Jeremías 51:7 - Bible in Tzeltal de Oxchuc y Tenejapa

⁷ Te Babilonia jich c'oem ta jc'ab bit'il vaso pasbil ta oro te la cac' yacubuc spisil ants-winiquetic a. Te nacionetic la yuch'ic te vino, soc ch'ayic ta q'uinal yu'un.

Bible in Tzeltal Bachajón

⁷ Te Babilonia ha copa pasbil ta oro c'ohem ta sc'ab Jehová te la syacubtes a spisil te ants-winiquetic ta q'uinal. Te nacionetic la yuch'beyic te vino yu'un, hich sohc sjolic a.

Jeremías 51:7 ပူးပေါင်းရင်းမြစ်များ

Isaías 14:4

Jich me yorail ya awalic in aiyej chajbanbil to ta slabanel te muc' ajwalil ta Babilonia: —Aiya awaiyic te bit'il c'ot ta loq'uel te j'uts'inwanej; aiya awaiyic stojol te banti c'alal comix te smuc'ul toybaile.

Jeremías 13:13

Te ja'ate ya me asujt'esbey: “Te Cajwaltic ya yal: ‘Ya me cac' xyacubic spisilic te mach'atic nainemic tey ta lum to: Te muc' ajwaliletic te ya xnajc'ajic ta smuc'ul nactijib David, te sacerdoteetic, soc te j'alwanejetic, soc spisilic te mach'atic nainemic ta Jerusalén.

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.

Jeremías 50:38

Ay me guerra ta stojol te ja'etique, ac'a taquinajuc. Melel te Babilonia, ja' te jpam lum soc yajcanan te xiweltic sba soque, scaj te yajcananic te ch'ayemix ta q'uinal yu'une.

Ezequiel 23:42

Chicnaj ta aiyel bayal awetic, ja' yawic te jpas-q'uinetic, ja' te winiquetic talemic ta jochol taquin q'uinal. Ja'ic te ya xch'alic te antsetique. Te antsetic ya xojbeyic xch'alil ta sc'abic, soc ya yac'beyic buen t'ujbil scorona ta sjolic.

Daniel 2:32

Te sjol te loc'omba, puro oro yich'oj pasel a. Te stan soc te sc'abe, pasbil ta plata. Te xch'ujt' soc te ya'e, pasbil ta bronce.

Daniel 2:38

la yac'bat awu'unin ta spisil q'uinaletic te ay mach'atic nainemic tey ae, soc te ay chambalametic, mutetic. Ja' stuquel la yac'bat awu'unin spisil, ja'at me sjolat te oroe, muc' ajwalil.

Apocalipsis 14:8

Tsac'linot yu'un yan ch'ul abat te jich la yale: “Jc'axel jinix te muc'ul lum Babilonia te la syacubtes spisil ta jchajp nacionetic a te vino yu'une, ja' bi ja' te la yac'bey snopic te smulweje”, xi' ta aw la caiy.

Apocalipsis 17:2

Te muc' ajwaliletic ta balumilale, yaiyojiquix mulwej soc. Soc spisil te mach'atic cuxajtic ta balumilale, yacubenic yu'un te svinoe, ja' bi, sboltesej sbaic soc ta swenta te smulweje —la yuton.

Apocalipsis 17:4

Te sc'u' slapoj te antse, tsaj soc tsaj'aman. Xch'aloj sba ta oro soc ta t'ujbil lequil tonetic soc ta perlaetic. Yich'oj ta sc'ab copa te pasbil ta oro te nojel tey a te bila ya yilay te Diose, capal soc sbolil te smulweje.

Apocalipsis 18:23

Soc ma xchicnaj xan xojobil c'ajc' ta atojol, soc ma'yuc bi ora xch'inch'on nax q'uinal yu'un spasel q'uin swenta nujbinel ta atojol. Melel te jp'olmaletic awu'une, buen ich'bilic ta muc' ta neelal ta balumilal. Soc la alo'lay spisil nacionetic a ta swenta te j'ac'chameletic awu'une”, xi' te ch'ul abate.

Apocalipsis 18:3

Yu'un yuch'ojbeyic svino spisil ta jchajp te nacionetique, ja' bi, sboltesej sbaic soc ta swenta te smulweje. Te muc' ajwaliletic ta balumilale yaiyojiquix mulwej soc. Te jp'olmaletic ta balumilale staojiquix bayal sc'ulejalic ta swenta spisil te bila mulanbil yu'un sbaq'uetal te muc'ul lume”, xi' ta aw.

Apocalipsis 19:2

Yu'un toj awo'tan ya awac' castigo ta swenta te bila smelelile, melel la awac'beyix castigo te mero jmulawil ants te la sboltes ta smulwej spamal te balumilale. Dios la yac'beyix stoj te la smilbey te abatetic yu'une”, xiic.