Jeremías 51:31 - Bible in Tzeltal de Oxchuc y Tenejapa

³¹ Xtal xbajt'ic nax te mach'atic ya yich'ic tel te c'ope, ta yalbeyel te muc' ajwalil yu'un Babilonia te jc'axel u'uninbilix te lum yu'une.

Bible in Tzeltal Bachajón

³¹ Te mach'a ya x'ahnimaj ora ya xbaht sta yan te ya x'ahnimaj, jtuhl jal c'op ya x'ahnimaj bahel ta stahel yan jal c'op, ta yalbeyel te ajwalil yu'un Babilonia te ochintaybilix ta jujujehch te muc'ul pueblo yu'une.

Jeremías 51:31 ပူးပေါင်းရင်းမြစ်များ

2 Crónicas 30:6

Jich loq'uic bael ta spamal sq'uinal Israel soc Judá ta spuquel cartaetic yu'un te muc' ajwalil soc te sjo'tac ta ajwalile, jich la yal bael: “Israeletic, sujt'anic tel ta stojol te Cajwaltic, te Dios yu'un Abraham, Isaac soc Israel; jich me ya sujt' tel ta atojolic uuc te mach'aex te colemex xan jilel ta sc'abic te muc' ajwaliletic yu'un Asiria.

Daniel 5:30

Ja' nix ta yorail ta yijc'ubel q'uinal a, laj ta milel te Belsasar, ja' te muc' ajwalil yu'un caldeoetique.

Jeremías 50:43

Te c'alal ya sna' stojol muc' ajwalil yu'un Babilonia in c'op to, ma'yuc yip yoc sc'ab ya xc'ot yu'un xiwel; ya me yaiy mel-o'tan soc xc'uxul, jich bit'il ya x'alaj ants.

Jeremías 50:24

Ja'at nix atuquel, Babilonia, la ayac aba ta lazo, ma la ana' stojol te ja'at tey ya xyalat ae. Tey chujc'at jilel a, tsacotat, melel tulan la awac' aba ta scontroinel te Cajwaltique.

Jeremías 4:20

Spisil ora yac ta alel tulan woclajel; spamal lum jinemix. Ora nax la sjinbonic te jcampamentoetic cu'une, la xch'i'boniquix te nailpaq'uetique.

Job 9:25

Te jcuxlejal ya xbajt' ta anel, ya xbajt' ta anel ta buen animal, tey ma'yuc la quil a te utsilale.

Ester 8:14

La yal mandal te muc' ajwalil te ora ya xbajt'ic te correoetique. Jich bajt'ic ta ora, ja' moic bael a te caballoetic yu'un te muc' ajwalile. Soc la yich' puquel ta alel ta sjoyob ts'ajc'ubil centro yu'un te lum Susa te mandal la yich' chajbanele.

Ester 8:10

Te cartaetic ja' la yich' pasel ta swenta te muc' ajwalil Asuero, soc ac'bot yich' te sello yu'une. Jich la yich' ticunel ta correoetic te moemic ta caballoetic te mero ya x'animajique, te ja' nix te caballoetic yu'un te muc' ajwalile.

Jeremías 50:2

—Alaic ta bayuc te c'ope, ac'beyaic sna' stojol te nacionetique. Tejc'anbeyaic señail te c'ope; ma me xanaq'uic. Alaic jich bit'il to: “¡Te Babilonia ochix ta c'abal! Te lotil dios Bel la yich'ix tse'luyel; te lotil dios Merodac nojel nax q'uexlal ta stojol. Te loc'ombaetic yu'unic, ja' te diosetic yu'unique, la yich'ic jilel tse'luyel soc nojel q'uexlal ta stojolic”, xaex me.

Jeremías 51:32

Te contro la yac' sbaic tey a ta bay tec'oja'e; la yac'bey sc'aal te anjibaletic te bay ya scoltay sbaique. Te soldadoetic yu'un Babilonia, noj xiwel ta yo'tanic.