Jeremías 51:2 - Bible in Tzeltal de Oxchuc y Tenejapa

² Te Babilonia ya me cac' te jich ya spasbot yu'un scontro te bit'il ya yich' wilesel ta ic' te trigoe; ya me cac' te ma'yuc yajwal ya xjil te sq'uinale. C'alal ya xc'ot sc'aalelal te swocole, ya me x'ac'bot guerra ta bayuc ta sjoylejal.

Bible in Tzeltal Bachajón

² Ya jticon bahel te mach'atic ya yic'ayic te Babilonia soc te ya sjochobtesbeyic te sq'uinale; como ta jujujehch ya xtal scontrahinic ta yorahil te jinel yu'une.

Jeremías 51:2 ပူးပေါင်းရင်းမြစ်များ

Isaías 41:16

Ya me ach'oj moel, ya me yich' bael te iq'ue; te sutu-iq'ue ya me spuc bael. Jich yu'un te ja'ate bin nax me awo'tan ta stojol te Cajwaltique, toyol nax me q'uinal ya awaiy yu'un te Ch'ul Dios yu'un Israel.

Isaías 43:14

Te Cajwaltic te Ch'ul Dios yu'un Israel, ja' te Mach'a ya yaq'uex ta libre, jich ya yalbeyex: —Ta swenta bit'il ya jcoltayex te ja'exe ya jticun bael winiquetic ta Babilonia, soc ya cac' ta jamel spisil te ti'nailetique. Te bit'il bin nax yo'tanic te caldeoetic, ya xc'atp'uj ta xc'uxul mel-o'tan.

Jeremías 15:7

La jpuc bael te ants-winiquetic jich bit'il taquin ac; la jloq'ues tel ta lumetic te ay ta slumalique. Ma'yuc snich'nab la quijq'uitaybey te lum cu'une, la jlajin ta spisilic. Melel ma la yijq'uitayic te bol cuxlejal yu'unique.

Jeremías 50:29

Te Cajwaltic ya yal: —Ic'aic tel spisil te jt'imuywanejetique, swenta yu'un ya me yac'beyic guerra te Babilonia. Joyintayaic tel ta sjoyobal te lume, swenta yu'un ma me ayuc mach'a ya xcol loq'uel. Ac'beyaic stoj te bit'il ya sc'an te yat'ele; jich nix me ya apasbeyic te bit'il la spase. Melel la yal ixta c'op ta jtojol te Ajwalilon, te Ch'ul Dioson yu'un Israel.

Jeremías 50:32

Nación te j'ixta-c'opate, ya me ac'ojch'in aba soc ya me xyalat; ma me ayuc mach'a ya sjachat. Ya me jchic'bat spisil te lumetic awu'une; te c'ajq'ue ya me sjin ta chiq'uel spisil ta ajoyobal —xi'.

Ezequiel 5:12

Ya me xlaj jun ta yoxebal ta c'ajc'al chamel te alumale, soc ya me xchamic ta wi'nal ta yutil alumal. Jun xan ta yoxebal ya me xlajic ta milel yu'un te contro ya xtal ta sjoyobale. Te yan jun xan ta yoxebal jileme, ya me jpuc bael ta xchanxujc'ul balumilal. Te jo'one ya me xboon ta spatic soc jpuñal ta smilel.

San Mateo 3:12

Te mach'a ya xtale, jich c'oem te bit'il mach'a stsacojix ta sc'ab te sajp'ujibal sulil te strigoe. Patil ya me stsob ochel ta bay sq'uejibal te sbaq'ue. Yan te sulile ya me xchic' ta c'ajc' te ma xtup' sbajt'el q'uinal —xi' te Juane.