Jeremías 51:32 - Bible in Tzeltal de Oxchuc y Tenejapa

³² Te contro la yac' sbaic tey a ta bay tec'oja'e; la yac'bey sc'aal te anjibaletic te bay ya scoltay sbaique. Te soldadoetic yu'un Babilonia, noj xiwel ta yo'tanic.

Bible in Tzeltal Bachajón

³² La yich'ic ich'el te tec'o-ha'etic, a'bot sc'ahc'al te toyol ilo-q'uinaletic soc ay bayel xiwel yu'un te winiquetic yu'un guerra.

Jeremías 51:32 ပူးပေါင်းရင်းမြစ်များ

Jeremías 51:30

Te soldado-babiloniaetic ma'yuc bay ya xloq'uix ta guerra, ya xjiliquix ta bay tulanil anjibal ts'ajc' yu'unic; lajix te yipique, jichiquix yilel te bit'il antsetique. Ochintayotiquix te lumetic yu'unic soc te snaic ac'biliquix sc'aal.

Isaías 44:27

Jo'on ya xju' ya cal mandal te ya xtaquej te mar, soc te beja'etic yu'un, mero ma'yuc ya'lel ya xjil.

Isaías 47:14

Ja'uc me to, pajalic soc te taquin ac; ora nax ya xc'ajq'uic, ma xju' ya scoltay sbaic loq'uel a. Melel te c'ajq'ue ma jichuc nax te bit'il ac'ale, te ya xnajc'ajat ta sts'eel te ya aq'uixnaj abae.

Jeremías 51:31

Xtal xbajt'ic nax te mach'atic ya yich'ic tel te c'ope, ta yalbeyel te muc' ajwalil yu'un Babilonia te jc'axel u'uninbilix te lum yu'une.

Jeremías 51:33

Melel te Cajwaltic te Spisil ya xju' yu'un, te Dios yu'un Israel, ya yal: —Babilonia, jich c'ot te bit'il yawil sloq'uesjibal sbac' trigo te bay ya yich' wuyel ta teq'uel te spat trigo ta yorail sloq'uesele; mero yorailix ya xc'ot sc'aalelal te ya awich'ix wuyel ta teq'uel c'oeme —xi'.

Jeremías 52:7

Jich yu'un, la slombeyic sts'ajc'ul te lume, manchuc me sjoytayejic te caldeoetique. Te muc' ajwalil soc spisil te soldadoetic yu'une loq'uic bael ta anel ta ajc'ubal. Tey loq'uic bael a ta yochibal te ay ta yolil xchebal te ts'ajq'uetique, ja' te bay sbelal bael te nichimaltic yu'un te muc' ajwalile. La st'unic bael sbelal te spamlej Jordán.