Jeremías 8:2 - Bible in Tzeltal de Oxchuc y Tenejapa

² Limil me ta lum ya xjilic ta sit te c'aal, te u soc spisil te eq'uetic te c'ux la yaiyic ta yo'tanique, te la yac' sbaic ta abatinel yu'unic, te la xch'uunique, te ay bila la sjojc'obeyic soc te la squejan sbaic ta stojolique. Ma'yuquix mach'a ya stambeyic sbaquelic te ya xcha'mucbeyic xane. Ya me xjilic ta sba lumq'uinal jich bit'il stsa' chambalam.

Bible in Tzeltal Bachajón

² Limil ya xhilic ta stojol te c'ahc'al, te u soc spisil te eq'uetic, te c'ux la ya'iyic ta yo'tanic soc te la yac' sbahic ta a'batinel yu'unic, te la st'unic bahel, te ay bin la sjoc'obeyic soc te la squejan sbahic ta stojolique. Ma ba ya yich'ic tsobel o muquel, hich ya xc'ohtic te bin ut'il stsa' chambahlam ta sba te lumq'uinale.

Jeremías 8:2 ပူးပေါင်းရင်းမြစ်များ

2 Reyes 23:5

Patil la sloq'ues ta yat'el te sacerdoteetic ac'bil yat'elic yu'un muc' ajwaliletic ta Judá, yu'un ya xchic'beyic pom ta toyol ch'uunjibaletic te ayic ta lumetic yu'un Judá soc ta sjoyobal te Jerusalén. Soc la sloq'ues te sacerdoteetic te la xchic'beyic pom te Baal, te c'aal, te u, soc spisil te eq'uetic ta ch'ulchan.

Hechos 7:42

Jich ijq'uitayotic yu'un te Diose. La yac' te la slajin sbaic ta stojol te eq'uetic xlemlajan ta yolil te ch'ulchane, jich te bit'il ts'ibubil jilel ta sjun te j'alwanejetic yu'un te Diose: “Ja'ex lum Israel, ¿ay bal la amilbonic chambalametic jmajt'anin te cha'winic (40) ja'wil te ayex ta muc'ul jochol taquin q'uinale?

Jeremías 9:22

Te sbaq'uetalic te ants-winiquetique limilic jilel ta lum, jich bit'il stsa' chambalam ta sba lumq'uinal, jich bit'il tomoltom ya xjil ta spat te jset'-trigoe. Ma'yuc mach'a ya xtal stsobey te sbaq'uetalique”, xiic me ta yalel ta oq'uel. Jich ya yal te Cajwaltique.

Deuteronomio 4:19

Te c'alal ya awilic te ch'ulchan, te c'aal, u, eq'uetic, ja' spisil te bitic ayic ta toyole, ma me xamulanic xch'uunel, melel ja' me te Cajwaltic te Dios cu'untic te la spas te bitic ayic ta toyole, ja' yu'un te lumetic te ayic ta swolol te balumilale.

Sofonías 1:5

Ya jlajin te mach'atic ya xmoic ta sba sna te ya xch'uunic te eq'uetique, soc te mach'atic ya squejan sbaic te ay bila ya yalic ta jamal te ya stabonic ta alel jbiil a soc sbiil te lotil dios Milcom.

Ezequiel 8:16

Jich la yic'on bael ta yamac'ul ta yelaw te templo yu'un Cajwaltique. Ta yochibal te ch'ul templo, ta yolil te yochibal soc te scajtijib ta chiq'uel majt'anile, ay jo'eb xcha'winic (25) winiquetic te swalac'patiyejic te ch'ul templo. Tinajtic bael ta stojol ta banti ya xloc' tel c'aal, yac'ojbey sta lum te sti'baique, yacalic ta xch'uunel te c'aale.

Jeremías 36:30

Lec ay jiche, jo'on te Ajwalilone, ya calbat, Joacim, muc' ajwalilat yu'un Judá, te ja'ate ma me ayuc ats'umbal ya xjil ta smuc'ul nactijib David. Te abaq'uetale pacal ya xjil ta yolq'uinal, ta sq'uixnal c'aal soc ta siquil ajc'ubal.

Jeremías 22:19

Jich me ya xba smuquic c'oem te bit'il burro: ya me stasic bael soc ya me xch'ojic ta spat Jerusalén —xi' sc'oplal yu'un.

Jeremías 19:13

Te nanatic ta Jerusalén, te muc'ul naetic yu'un te muc' ajwaliletic ta Judá soc te sba nanatic te bay la yac'beyic pom te c'aal, u, eq'uetic ta ch'ulchan, soc te bay la smalbeyic majt'anil vino te lotil diosetique, ilaybil me ya xc'ot spisilic, jich bit'il Tófet’, xi' te Cajwaltique”, uta me —xi'.

Jeremías 16:4

Ya me xlajic yu'un chamel te xiweltic sbae, soc ma'yuc mach'a ya x'oq'uetayotic yu'un, ni ma'yuc mach'a ya xmucotic yu'un; limilic me ta lum ya xjilic jich bit'il stsa' chambalam. Ta guerra soc ta wi'nal ya xlajic bael; te sbaq'uetalic ya me xlajic ta ti'el ta xulem soc jti'awal chambalametic —xi' te Cajwaltique.

Salmos 83:10

te la yich'ic milel ta Endor, te c'atp'ujic ta c'a'em lum ta q'uinal te sbaq'uetalique.

2 Reyes 21:3

La xcha'pas xan te toyol ch'uunjibaletic te la sjin te Ezequías, ja' te state. La spasbey scajtijib ta chiq'uel smajt'an te Baal; la spas sloc'omba Asera, jich nix te bit'il la spas te Acab, te muc' ajwalil ta Israel a; soc la xch'uun soc la yich' ta muc' spisil te eq'uetic ta ch'ulchane.

Sofonías 1:17

Ya yal te Cajwaltique: —Ya me cac'bey swocol te ants-winiquetique. Jich me ya xbeenic te bit'il ma'sitetic, melel la sle smulic ta jtojol. Bayuc nax ya xmal xch'ich'elic jichuc tan, soc te sbaq'uetalic jich me ya yich' tsobel te bit'il stsa' chambalametic —xi'.

Eclesiastés 6:3

Te winique manchuc me jo'winic ta jtul snich'nab soc ya xcuxin bayal ja'wil, teme ma ba ya yaiybey yutsilal te bila leque, soc teme ma'yuc smuquenal ya yich' muquel a te c'alal ya xlaje, ta mero melel ja' lec to c'oem yu'un te c'axem alale.

2 Reyes 21:5

La spas yantic scajtijib ta chiq'uel majt'aniletic ta cheb yamaq'uil templo yu'un Cajwaltic, ja' swenta xch'uunel spisil te eq'uetic ta ch'ulchane.

2 Reyes 17:16

La xch'aybeyic spisil te mandaliletic yu'un te Cajwaltic te Dios yu'unique. La spasic cheb alal toroetic ta ultesbil bronce, soc sloc'omba Asera, soc la to xch'uunic te spisil te eq'uetic ta ch'ulchan, soc la xch'uunic te Baal.

Deuteronomio 17:3

ta swenta te bit'il ya xjajch' xch'uun yantic bitic cuybilic ta Diose, teme ya squejan sba ta stojolic, teme ja' ya squejan sba ta stojol te c'aal, u, eq'uetic, te ma ja'uc yaloj te Cajwaltique,

Salmos 53:5

Manchuc me ma'yuc bila chican ta xi'el tey a te ya yac' nijq'uele, pero jajch'ic ta nijq'uel yu'un xiwel; melel Dios la spucbey sbaquel te controetique. Jilic ta q'uexlal melel ch'ayotic jilel yu'un te Diose.

Jeremías 14:16

Te lum te ba sc'opone, ya me xlajic ta guerra soc ta wi'nal, soc nix te yinamic, te snich'nabic queremetic soc ach'ixetique. Te sbaq'uetalic te lajeme ya me yich'ic ch'ojel loq'uel ta calleetic ta Jerusalén, ma me ayuc mach'a ya smucbeyic. Ja' me jich ya cac'bey stojic te smulique.

Jeremías 16:11

Te ja'ate jich me ya asujt'esbey te sc'opique: “Te Cajwaltic jich ya yal: ‘Ta melel te antiguo ame'-atatic la yijq'uitayon ta yo'tanic. Ja' bajt' ta yo'tanic te lotil diosetic ta xch'uunel soc ta yalel wocol ta stojol. Te jo'one la xch'ayon ta yo'tanic, ma la sc'otesic ta ch'uunel te mandalil la cac'beye.

Jeremías 31:40

Spisil te xatlejal te bay ya yich' muquel te animaetic soc te bay ya yich' ch'ojel bael te c'ajc'al tane, soc spisil te q'uinal ay ta sba beja' yu'un te Cedrón, ja' to ta bay la spas tel buelta, ta Yochibal Caballoetic, ta stojol sloq'uib c'aal, ac'bilon cu'unin. Soc spisil ma ba ya yich' xan tijel, ni jinel —xi' te Cajwaltique.

Ezequiel 6:5

Ya me jch'ojbey bael sbaq'uetalic te israeletic ta stojol te loc'omba cuybil ta Dios yu'unique. Ya jpucbey bael sbaquelic ta sjoyobal te scajtijib ta chiq'uel smajt'an yu'unique.

Ezequiel 29:5

Ya me jch'ojat c'axel ta jochol taquin q'uinal, ya me jch'ojat c'axel soc spisil te xchayul te muc'ja' awu'une. Ya me xt'uxajat ta yolq'uinal, ma'yuc mach'a ya smucat. Ya me cac' sti'at jti'awal chambalametic, ya me cac' sti'at mutetic te ya xwilic ta toyole.

Salmos 83:11

Jich xapasbey te tulan winiquetic yu'un te bit'il la apasbey te Oreb soc Zeeb; jich xapasbey ta spisil soc jwentainwanejetic yu'unic te bit'il la apasbey Zeba soc Zalmuna,

Jeremías 9:20

Antsetic, aiya awaiyic stojol sc'op te Cajwaltique, aiya awaiyic te bila ya yalbate. P'ijubtesaic ta oq'uel te awantsil-alic soc te ajo'taque, te yacuc yalic ta oq'uel:

Jeremías 9:21

“Te lajele och tel ta yutil jnatic, jul ta palacioetic cu'untic; ya smil alaletic ta calleetic soc te queremetic ach'ixetic ta parqueetic.

Jeremías 16:6

Muc'-biq'uitetic ya me xlajic li' ta bay lum to; ma'yuc mach'a ya spasbey smuquenal, ni ma'yuc mach'a ya yoq'uetay, ni ma'yuc mach'a ya yac' ta ilel xc'uxul mel-o'tan ta swentaic te ya yejch'entes sbaic ta sbaq'uetalique, o te ya sjox loq'uel stsotsil sjolic yu'une.

Jeremías 25:33

Te mach'atic ya yac' ta lajel ta bi c'aalil te Cajwaltique, limilic me ta lum ya xjil ta juju-jejch' sti'il te balumilale. Ma me ayuc mach'a ya x'oc' yu'unic, ma'yuc mach'a ya yich'beyic bael sbaq'uetal ta muquel; limil ya xjilic ta lum jichuc stsa' chambalam.

Ezequiel 39:5

Limil me ya xjilex ta lum ta yolq'uinal. Jo'on Ajwalilon te jich caloje. Jo'on la caq'uix ta na'el te jc'ope.