Jeremías 7:3 - Bible in Tzeltal de Oxchuc y Tenejapa

³ Jo'on te Spisil ya xju' cu'une, te Dioson awu'unic, jich ya calbeyex ja'ex te Israelexe: Lectesaic te acuxlejalic soc te awat'elique, jich me ya cac' ya xcuxinex bael ta bay in q'uinal to.

Bible in Tzeltal Bachajón

³ Hich yaloj te Jehová te scuentahinej spisil, te Dios yu'un Israel: Tojobtesahic te behetic awu'unic soc te awa'telique, hich ya cac' te ya xnahinex li'i.

Jeremías 7:3 ပူးပေါင်းရင်းမြစ်များ

2 Reyes 17:13

Ta swenta spisil ta jchajp j'alwanejetic, albotiquix yu'un Cajwaltic a te israeletic te yacuc sujt'es yo'tanic yu'un te amen be st'unojique, te ja'uc ya yaq'uic c'otuc ta pasel te mandaliletic, soc te bi chapal yu'un, soc spisil te p'ijtesel te la yac'bey te antiguo sme'-static ta swenta te abatetic yu'une.

Esdras 10:11

Ja' yu'un yo'tic, li' ta stojol Cajwaltic te Dios yu'un te jme'-jtatique, na'aic me ta lec te ataoj amulic ta stojol te Cajwaltique, soc ja' me xapasbeyic te sc'anjel yo'tan stuquele. Pita abaic ta stojol te mach'atic ma ba xch'uunejic te Diose, soc ta stojol te jyanlum-antsetic in to —xi' te Esdras.

Proverbios 28:13

Te mach'a ya smuc smul, ma lecuc ya xc'ot yu'un; yan te mach'a ya yal ta jamal soc te ya yijq'uitay spasele, ya me sta perdón.

Isaías 55:7

Te mach'a amen yo'tane ya sc'an te ya yijq'uitay te sbee; te mach'a ay mulil ta yo'tan, ya me yijq'uitay te bitic sna'oje. Sujt'anic tel ta stojol te Cajwaltique, jich me ya sna'beyex yo'bolil abaic stuquel; sujt'anic tel ta stojol te Dios cu'untique, te ma p'isbiluc nax yutsil yo'tan ta spasel perdón.

Jeremías 17:25

Teme jich ya apasique, jich me ay muc' ajwaliletic ya xnajc'ajic ta muc'ul nactijibal yu'un David, soc ya me x'ochic bael ta ochibaletic yu'un sts'ajc'ul te lum ta carreta soc cajal ta caballo, joinbilic yu'un te jtsobwanejetic soc te ants-winiquetic yu'un Judá soc yu'un Jerusalén. Jich yu'un te Jerusalén ay nix me yajwal stuquel a.

Jeremías 18:11

“Albeya te ants-winiquetic ta Judá soc te yajwal Jerusalén: “Jich ya yal te Cajwaltique: ‘Yacon ta xchajbanel ac'oplalic ta jcontroinbelex; yacon ta snopel te ya cac'beyex castigo. Ijq'uitayaic jilel te be te amene; tojtesaic te awo'tanic soc te awat'elique’, xi' me”, ya me awut.

Jeremías 18:8

teme ya yijq'uitay te bila amene, jich ma ba ya jticunix tel ta stojol te castigo te chapalix cu'une.

Jeremías 26:13

Tojtesa te awo'tanic soc te awat'elique, ch'uunbeyaic sc'op te Cajwaltic Diose, swenta jich ma sticunbeyex tel te woclajel te yalojbeyix sc'oplale.

Jeremías 35:15

Spisil ora la jticunbeyex ta atojolic spisil j'alwanejetic te abatetic cu'une, swenta yu'un ya yalbeyex te yacuc awijq'uitayic te amen awo'tanic soc te amen at'eliletique. Soc te manchuc ya xbaex ta stojol te lotil diosetique, te ma xaquejan abaic ta stojole, te jich ya xju' xcuxinex bael ta bay lumq'uinal te cac'ojbeyex soc te antiguo ame'-atatique. Ja'uc me to, te ja'exe ma la awich'ic ta muc', ni ma la ach'uunic.

Jeremías 35:16

Te sts'umbal Jonadab te snich'an Recab, la sc'otesbeyic ta ch'uunel smandal te xchich smamic te ac'botic jilel yu'une, yan te lum Israel ma ba xch'uunejbon te jc'ope.

Jeremías 4:1

Te Cajwaltic jich ya yalbat: —Teme ya ac'an sujt'at tel, Israel, ja' me ya sujt'at tel ta jtojol. Teme ya aloq'ues bael te loc'ombaetic awu'un te ilaybile soc te ma q'uejeluc ya awac' aba ta jtojole,

Jeremías 6:16

Te Cajwaltic jich ya yalbey te lum yu'une: —Tejc'ana abaic ta bebetic soc ilawilic, jojc'oic te namey biq'uit beetique, ja' te banti lec xan te be; t'unaic bael, tey me ya acux awo'tanic a —xi'. Ja'uc me to jich la yalic: —Ma jc'an jt'untic bael —xiic.

Santiago 4:8

Noptsajanic ta stojol te Diose, jich me ya xnoptsaj ta atojolic uuc. Jmulawiletic, poca ac'abic; ja'ex te cheb awo'tanique, ac'a abaic ta utstesel.