Jeremías 51:53 - Bible in Tzeltal de Oxchuc y Tenejapa

⁵³ Manchuc me c'alal ta yolil ch'ulchan c'oem te Babilonia swenta yu'un toyol me ya xc'ot te tulanil anjibal ts'ajc' yu'une, ya me jticun bael ta jinel yu'un te scontrotaque. Jo'on Ajwalilon, jich ya cal —xi'.

Bible in Tzeltal Bachajón

⁵³ Aunque ya xmo bahel c'alal ta ch'ulchan te Babilonia soc te ya ya'be xan yip te ahnibal yu'un te ay ta toyol, ya jticon bahel jlajinwanejetic ta stojol, xchi te Jehová.

Jeremías 51:53 ပူးပေါင်းရင်းမြစ်များ

Génesis 11:4

Soc jich la xchajbanic: —La'ic jpastic muc'ul lum, soc ya me jpastic jun muc'ul toyol ts'ajc' te bayal ta caj moel, c'alal ta ch'ulchan ya xc'ot cu'untic. Ja' lec muc' ac'a c'otuc jc'oplaltic, ma me xpujc'otic bael ta spamal balumilal —xiic.

Job 20:6

Manchuc me jich to stoyolil te bit'il stoyolil te ch'ulchane, manchuc me ya staix sjol te tocale,

Isaías 13:17

Ya jtijbey yo'tanic te media-winiquetic ta yilbeyel yo'tanic, ja' te mach'atic ma ja'uc ya xbajt' ta yo'tanic te saquil taq'uin, soc te ma ja'uc ya xlo'layotic yu'un te c'anal taq'uin.

Isaías 41:25

“La cac' chicnajuc jtul winic ta stojol sloq'uib c'aal; la calbey sbiil, jich tal, ya xjul tel ta bay norte. Ya me spech' ta teq'uel te ajwaliletic, jich bit'il ya yich' teq'uel ajch'al, jich bit'il jpac'jom te ya swots' ta teq'uel te ajch'ale.

Isaías 47:5

—Ch'aban nax me ta naclej, ja'at te ach'ix Caldeaate, nac'a aba ta ijc' q'uinal. Melel ma'yuc mach'a ya yalbat xan: “Ja' mero me'il yu'un te nacionetique”, ma xiuc xan ac'oplal.

Isaías 47:7

Jich la awal: “Jo'on me'el ajwalilon sbajt'el q'uinal”, xaat. Ma ba c'opoj awo'tan yu'un, ma la anop te bit'il ya xc'oat ta loq'uel ta slajibale.

Jeremías 49:16

Ja' la awac' slo'layat te atoybaile; melel la awac'bey ochel xiwel ta yo'tanic spisilic. Nainemat ta lom ch'entiquile, ataoj te snajt'il sba te witstiquile. Manchuc me mero toyol ya apas apechech jichuc águila, li'to c'alal ya cac'at ta ch'ojel coel tel a. Jo'on Ajwalilon, jich ya cal.

Jeremías 50:21

“Ac'beyaic guerra te q'uinal yu'un Merataim soc te mach'atic yajwal Pecod. Nutsaic ta jyalel, jinaic ta jc'axel; c'otesaic ta pasel spisil te jmandale. Jo'on Ajwalilon, te ya cal mandale —xi'.

Jeremías 50:25

Te Cajwaltic la sjambey yawil te at'ejibaletic yu'un guerra, la sloq'ues tel te yat'ejibe, ja' te yilimbae; melel te Cajwaltic te Spisil ya xju' yu'une ay me jun starea te ya sju'tes ta pasele, ja' me te nación yu'un te caldeoetique.

Jeremías 50:45

Aiya awaiyic stojol te bila chapal cu'un jo'on te Ajwalilone, te bila chapalix cu'un ta stojol Babilonia; te bila chajbanbil cu'un ta stojol slumal te caldeoetique: Ya me x'ic'otic bael asta ta bay mero alal chijetique, soc ya me yich' jinel spisil te yax aquiltique.

Jeremías 51:11

Te Cajwaltic ya sc'an sjin te Babilonia, soc la stijbeyix yo'tanic muc' ajwaliletic ta Media, jich nix ay ta yo'tanic. Ja'ix te spacol yu'un Cajwaltic te bila la spasbey te templo yu'une. Chajbanaic te yat'ejibal at'imique, soc chuca me ta ac'abic te amajq'uilique.

Jeremías 51:25

Jcontroinejat ja'at, wits c'oemat swenta jinawanej, te ya ajin spamal te balumilale. Jo'on Ajwalilon, jich ya cal. Ya me jtoy jc'ab, ya cac'bat castigo. Ya jtselc'unat coel tel c'alal ta sba muc'ul tonetic, soc ya jc'atp'unat ta c'ajq'uem wits.

Jeremías 51:48

Te ch'ulchan balumilale, spisil te bitic aye, bin nax me yo'tanic yu'un te c'alal ya x'och ta c'abal Babilonia, te c'alal ya xtal ta norte te jinawanejetic yu'une. Jo'on Ajwalilon, jich ya cal.

Jeremías 51:56

Talic ta sjinel te Babilonia; la xchucbeyiquix te soldadoetic yu'une, soc la slajinbeyic te st'imique. Melel te Cajwaltic, ja' te Dios te ya yac'bey stoj juju-jtul te bit'il nix ya sc'an te yat'ele.

Jeremías 51:58

Jo'on Ajwalilon te Spisil ya xju' cu'une, ya cal: Te spimil sts'ajc'ul ta sjoyobal Babilonia jc'axel me ya xjin coel ta jyalel; te smuc'ul yochibalic te ts'ajq'ue, ya me yich'ic chiq'uel. Tojol nax at'ejic te nacionetique, tojol nax swocolic yu'un lubel, melel ya xlaj ta c'ajq'uel spisil —xi'.

Daniel 4:30

jich la yal: —¡Ila awilic bi yilel smuc'ul te Babilonia! Jo'on ta swenta smuc'ul quip, te ju' cu'un spasel swenta yu'un ja' muc'ul lum yu'un ajwalil ta spisil te q'uinal bay c'alal jwentaineje, swenta yu'un jich me ya quijq'uitaybey sna'jibal a te yutsil smuc'ul jc'oplale —xi'.

Amós 9:2

Manchuc teme ya snac' sba ta yet'al lumq'uinal, tey me ya jtsac loq'uel tel a; manchuc teme ya xmo bael c'alal stoylejal ch'ulchan, tey ya jcojt'es tel a.

Amós 9:4

Teme ya xtsacot loq'uel ta slumal yu'un te scontrotaque, ya jticun bael puñal, ya xba smil. Ya cac'bey spisil ora te bila ma lecuc, ma ja'uc te bila leque —xi' te Cajwaltique.

Habacuc 2:9

¡Ya me awil awocol ja'at te la anojesix ana a te bitic la awelc'ane, swenta yu'un ya scoltayat ta ac'op spisil te bila chujc'ulya xtal ta atojole!