Jeremías 51:16 - Bible in Tzeltal de Oxchuc y Tenejapa

¹⁶ Ta swenta sc'op chawuc ya xc'opoj te ja' ay ta ch'ulchane; ya yac' xmo tel tocal c'alal ta sti'il balumilal; ya yac' xlem te tsantsewaletic ta yolil te ja'ale; ya sloq'ues tel ic' te bay q'uejbil yu'une.

Bible in Tzeltal Bachajón

¹⁶ Ta scuenta te sc'op tulan ya xc'opoj ha'etic ta ch'ulchan yu'un, ha ya yac' mohuc bahel tocal c'alal ta sti'il bahlumilal. Ya yac' tihluc tsantsehwaletic ta yohlil te ha'al soc ya sloq'ues tal ic' ta banti q'uejbil yu'une.

Jeremías 51:16 ပူးပေါင်းရင်းမြစ်များ

Génesis 8:1

Te Diose la sna' te Noé, soc spisil chambalametic, soc spisil bitic cuxajtic sjoinej ta barco. Jich te Diose la yac' taluc ic' ta balumilal, jich ts'uj coel te ja'e.

Job 37:13

Ta spisil in to ya xtuun yu'un Dios swenta yaq'uel castigo te lumq'uinale, o yu'un ya yac'bey yil a te yutsil yo'tane.

Job 38:22

“¿Ay bal awiloj te banti ay sq'uejibal cu'un te toibe soc te siquil bate,

Job 40:9

¿Yu'un bal mero tulanat, jich bal atulanil te bit'il jo'one? ¿Jich bal ac'op ya xc'opojat te bit'il sc'op te chawuque? ¿Pajal bal soc te bit'il ya xc'opojon te jo'one?

Salmos 104:7

Pero la apas ta mandal atuquel, jich bajt'; animal bajt' ta anel c'alal la yaiybat stojol ac'op, te jich c'oem te bit'il chawuc.

Salmos 135:7

Ya sjach tel te tocaletic c'alal ta sti'il balumilal; ya spas te tsantsewaletic te ya yac' ta na'el te ya xtal ja'al; soc c'alal ta stsobjibal ya sloq'ues tel te iq'ue.

Salmos 147:18

Ja'uc me to, ya sticun tel sc'op, jich ya x'ulub; ya yac' ta jujch'iyel ta ic' te bat, jich ya x'oquin.

Salmos 18:13

Te Cajwaltic te Toyol ta jyalele, c'alal ta ch'ulchan tulan c'opoj, pajal soc sc'op chawuc. Ay batetic, soc ac'aletic te tsajuben ta c'ajc'.

Salmos 46:6

Te nacionetic ya x'awunic, te wentainwanejetic ya xnijq'uic, te lumq'uinal ya x'ulub bael yu'un te c'alal ya yaiybeyic sc'op te Diose.

Salmos 68:33

ja' te moem ta caballo yac ta beel ta ch'ulchan, ja' te ch'ulchan sbajt'el q'uinal aye. Aiybeya awaiyic bi yaiyel yip sc'op, ja' te sc'op bayal yu'ele.

Salmos 78:26

Te ic' te tal ta stojol sloq'uib c'aal soc te ic' te tal ta stojol sur, beenic ta yolil ch'ulchan; ta swenta yu'el Dios beenic tel.

Éxodo 10:13

Te Moisés la stoy moel sbastón ta stojol spamal Egipto. Te Cajwaltic la yac' tel ic' ta stojol sloq'uib c'aal. Ta sjunal c'aal soc ajc'ubal ay ic' ta stojol te lume. Te c'alal sacub te q'uinale, te iq'ue la yic' tel te c'ulubetique.

Éxodo 10:19

Jich te Cajwaltic la sjelbey bael sbe te iq'ue. Tulan jajch' te ic' ta smalib c'aal, la yic' bael te c'ulubetique. La yac' bael ta Mar Rojo, ma'yuc jcojt'uc c'ulub jil ta Egipto.

Éxodo 14:21

Te Moisés la stoy te sc'ab ta stojol mar, jich yu'un te Cajwaltic la yac' tel tulan ic' ta sloq'uib c'aal ta sjunal ajc'ubal. La sq'uep sba te mare, cha'q'uejp la yac' sba te ja'e. Te slumile mero taquin a jil.

Ezequiel 10:5

Te sc'op te xic' te querubínetic chican to ta aiyel ta amac'. Jich yaiyel te bit'il yac ta c'op te Dios te Spisil ya xju' yu'une.

Amós 9:7

Tulan ya yal te Cajwaltique: —Israeletic, ma me xacuyic te yanuquex cu'un a te etiopeetique. Jich bit'il la quiq'uex tel ta Egipto, jich nix la quic' tel ta Creta te filisteoetic, soc la quic' tel ta Kir te arameoetique —xi'.

Jonás 1:4

Pero te Cajwaltic la yac' jajch'uc tulan ic' ta yolil mar, mero buen tulan ic'. Jich yilel te bit'il jc'axel ya xlajix te barco.

Jonás 4:8

C'alal loc' tel c'aal, Dios la yac' taluc q'uixin ic' ta stojol sloq'uib c'aal. Soc te bit'il ja' mero tojlinbot ta xc'uxul c'aal te sjol Jonás, jajch' ta buen wocol yu'un. Ya sc'an ya xlajix ya yaiy. La yal te Jonase: —Ja' mero lequix ya caiy te yacuc xlajonixe, ja' ma jc'anix te ya xcuxinone —xi' te Jonase.