Jeremías 5:9 - Bible in Tzeltal de Oxchuc y Tenejapa

⁹ ¿Ma bal yacuc cac'bey castigo yu'un? ¿Ma bal yacuc cac'bey stoj te lum te jich ya spase?

Bible in Tzeltal Bachajón

⁹ ¿Ma bal yacuc ca'be castigo yu'un? xchi te Jehová. Te jun nación hich te bin ut'il ini ¿ma bal yacuc ca'be spacol?

Jeremías 5:9 ပူးပေါင်းရင်းမြစ်များ

Proverbios 6:29

Te mach'a ya slo'lay sba soc yan ants, ma xju' te libre ya xloq'ue.

Isaías 1:24

Jich yu'un te Cajwaltic te Spisil ya xju' yu'une, ja' te mach'a ay bayal yu'el ta lum Israel, ya yal: —Tiq'uix a. Jo'on ya cac'bey stoj te mach'atic ya scontroinone. Ya quich'bey spacol ta stojolic.

Isaías 57:6

“Israel, ja' ya smulan awo'tan xch'uunel te ch'ulbil tonetic yu'un beja', melel tey nix ayix awawil a te ja'ate. Ja'ic te la amalbeyix majt'anil vino ta stojolic, soc la awac'beyix smajt'anin harina. Ta spisil, ¿yu'un bal ya acuy te lec co'tan yu'une?

Jeremías 23:2

Te Cajwaltic, te Dios yu'un Israel, ya yalbey te jcanan-chijetic te ya xmandalajic ta stojol te slumale: —Ja'ex la apucbonic bael te chijetic cu'une, la axiwtesbonic bael, ma ba la acanantaybonic. Ja' yu'un ya me cac'bat tulan castigo yu'un te amen awat'elique. Jo'on Ajwalilon, jich ya cal.

Jeremías 32:31

Ja' in jpam lum to, c'alal jajch' ta pasel, ja' to c'alal ora yo'tic, ja' nax yacalic ta spasel te ya sjachbon quilimba soc te ya yac' xc'ajc'ubone. Jich yu'un ya cac' ch'ayuc ta jc'axel,

Jeremías 44:22

Ja'uc me to, te Cajwaltic ma xcujch'ix yu'un te sbolil awat'elic te la apasic te ja'exe, ma lecuc yo'tan yu'un. Jich yu'un te alumalique jinemix ta jc'axel yo'tic, ma'yuquix mach'a nainemic tey a; c'atp'ujex ta ejemplo yu'un castigo, te ya yac' xiwele.

Jeremías 5:10

Ac'a ochuc tel te scontrotaque soc ac'a slajinbeyic te sts'usubilique, manchuc me ma spisiluc ya sjinbey ta jyalel. Ac'a sjecbeyic te sc'abc'abe, melel ma ja'uquix te ts'usubiltic cu'une.

Jeremías 5:29

¿Ma bal yacuc cac'bey castigo yu'un? ¿Ma bal jichuc ya sc'an ac'beyel castigo te ants-winiquetic te jich ya spasique? Jo'on Ajwalilon te jich ya cale.

Jeremías 6:11

Cajwal, nojelix co'tan yu'un ya caiy te awilimbae, ma xcujch'ix cu'un ya caiy —xoon. Te Cajwaltic la yalbon: —Mala bael te quilimba ta stojol te alaletic ta calle, ta stojol tsojboltsojp queremetic. Ya me x'ic'otic bael ta chuquel te winiquetic soc te yinamique, soc te mamaletic te bayalix ya'wilalique.

Jeremías 6:6

Te Cajwaltic te Spisil ya xju' yu'une, ja' la yalix mandal: —Bojaic tel te'etic, but'aic moel lum ta spat sts'ajc'ul ta swenta yac'beyel guerra te Jerusalén. Te lume ya x'ilbotix swocol ta castigo, melel nojel uts'inel tey a.

Jeremías 9:8

Te yeique, jich bit'il yat'ejibal t'im c'oem yu'un lajel; yacalic ta yalel lo'laywanej ta c'op. Lec nax ya spatbey sbaic yo'tanic yilel soc sjo'tac, pero ta smelelil ja' nax yac xchajbanbel spejts'ul c'oem.

Jeremías 9:9

¿Me yacuc cac'bey castigo yu'un? ¿Me jichuc ya sc'an cac'bey stoj te lum te bila ya spase? Jo'on Ajwalilon te jich ya cal.

Lamentaciones 3:42

“La jletic jmultic soc la jtoy jbatic ta atojole, ma la apasbotic perdón yu'un”, xootic me.

Lamentaciones 4:22

Lajix castigo ta atojol, ja'at lum Sión; te Cajwaltic ma ba ya yac'at xan bael ta mosoil. Ja'uc me to, ja'at nación Edom, ya yac'bat castigo yu'un te bitic apasoje, soc ya yac' chicnajuc ta comonsitil spisil te amule.

Ezequiel 7:9

Ma ba ya xtalix xc'uxul co'tan, ma'yuquix perdón ta atojol. Te bila beil at'unoje, ja' ni me ya xc'ot ta awenta. Ya me xc'ot ta awenta te bila ilaybil sba la apase. Ya me ana'ic te jo'on Ajwalilon te ya cac'beyex castigo.

Oseas 2:13

Ya me cac'bey castigo yu'un te jayeb c'aal c'axix te la xchic'bey pom te yajcananique, c'alal la xch'al sba ta ch'ocowiletic soc ualiletic swenta yu'un ya yantay te mach'atic ya xmulanot yu'une, te c'alal la xch'ayon ta yo'tane. Jo'on Ajwalilon, tulan ya cal.

Oseas 8:13

Ja'ic ya smulanic te milbil majt'aniletique, ya smilic soc ya sti'beyic sti'balul; ja'uc me to, jo'on Ajwalilon, ma lecuc co'tan yu'unic. Ya me jna'bey te smulic te la spasique, soc ya me cac'bey castigo yu'un, ya cac' sujt'el ta Egipto.

Levítico 18:25

soc te slum-sq'uinalic boloben sc'oplal jil yu'unic. Pero jo'on la jpasbeyix ta wenta te smulique, jich te lumq'uinal yu'unic ja' nix la xch'oj loq'uel te yajwale.

Levítico 26:25

Ya me cac' taluc ta atojolic puñal, swenta yu'un ja' me spacol te trato cu'une. Te ja'ex ya me xba ale awanjibic ta lumetic awu'unic, pero jo'on me ya jticunbeyex ta atojolic chameletic, soc ya me x'ochex ta sc'ab te acontroique.

Nahúm 1:2

Te Cajwaltic, ja' te Dios te ma smulan teme ay bila yan ya jch'uuntique, ya me sujt'esbey ta swenta te j'uts'inwanejetique. Ya me yac'bey spacol te mach'atic ya stoy sba ta stojole; ya me yilintay te scontrotaque.

Deuteronomio 32:35

yu'un ya xtuun te c'alal ya jsujt'esbey spacole, te ya cac'bey te bila lebil yu'unique; ja' te c'alal ya xc'ot yorail te ya x'ochic ta c'abale. ¡Nopolix yorail te ya yich'ic lajinel, nopolix yorail te ya xlajique!’, xi' te Cajwaltique.

Deuteronomio 32:43

¡Nacionetic, bin nax me awo'tanic soc te lum yu'un te Diose! Ja' me ya sujt'esbey spacol te bit'il lajic te abatetic yu'une, ya sujt'esbey spacol ta stojol te scontrotaque. Ya me spasbey perdón te lum yu'un ta spamal te sq'uinale”, xi' sc'ayoj te Moisese.