Jeremías 51:30 - Bible in Tzeltal de Oxchuc y Tenejapa

³⁰ Te soldado-babiloniaetic ma'yuc bay ya xloq'uix ta guerra, ya xjiliquix ta bay tulanil anjibal ts'ajc' yu'unic; lajix te yipique, jichiquix yilel te bit'il antsetique. Ochintayotiquix te lumetic yu'unic soc te snaic ac'biliquix sc'aal.

Bible in Tzeltal Bachajón

³⁰ Te soldadohetic yu'un Babilonia quechajiquix ta yaq'uel guerra, hiliquix ta yutil te ahnibal ts'ahc yu'unique; lajix te yipic, hich c'ohtic te bin ut'il antsetic; a'bot sc'ahc'al te nahetic yu'unic, waq'uemic te sc'atal-te'eletic yu'unique.

Jeremías 51:30 ပူးပေါင်းရင်းမြစ်များ

Nahúm 3:13

Te soldadoetic awu'un antsetic yilel. Te yochibal sts'ajc'ul te lum jamaliquix, ya x'ochiquix tel te acontroe; te c'ajq'ue ya slajin ta chiq'uel te sc'atal taq'uinale.

Lamentaciones 2:9

Ma'yuc smajq'uil yochibal te lume, ni smajq'uil taq'uinal yu'un; la yich'ic jinel loq'uel, ts'ubiltic a jil. Te muc' ajwalil soc te sjo'tac ta ajwalil yu'unic, ayic ta yolil te mach'atic ma'yuquic ta stojol Dios; ma'yuquix ta alel smandal te Diose. Te j'alwanejetic yu'unique, ma'yuquix bila ya x'ac'bot yilic yu'un te Cajwaltique.

Isaías 19:16

Te bi c'aalil jich ya xc'ot ta pasele, te egipcioetic jich me ya xc'otic yilel te bit'il antsetique; ya me xnoj xiwel ta yo'tanic te c'alal ya yilic te ya sjach sc'ab ta stojolic te Cajwaltic te Spisil ya xju' yu'une.

Salmos 76:5

Te mach'atic mero ma xiwique, la yich'ic pojbeyel spisil te sbiluquic ta guerra; te mach'atic tulan la yac' sbaic, ma'yuc bi ju' yu'unic spasel; wayic swenta slajibal buelta.

Amós 1:5

Puersa me ya jambey yochibal sts'ajc'ul te Damasco; ya me jmil te mach'a ya xmandalaj ta Bicat-avén soc te mach'a ya xmandalaj ta Bet-edén. Te siriaetique ya me x'ic'otic bael ta mosoil ta Kir —xi' te Cajwaltique.

Jeremías 48:41

Lumetic soc tulanil ts'ajq'uetic ya me x'ochic ta sc'ab te jcontroinwaneje. Te bi c'aalil ya xc'ot ta pasele, te soldadoetic yu'un Moab ya me xnijq'uic jich te bit'il ya x'alaj ants.

Apocalipsis 18:10

Q'uejel to me ya stejc'an sbaic ta yilel ta scaj xiwel yu'un te castigo yac ta yich'ele. Jich ya yalic yu'un: “Obol nax aba, ja'at muc'ul lum Babilonia, te bayal awipe. Yu'un ora nax c'ot castigo ta atojol”, xiic ta smelel yo'tanic.

Jeremías 51:57

Te Muc' Ajwalil, te Ajwalil Spisil ya xju' yu'une, ya yalbey xan sc'oplal: —Ya me cac' xyacub te jtsobwanejetic yu'un Babilonia, te mach'atic p'ijic yu'un, soc te ajwaliletic, te mach'atic te tulan yat'el yich'ojic, soc te soldadoetique, ya me xyalic ta lum yu'un swayelic sbajt'el q'uinal te ma xwijq'uix sitic yu'une.

Jeremías 51:32

Te contro la yac' sbaic tey a ta bay tec'oja'e; la yac'bey sc'aal te anjibaletic te bay ya scoltay sbaique. Te soldadoetic yu'un Babilonia, noj xiwel ta yo'tanic.

Salmos 147:13

Ja' la stulantesbey smajq'uil sti'ilic sts'ajc'ul te lum; la yac'bey bendición ta yutil lum te anich'nabique.

Salmos 107:16

Ja' la swuy te ti'nailetic pasbil ta bronce; ja' la sc'asbey sbalal taq'uinal te ti'nailetique.

Isaías 47:14

Ja'uc me to, pajalic soc te taquin ac; ora nax ya xc'ajq'uic, ma xju' ya scoltay sbaic loq'uel a. Melel te c'ajq'ue ma jichuc nax te bit'il ac'ale, te ya xnajc'ajat ta sts'eel te ya aq'uixnaj abae.

Jeremías 50:15

Toyesa awawic yu'un guerra ta bayuc nax ta juju-jejch'. Te Babilonia ya yac' sbaix ta c'abal. Jinix coel tel te balal ts'ajq'uetic soc te ts'ajc' ta sjoyobale. Ja' me spacol cu'un te ya awac'beyic stoj; jich me ya apasbeyic te bit'il nix la spase.