Jeremías 50:3 - Bible in Tzeltal de Oxchuc y Tenejapa

³ Melel ta norte ya xmo tel jun nación ta scontroinbel sba soc, ya me sc'atp'unbey ta jochol q'uinal te slumale. Ma me ayuc ni ants-winiquetic, ni chambalametic, ya xbajt'ic xan ta nainel tey a, melel spisil me ya x'anic loq'uel —xi' te Cajwaltique.

Bible in Tzeltal Bachajón

³ Como ta norte ya xmo tal jun nación te ya scontrahin, te jochol ya yihquitay hilel te sq'uinale. Mayuc ants-winic ni chambahlam te ya xnahinic tey a, spisilic bahtic ta ahnel.

Jeremías 50:3 ပူးပေါင်းရင်းမြစ်များ

Génesis 6:7

jich yu'un la yal: “Ya me jtup' ta balumilal spisil ants-winiquetic te pastajem cu'un, soc te chambalametic, te chanetic te ya stas sbaic ta beel, soc te mutetique, yu'un tojol pastaj cu'un”, xi'.

Éxodo 12:12

Te ajc'ubal ya cale ya me xc'axon ta spamal Egipto ta yejch'entesel ta lajel sba-nich'aniletic ta juju-jchajp sna te egipcioetic, soc te sba yalatac te xchamsbalamique. Castigo ya xc'ot ta stojolic spisil te diosetic yu'un Egipto. Jo'on Ajwalilon jtuquel te la cale.

Isaías 41:25

“La cac' chicnajuc jtul winic ta stojol sloq'uib c'aal; la calbey sbiil, jich tal, ya xjul tel ta bay norte. Ya me spech' ta teq'uel te ajwaliletic, jich bit'il ya yich' teq'uel ajch'al, jich bit'il jpac'jom te ya swots' ta teq'uel te ajch'ale.

Isaías 45:1

Te Cajwaltic la yac'bey yat'el ta muc' ajwalil Ciro, la stsac ta sc'ab swenta yu'un ya smandaltes te nacionetique soc te ya spojbey yat'ejibic ta guerra te muc' ajwaliletique. Te Cajwaltic ya spas ta stojol Ciro te ya xjam te smajq'uil yochibal te lumetique, te ma me ayuc mach'a ya xju' yu'un smacticlayel. Ta ora yo'tic jich ya yalbey:

Jeremías 21:6

Ya me jmil spisil yajwal te alumal; winiquetic soc chambalametic ya me xlajic ta chamel te ya xmilawan te xiweltic sbae.

Jeremías 50:9

Melel ya me cac'bey spas te jtsojp tulanil lumetic ta norte te ya yac'bey guerra Babilonia, te c'alal ya sta yoraile. Ya me xchol sbaic ta guerra soc ya me stsalic. Mero p'ijic ta guerra, te ya st'imuy te st'imique, toj ya xc'ot tey a.

Jeremías 51:11

Te Cajwaltic ya sc'an sjin te Babilonia, soc la stijbeyix yo'tanic muc' ajwaliletic ta Media, jich nix ay ta yo'tanic. Ja'ix te spacol yu'un Cajwaltic te bila la spasbey te templo yu'une. Chajbanaic te yat'ejibal at'imique, soc chuca me ta ac'abic te amajq'uilique.

Jeremías 51:48

Te ch'ulchan balumilale, spisil te bitic aye, bin nax me yo'tanic yu'un te c'alal ya x'och ta c'abal Babilonia, te c'alal ya xtal ta norte te jinawanejetic yu'une. Jo'on Ajwalilon, jich ya cal.

Jeremías 51:62

Teme laj awo'tan ta yilele, ya me awal ta ora: “Cajwal, ja'at la awal te ya ajin in lum to, te ma'yuc mach'a ya xcha'nain xan li'to, ni ants-winiquetic, ni chambalametic; melel ya ac'atp'un ta jochol q'uinal sbajt'el ora”, xaat me.

Jeremías 7:20

Jich yu'un te jo'on Ajwalilon ya me cal ta smelelil te ya jloq'ues tel spisil te quilimba ta stojol in templo to soc ta stojol te ants-winiquetic, soc ta stojol te chambalametic, te te'etic ta q'uinal, soc te trigo. Jich me yilel te bit'il tojc'al te ma xtup'e —xi' te Cajwaltique.

Jeremías 9:10

“Oc'anic soc ajc'anajanic ta witstiquil, c'ajintayaic mel-o'tan c'ayoj ta aquiltic, melel chic'biliquix, soc ma'yuc mach'a ya xc'axix tey a; ma'yuc bay ya xchicnajix sc'op te wacaxe, asta te mutetic soc te chambalametic te ya xti'awanique, bajt'iquix ta anel.

Jeremías 9:11

“Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.

Sofonías 1:3

Ya jlajin te ants-winiquetic soc te chambalametique; ya jlajin te mutetic soc te chayetique. Ya sc'ojch'in sba te mach'atic amen yo'tanique; soc ya jch'ay ta balumilal te ants-winiquetique —xi'. Tulan ya yal xan te Cajwaltique: