Jeremías 51:41 - Bible in Tzeltal de Oxchuc y Tenejapa

⁴¹ Babilonia, ja' te lum te pujq'uem nax sc'oplal ta spamal balumilale, ochix ta lajel, la yich'ix stsalel. Ya me xiwic te nacionetic te ya yilique.

Bible in Tzeltal Bachajón

⁴¹ ¡Bin ut'il tsalbilix te Babilonia! ¡Bin ut'il ochintaybilix te bin halbil lec sc'oblal ta spahmal bahlumilal! ¡Ilawil, xiweltic sba c'oht te Babilonia ta yohlil te nacionetique!

Jeremías 51:41 ပူးပေါင်းရင်းမြစ်များ

2 Crónicas 7:21

Te templo, te mero jelawen yutsile, ya me xc'atbuj ta busulbus tontiquil. Spisil mach'atic ya xc'axic, cham nax me ya yaiyic yu'un, soc ya me xjajch' sjojc'obey sbaic: “¿Bi yu'un jich la spasbey Cajwaltic te lum soc te templo?” xiic me.

Isaías 13:19

Te Babilonia, te t'ujbil perla yu'un te nacionetique, xch'alilic c'oem soc toyol q'uinal ya yaiyic yu'un te caldeoetique, jich me ya xc'ot te bit'il lum Sodoma soc te lum Gomorra te c'alal la jine.

Isaías 14:4

Jich me yorail ya awalic in aiyej chajbanbil to ta slabanel te muc' ajwalil ta Babilonia: —Aiya awaiyic te bit'il c'ot ta loq'uel te j'uts'inwanej; aiya awaiyic stojol te banti c'alal comix te smuc'ul toybaile.

Jeremías 25:26

soc ta spisil te muc' ajwaliletic ta norte, nopolic o c'ubul ayic juju-jchajp, ja' bi spisil mach'atic ya xmandalajic ta balumilal. Ta slajibal ya yuch' te muc' ajwalil yu'un Babilonia.

Jeremías 49:25

Te lum pujq'uem nax sc'oplal, te bin nax yo'tane, ijq'uitayotix jilel.

Jeremías 50:23

Babilonia, te martillo yu'un sjinel spamal balumilal, wuybilix ta jyalel, ts'ubiltic jilel. Bayal xiwel ya yaiy ta yo'tanic te nacionetique, te ya yilic te bila pasbilix ta stojol Babilonia.

Jeremías 50:46

C'alal ya xjin te Babilonia, muc' nax me sc'op ya xc'ot. Te lumq'uinal ya me xnijc'; te yawique ya to me yaiyic stojol te yantic nacionetique —xi' te Cajwaltique.

Jeremías 51:37

Busulbus me ya xjil te jinem ts'ajq'uetique; ja' me sna te ja'mal ts'i'etic ya xc'ot, ma me xju'ix nainel tey a, spisil mach'atic ya yilic, ya me x'ac'botic xiwtesel soc labanel te bit'il yan ta ilele.

Ezequiel 27:35

Ta spisil te yajwal lumq'uinaletic ayic ta ti'ti'mar ochem xiwel ta yo'tanic ta awenta; te muc' ajwaliletic yacalic ta buen xiwel awu'un, chican ta ilel ta sitic te xiwenique.

Daniel 2:38

la yac'bat awu'unin ta spisil q'uinaletic te ay mach'atic nainemic tey ae, soc te ay chambalametic, mutetic. Ja' stuquel la yac'bat awu'unin spisil, ja'at me sjolat te oroe, muc' ajwalil.

Daniel 4:22

te te'e ja'at me ac'oplal c'oem te muc' ajwalilate, te muc'ubenat soc te ay bayal awipe. Te smuc'ul te awat'ele, te la staix c'oel te stoyolil ch'ulchane, ja' te ochemix ta ac'ab ta spisil te lumq'uinale.

Daniel 4:30

jich la yal: —¡Ila awilic bi yilel smuc'ul te Babilonia! Jo'on ta swenta smuc'ul quip, te ju' cu'un spasel swenta yu'un ja' muc'ul lum yu'un ajwalil ta spisil te q'uinal bay c'alal jwentaineje, swenta yu'un jich me ya quijq'uitaybey sna'jibal a te yutsil smuc'ul jc'oplale —xi'.

Deuteronomio 28:37

Ilaybil aba ya x'ilotat tey a. Spisil ta jchajp labanwanej-c'op ya me yalic ta awenta ta spisil ta jchajp te lumetic te banti ya yic'at bael te Cajwaltique.