Jeremías 51:57 - Bible in Tzeltal de Oxchuc y Tenejapa

⁵⁷ Te Muc' Ajwalil, te Ajwalil Spisil ya xju' yu'une, ya yalbey xan sc'oplal: —Ya me cac' xyacub te jtsobwanejetic yu'un Babilonia, te mach'atic p'ijic yu'un, soc te ajwaliletic, te mach'atic te tulan yat'el yich'ojic, soc te soldadoetique, ya me xyalic ta lum yu'un swayelic sbajt'el q'uinal te ma xwijq'uix sitic yu'une.

Bible in Tzeltal Bachajón

⁵⁷ Ya jyacubtesbe te príncipaletic soc te p'ijil winiquetic yu'un, te jtsobawetic, te mach'atic ich'bilic ta cuenta soc te soldadohetic yu'une. Ya xwayic sbahtel q'uinal, ma ba ya xcuxix yo'tanic, xchi te Ajwalil, te Jehová te scuentahinej spisil te sbihile.

Jeremías 51:57 ပူးပေါင်းရင်းမြစ်များ

Isaías 37:36

Te ch'ul abat yu'un Cajwaltic bajt', ba smil jo'eb slajunwinic ta jmil (185,000) soldadoetic ta scampamento te asiriaetique; ta xchebal c'aalil spisilic lajemiquix a te sacub q'uinale.

Isaías 44:25

Ma xcac' te ya xc'ot ta pasel te bila la yalbey sc'oplal te lotil j'alwanejetique; jo'on ya cac' jowejuc sjolic te mach'atic ay bila ya xtal ta yo'tanique. Jo'on ya cac' ya scontroin sbaic ta c'op te mach'atic p'ijique; soc te bitic ya sna'ic, puro jowil c'op me ya xc'ot ta loq'uel.

Isaías 6:5

La cal ta co'tan: “¡Obol jba, ya xlajon! La quilix soc jsit te Muc' Ajwalil, ja' te Cajwaltic te Spisil ya xju' yu'une, te jo'one ma ba lecon ta winiquil soc que, soc nainemon ta yolil te lum te boloben yeique”, xoon.

Jeremías 13:13

Te ja'ate ya me asujt'esbey: “Te Cajwaltic ya yal: ‘Ya me cac' xyacubic spisilic te mach'atic nainemic tey ta lum to: Te muc' ajwaliletic te ya xnajc'ajic ta smuc'ul nactijib David, te sacerdoteetic, soc te j'alwanejetic, soc spisilic te mach'atic nainemic ta Jerusalén.

Jeremías 25:27

Soc la yalbon te Cajwaltique: —Albeya yaiyic te jo'on Ajwalilon te Spisil ya xju' cu'une, te Dioson yu'un Israel ya calbey mandal: “Uch'aic me ja' to te c'alal ya xyacubex ta jyalel, te ya xenex soc te ya xyalex ta lum, swenta yu'un ma xjajch'ex ta scaj te guerra te ya jticun tele”, xoon me.

Jeremías 46:18

Te bit'il jo'on muc' ajwalilon, “Ajwalil te Spisil ya xju' cu'une”, xi' te jbiile. Jamal ya cal jo'on te cuxulone. Jich bit'il te Tabor, te jelawen moel yu'un spisil te witstiquile, soc jich bit'il te Carmelo, te toyol moel yu'un mar, jich me te contro ya xtale.

Jeremías 48:15

Ya me xjulix tel jinwanej yu'un Moab soc te lumetic yu'une; ta bay mero lec te ach'ix-queremetic yu'une ya me xlajic. Tulan ya yal te Muc' Ajwalile, te ja' “Ajwalil te Spisil ya xju' yu'une”, xi' te sbiile.

Jeremías 50:30

Jich yu'un te queremetic yu'une ya me xlajic ta calleetic; jich me c'aalil ya xlajic spisil te soldadoetic yu'une. Jo'on Ajwalilon, jich ya cal —xi'.

Jeremías 51:39

C'alal ya xtoy xq'uixnal ya yaiyic, ay me bi ya cac'bey yuch'ic c'oem, ja' me te uch'balil te ya xyacubic yu'une, soc te ya xch'aybey q'uinal yaiyic yu'une. Jich me ya xch'ayic ta q'uinal yu'un swayelic sbajt'el q'uinal, te ma xwijc' sitic yu'une. Jo'on Ajwalilon, jich ya cal.

Ezequiel 20:33

Melel jo'on te cuxul Awajwalon, ya cal ta jamal. Ta swenta yip cu'el soc ta swenta castigo yu'un quilimba, puersa me ya x'ochon ta ajwalil awu'unic.

Nahúm 1:10

Melel jichic me te bit'il ch'ixetic te sts'otoj sbae, jich bit'il taquin ac, ya me xc'ajq'uic ta jc'axel.

Nahúm 3:18

“Mero wayajtic te jcanan-chijetic awu'un, ja'at te muc' ajwalilat yu'un Asiria. Te ajo'tac ta ajwalil ya xcux yo'tanic, te soldadoetic awu'un pujq'uemic ta beel ta witstiquil, ma'yuc mach'a ya stsob tel.

Malaquías 1:14

Ch'aybil me ya xc'ot te mach'a ya xlo'laywan te ya yal ta jamal te lec ayic ta sc'op te xchamsbalam te ya xtal smilbonic te bolobene. Jo'on te muc' Ajwalilon, jo'on xi'bilon yu'un spisil te nacionetic —xi' te Cajwaltic te Spisil ya xju' yu'une.

Apocalipsis 18:9

Te muc' ajwaliletic ta balumilal te la yaiyic mulwej soque soc te la sjoinic ta slajinel sc'ulejalic ta spasel te bila smulanej te sbaq'uetalique, ya me x'oq'uic soc ya me smel yo'tanic yu'un te c'alal ya yilic te yac ta moel xch'ailel ta c'ajq'uele.