Jeremías 51:12 - Bible in Tzeltal de Oxchuc y Tenejapa

¹² Ac'beya seña yu'un yorailix guerra ta sjoyobal sts'ajc'ul te Babilonia. Ac'beyaic yip yo'tanic te soldadoetique. Ac'aic j'il-q'uinaletic tey a. Ac'a ta yawilic te mach'a ya snac' sbaic ta maliywanej. Melel te Cajwaltic la xchajban soc la sc'otes ta pasel, ja' te chapal yu'un te la yalbey sc'oplal te yajwal Babilonia.

Bible in Tzeltal Bachajón

¹² ¡Toya mohel bandera ta sba te ts'ahquetic yu'un Babilonia, a'beyahic yip te soldadohetic te ya xcanantaywanic, ac'ahic j'il-q'uinal soldadohetic, chahpanahic jnac'tambahinwanejetic! Como te Jehová snopojix soc ya sc'ohtes ta pasel te bin yaloj ta scontrahinel te mach'atic nahenimic ta Babilonia.

Jeremías 51:12 ပူးပေါင်းရင်းမြစ်များ

Proverbios 21:30

Ma'yuc p'ijil c'op ni tac'uyel ni sp'ijil sjol te ants-winiquetic te ya yaiy tsalaw ta stojol te Cajwaltique.

Isaías 11:12

Ya me stejc'an jajch'el señail jich bit'il bandera ta stojol te nacionetique, jich me ya stsob sba te israeletic te ic'otic loq'uel ta slumalique; ya me stsob c'alal to ta xchanjejch'el te q'uinale, ja' te yajwal Judá te pujq'uemique.

Isaías 13:2

“Tejc'anaic señail guerra ta bay t'axal wits. Albeyaic yaiy mandal te soldadoetic ta yaq'uel guerra. Toya ac'abic ta yaq'uel seña yu'un te ya x'ochiquix bael ta yochibal sts'ajc'ul lum te mach'atic muc' sc'oplalique.

Jeremías 23:20

Te yilimba Cajwaltic, ma xcom, ja' to chican teme c'ot ta pasel yu'un te bila ay ta yo'tane. Ya me sta yorail te ya anop ta awo'tanic soc ya xc'ot ta awo'tanic in bitic to.

Jeremías 4:28

Te balumilale ya xnoj yu'un mel-o'tan, soc te ch'ulchan, ya x'ijc'ub yu'un mel-o'tan. La calix te jc'ope, pero ma ba ya jsujt'es; chapalix cu'un, ma xju' sujt'on bael ta jpat.

Jeremías 50:2

—Alaic ta bayuc te c'ope, ac'beyaic sna' stojol te nacionetique. Tejc'anbeyaic señail te c'ope; ma me xanaq'uic. Alaic jich bit'il to: “¡Te Babilonia ochix ta c'abal! Te lotil dios Bel la yich'ix tse'luyel; te lotil dios Merodac nojel nax q'uexlal ta stojol. Te loc'ombaetic yu'unic, ja' te diosetic yu'unique, la yich'ic jilel tse'luyel soc nojel q'uexlal ta stojolic”, xaex me.

Jeremías 50:25

Te Cajwaltic la sjambey yawil te at'ejibaletic yu'un guerra, la sloq'ues tel te yat'ejibe, ja' te yilimbae; melel te Cajwaltic te Spisil ya xju' yu'une ay me jun starea te ya sju'tes ta pasele, ja' me te nación yu'un te caldeoetique.

Jeremías 51:11

Te Cajwaltic ya sc'an sjin te Babilonia, soc la stijbeyix yo'tanic muc' ajwaliletic ta Media, jich nix ay ta yo'tanic. Ja'ix te spacol yu'un Cajwaltic te bila la spasbey te templo yu'une. Chajbanaic te yat'ejibal at'imique, soc chuca me ta ac'abic te amajq'uilique.

Jeremías 51:27

“Ac'a chicnajuc bandera swenta guerra ta q'uinal; Oq'uesinaic oq'ues soc ac'a xchajban sbaic te nacionetic yu'un yaq'uel guerra te Babilonia. Jajch'anic nacionetic ta scontroinel, ja'at Ararat, Mini soc Askenaz. Tejc'anaic jtuluc mach'a ya xmandalaj yu'un guerra. Ac'a noptsajuc tel te caballoetique, jich bit'il te c'ajc'al c'ulubetique.

Jeremías 51:29

Te lumq'uinal ya xnijc' soc ya syuc' sba, melel yac ta c'oel ta pasel te bila xchapoj te Cajwaltique, ja' te ya xc'atp'uj te Babilonia ta jochol q'uinal te xiweltic sbae.

Lamentaciones 2:17

Te Cajwaltic la sc'otes ta pasel te bi chapal yu'une, la sc'otes te sc'ope. Ma la sna'bey yo'bolil sba ta sjinel te namey la xchajbanbey sc'oplale. La yac' stse'luyat te acontro, soc ja' la yac'bey bayal yip stuquel.

Joel 3:2

Ya jtsob spisil te nacionetic, ya me quic' bael ta stenlej xatal q'uinal yu'un Josafat. Tey me ya xc'o cac'bey stojic a te bila la spasbeyic te lum Israel cu'une. Melel la spucbonic bael ta swolol balumilal te israeletic, soc la spucbey sbaic te jlum-jq'uinale.

Nahúm 2:1

Aiya awaiy stojol, Nínive, te jinwanej yaquix ta beel tel ta atojol. Chajbana abaic, canantaya abaic ta yutil te tulanil ts'ajq'ue. Ilawilic te bee. Chuca me ta ach'ujt' te apuñale. Ya me atsob tel ta spisil te soldadoetic awu'une.

Josué 8:14

C'alal la yil te ajwalil yu'un Hai te scontroe, loq'uic tel ta animal soc spisil te swinictaque, swenta yu'un tal stsal sba soc te israeletic te banti ya xchicnaj spamlej yu'un Jordán. Mero ma la sna' teme ay yantic israeletic snac'oj sbaic ta bay spat te lume.