Jeremías 51:34 - Bible in Tzeltal de Oxchuc y Tenejapa

^34-35 Ya yal Jerusalén, te lum yu'un Sión: —Nabucodonosor, te muc' ajwalil yu'un Babilonia, wuyultic la yac'on, soc la sbic'on bael; jochol la yijq'uitayon jilel jichuc plato. Jich c'oem te bit'il muc'ul chan ta mar te la sbic'on baele; noj xch'ujt' yu'un a te bitic la smulanbone, te olil xane la xch'oj bael. Ac'a stoj Babilonia, te bayal la yuts'inone; ac'a stoj caldeoetic te ants-winiquetic la smilbonique —xi' me ta yalel.

Bible in Tzeltal Bachajón

³⁴ Te Nabucodonosor ajwalil yu'un Babilonia la slajinon, la sesenon. Jochol la yihquitayon hilel hich te bin ut'il vaso; la sbic'on hich te bin ut'il dragón, la snojes sch'uht ta bintic mulantic sba cu'un, la xetayon.

Jeremías 51:34 ပူးပေါင်းရင်းမြစ်များ

Jeremías 50:17

“Te Israel jich c'oem te bit'il chij te ch'ayeme, te nutsbil ta jyalel yu'un te león-chojetique. Ta sbabial ja' la sti'bey sbaq'uetal c'oem te muc' ajwalil yu'un Asiria; ta patil te muc' ajwalil yu'un Babilonia, ja' la snulbeyix ta c'uxel c'oem te sbaquele.

Jeremías 51:44

Te Cajwaltic jich ya yal: —Ya me cac'bey castigo te lotil dios Bel ta Babilonia, ya cac'bey xejtay loq'uel te bila sbic'oj c'oeme. Te nacionetic ma xju' ya xbajt'iquix ta stojol; jiniquix ta sjoyobal sts'ajc'ul te Babilonia.

San Mateo 23:13

¡Ya me awil awocolic jts'ibojometic, fariseoetic te cha'lam awo'tanique! Melel amacojiquix ta llave c'oem te sti'il ta banti ay ta ajwalinel te Dios te ay ta ch'ulchane. Ma ba ya x'ochex tey a te ja'exe, soc ma xawaq'uic ochel te mach'atic ya sc'an ya x'ochic tey a. [

Job 20:15

Ya me xejtay te c'ulejalil sbic'oj c'oeme; Dios me ya xloq'uesbot ta xch'ujt' yu'un.

Nahúm 2:2

Melel te Cajwaltic ya sujt'esbey yutsilal Jacob, ja' te yutsilal Israel. Jich nix bit'il ta neelal, te la apojbey baele, t'anal la awijq'uitayic jilel jich bit'il ste'el ts'usub te ma'yuc sc'ab ya xjile.

Amós 8:4

Aiya awaiyic stojol, ja'ex te ya atenic ta uts'inel te alumalic te peq'uel ayique, soc te ya awuts'inic te me'baetic ta alumal;

Ezequiel 36:3

Ja' yu'un c'opona ta jwenta, jich xawalbey: “Jich ya yal te Cajwaltique: ‘Ta bayuc ac'botex guerra soc la awich'ic jinel. Ta spisil te yantic lumetic la yu'uninex. Ta spisil ants-winiquetic ya slabanex soc ya yilayex.

Lamentaciones 2:16

Spisil te acontrotac ya x'utwanic ta scontroinbelat. Ya yaiyic xuxub a soc ya yixlan sni'ic ta yalel bol c'op: “La jintiquix ta jc'axel. Ja' te bayal c'aal la jmaliytique; ja'uc me to, ju'ix cu'untic ya quil”, xiic.

Lamentaciones 1:1

Mero stuquel xanix jilem te lum te nojel yu'un ants-winiquetic ta sbabial. Pajalix yilel soc me'ba ants, te c'ax muc' ta neelal yu'un te yantic lumetique. Sujbilix ta spasel tulanil at'el te antsil ajwalil te cajal yutsilal ta sbabial.

Jeremías 51:49

Ta melel, te Babilonia ya me xjin, ja' ta scaj te animaetic yu'un Israel soc ta scaj te animaetic ta spamal te balumilale —xi' te Cajwaltique.

Jeremías 50:7

Te scontrotac, te c'alal ya sta sba soc, ya xti'otic yu'un, soc jich me ya yalic: “Ma jmulticuc jo'otic, melel la sta smulic ta stojol Yajwalic. Staoj nix lec swe'elic c'oem a, soc ja' nix la smuc'ulin yo'tanic te antiguo sme'-statique”, xiic me ta yalel.

Isaías 34:11

Ja' tey ya xnainic a te ajc'ubal mutetic jich bit'il te xoch'-mut soc te toytoy-mute, soc ya spas spechechic tey a te joj soc te xcuj-mute. Te Cajwaltic ya sc'atp'un ta jochol taquin q'uinal, ma'yuc bi ya xjil ta jyalel.

Proverbios 1:12

Cuxul me ya jbic'tic c'oem te mach'atic lec yat'elique, jich te bit'il ya xbic'ot yu'un lajel te mach'atic ya xch'ayic coel ta muquenal.

Salmos 74:13

Ja'at la ajam ta swenta awu'el te mar, la atop'bey sjol te muc'ul chambalametic te ilobtic sbaic ta mar.

Oseas 8:8

Te Israel tsalotix ta jc'axel. Ya x'ilot yu'un te yantic nacionetique, jich me c'oem ta sitic te bila ma'yuquix sc'oplale.

Isaías 42:22

Pero ja' te lum, ya x'elc'anbot soc ya xpojbot loq'uel sbiluc, ta spisilic ac'otiquix ta chuquel, ac'otiquix ta mero yutil chucjibal. Ya xtsacotic ta jyalel, ma'yuc mach'a ya x'ac'otic ta libre yu'un; ya xmacotic ta chucjibal, ja'uc me to, ma'yuc mach'a ya xloq'uesotic yu'un —xi' te Cajwaltique.