'altic, ja' me ya swe'elinic te ja'mal chambalametique.

Joel 1:12

Taquejix te ts'usubile, tojol ch'ay te higueraetique. Taquin a jilic uuc te granadoetic, te palmaetic, soc ste'el manzanaetic, soc ta spisil ste'el te q'uinaletique. Jich ch'ay te yutsil yo'tanic spisil te ants-winiquetique.

Amós 4:9

—La jmajat c'oem ta buen c'ajc'al ic' soc ta buen tulan chamel; la cac' te ya sayub awawal-ats'unubic soc te ats'usubilique. Te c'ulubetic la slajinbat te higueraetic soc te olivoetic awu'unique. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.

Habacuc 3:17

“Jich yu'un, ya me xnoj sbujts' co'tan yu'un ta scaj te Cajwaltic te jcoltaywanej cu'une. Ya me calbey yutsilal, manchuc me ma xnichin te higueraetic, manchuc me ma xyac' sit te ts'usubiletic soc te olivoetic, manchuc me ma'yuc bila ya jtsobtiquix loq'uel ta lumq'uinal, soc manchuc me ma'yuquix wacaxetic ta snaique.

Malaquías 3:11

Ma xcac' xtal xchamel ta awawal-ats'unubic soc te ts'usubiltic awu'unique.