Jeremías 7:9 - Bible in Tzeltal de Oxchuc y Tenejapa

⁹ Ya awaiyic elec', milaw, mulwej, soc ya awalic lotil c'op, soc ya awac'bey pom te lotil dios Baal, soc ya ach'uunic diosetic te ma'yuc swentaile.

Bible in Tzeltal Bachajón

⁹ Yac awa'iyic elec', milaw, antsiwej, yalel ta jamal lot, yac achic' pom ta stojol Baal soc yac at'unic bahel diosetic te ma ba ana'beyejic sba,

Jeremías 7:9 ပူးပေါင်းရင်းမြစ်များ

1 Reyes 18:21

Te Elías noptsaj bael ta sts'eel te lume, jich la yal: —¿Jayeb xan ora jich ya x'ainex te bit'il ayexe, te cheb awo'tanique? Teme ja' mero Dios te Cajwaltic, ja' me xat'unic jiche; o teme ja' te Baal, ja' ya sc'an ya at'unic jiche —xi' te Elías. Te lume ma jp'aluc la sjac'.

Éxodo 20:3

“Ma me ayuc yan diosetic awu'un, melel jo'on nax me jtuquel te Dioson awu'une.

Isaías 1:13

Ma me x'awac'bonic majt'anil te ma'yuc sc'oplal cu'une; ma xcujch'ix cu'un te xch'ailele. Te ja'ex ya awiq'uic te alumal te ya apasic q'uin yu'un te yach'il u soc te sc'aalelal cux-o'tan; te jo'one ma jmulan te q'uinetic yu'un te alumal te bit'il yacalic ta spasel te bitic amene.

Isaías 58:2

Jujun c'aal ya nax sleonic, bin nax me yo'tanic yilel ta sna'beyel sba te beetic cu'une. Jich me c'oemic te bit'il lum te ya spas te bila leque, te yich'ojic ta muc' te mandaliletic cu'une. Ya sc'anbonic mandaliletic te tojique, soc bin nax yo'tanic yilel te ya xnoptsajic ta jtojole.

Jeremías 1:16

Ja' te castigo ya jticun ta stojol jmulawiletic te la yijq'uitayon ta yo'tanique, te la xchic'beyic pom soc la xch'uunic te lotil diosetic yu'un jyanlumetic te ja'ic nix la spasique.

Jeremías 11:13

Te Judá c'ax bayal diosetic yu'un, jich nix yipal te bit'il lumetique. Te mach'atic yajwal te Jerusalén bayal spasojic scajtijib majt'aniletic swenta yu'un ya yac'bey pom te Baal, jich yipalic te bit'il calleetic yu'un te lume.

Jeremías 11:17

“Jo'on te Ajwalilon te Spisil ya xju' cu'une, te la jts'un te Israel soc Judae, la calix mandal te ya xc'ot ta stojolic te bila amene ta scaj te smulique. Melel la sta smulic ta jtojol te la yac'beyic smajt'an pom te Baal —xi'.

Jeremías 13:10

Ja' in lum to te amen yo'tane ma sc'an xch'uunbon te jmandale, q'uejel yac'oj sbaic bael soc stulanil te yo'tanique. Bajt'ic ta stojol lotil diosetic, yac'oj sbaic ta abatinel yu'un soc ta xch'uunel. Pajalic soc te xchujq'uil ach'ujt' te ma'yuquix yutsil ta jyalele.

Jeremías 18:15

Ja'uc me to, te lum cu'une ch'ayon ta yo'tanic, soc ya yac'bey pom te lotil diosetique. Jowejemic ta be, ja' te antiguo be, soc ja' st'unojic chujc'ul be te ma sna'beyic sbae.

Jeremías 19:4

Melel te israeletic la yijq'uitayonic ta yo'tanic, soc yan ac'ot ta c'atp'unel yu'unic in lum to. La yac'beyic pom te lotil diosetique, te ma ba sna'ojbeyic sbae, ni te antiguo sme'-static ma la sna'beyic sba, ni te muc' ajwaliletic yu'un Judá ma la sna'beyic sba. Soc ja' in lum to la snojesbeyic ta xch'ich'el te ants-winiquetic te ma'yuc smule.

Jeremías 32:29

Te caldeoetic yacalic ta yaq'uel guerra te lume, ya me x'ochic tel ta jyalel li'to, soc ya me yac'beyic jilel sc'aal. Ya me xchiq'uic te nanatic, yu'un la sbolc'optayonic a te la xchic'beyic pom ta sba nanatic te Baal, soc la yac'beyic vino tey a te lotil diosetique.

Jeremías 44:3

ta scaj te bila amen la spasique. La yac' ilinucon yu'un te la xch'uunic lotil diosetic soc la yac'beyic pom; te lotil diosetique, ni ja'ic, ni ja'ex, ni te antiguo ame'-atatique, ma'yuc ta awo'tanic ta neelal to.

Jeremías 44:8

¿Bistuc ya awac' ilinuc co'tan yu'un te awat'elique, soc te ya awac'beyic pom te lotil diosetic tey ta Egipto ta bay talemex ta nainele? Ja'ex te ya ajajch'esic te ajinelique; soc ja' ejemploex yu'un te castigo te ya awich'ique, soc pejc'anel ta yolil ta spisil te nacionetic ta balumilale.

Jeremías 44:9

¿Ch'ay balix ta awo'tanic ta spisil te bitic amen la spasic te antiguo ame'-atatic, soc te bitic amen la spasic te muc' ajwaliletic ta Judá soc te yinamique, ja'ex uuc soc te awinamique, te bila la apasic ta sq'uinal Judá soc ta calleetic yu'un Jerusalén?

Jeremías 48:35

Te Cajwaltic jich ya yal: —“Ya jin te ants-winiquetic ta Moab te ya xmoic ta toyol ch'uunjibal ta swenta yac'beyel milbil majt'anil soc pom te lotil diosetique —xi'.

Jeremías 5:2

Manchuc me ya stabeyic ta alel sbiil te cuxul Diose, ja'uc me to, ma'yuc swentail ya xc'ot te bila ya yalique —xi' te Cajwaltique.

Jeremías 5:7

Te Cajwaltic jich ya yal: —¿Bit'il ya jpasbat perdón yu'un spisil? Te anich'nabique la yijq'uitayonic, soc ja' ya yalbeyic loq'uel sbiil te ma diosuque. La cac'bey bayal swe'elic; ja'uc me to, ma junaj yo'tanic ta jtojol, soc jun nax la yac' sbaic bael ta spasel mulwej ta sna jmulawil antsetic.

Jeremías 7:6

teme ma ba ya atojol-uts'inic te jyanlumetic, te me'ba alaletique, soc te me'ba antsetique, teme ma xamilic te mach'a ma'yuc smul li' ta bay q'uinal to, teme ma xach'uunic yantic loc'ombaetic, te ja'ex nix te tey ya aboltes abaic a,

Ezequiel 18:18

“Te bit'il mero j'uts'inwanej te state, te la yaiy elec' soc te ay bitic amen la spas ta stojol te slumale, ya me xlaj yu'un castigo ta scaj te smule.

Ezequiel 20:30

“Jich xawalbey te lum Israele: “Jich ya yal te Cajwaltique: ‘¿Bi yu'un ya ac'an ya aboltes abaic jich te bit'il antiguo ame'-atatique? ¿Bi yu'un ma junuc awo'tanic ta jtojol, bistuc te ya xbajt' awo'tanic ta xch'uunel te loc'ombaetic ilaybil sbae?

Ezequiel 23:39

Ja' nix ta yorail a te bila c'aalil la smilic te yal-snich'nabic yu'un yich'el ta muc' te loc'ombaetic yu'unique, xtaluquic ta ch'ul templo cu'un, la sboltesbonic sc'oplal. ¡Ja' la spasic ta mero jna!

Ezequiel 5:11

Jo'on Ajwalilon te jich ya cal ta jamal swenta bit'il cuxulon, melel la aboltesbonic te ch'ul templo cu'une, ta scaj te loc'ombaetic soc ilaybil sba te awat'elique. Ja' yu'un ya me jlajinex, ma me ba ya jna'beyex yo'bolil abaic.

Oseas 2:13

Ya me cac'bey castigo yu'un te jayeb c'aal c'axix te la xchic'bey pom te yajcananique, c'alal la xch'al sba ta ch'ocowiletic soc ualiletic swenta yu'un ya yantay te mach'atic ya xmulanot yu'une, te c'alal la xch'ayon ta yo'tane. Jo'on Ajwalilon, tulan ya cal.

Oseas 6:9

Te sacerdoteetic jun yac'oj sbaic ta elec'. Yac'oj sbaic ta smujc'tayel te ants-winiquetique; ya yaiyic milaw soc yantic bitic swenta q'uexlal ta sbelal Siquem.

Amós 4:5

Chic'aic waj te yich'oj levadura swenta majt'anil ta yalel wocol, soc pucbeya sc'oplal ta bayuc te majt'anil awu'un te spasemal awo'tan ya awaq'uique, ja' te ya smulan awo'tanic spasel te ja'exe —xi' ta tulan te Cajwaltique.

Sofonías 1:5

Ya jlajin te mach'atic ya xmoic ta sba sna te ya xch'uunic te eq'uetique, soc te mach'atic ya squejan sbaic te ay bila ya yalic ta jamal te ya stabonic ta alel jbiil a soc sbiil te lotil dios Milcom.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Romanos 2:2

Jna'ojtic stojol te ya x'ich'awan ta c'op Dios yu'un te mach'atic yat'elinejic spasel te bila amene, jich te bit'il ya yal te smelelil c'ope.

Deuteronomio 32:17

La yac'beyic milbil smajt'an pucujetic, lotil diosetic te ma'yuc bi ora sna'ojbeyic sba, yach'il lotil diosetic, lotil diosetic te c'oelic to, ni la xch'uunic te sme'-statique.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

Jueces 5:8

“C'alal la stsaic yantic diosetic, ay guerra ta sti'il te lume; pero ma'yuc bay chicnaj smajq'uil sbaq'uetalic soc ni junuc lanza ta yolil te cha'winic ta jmil (40,000) te israeletique.