Jeremías 5:4 - Bible in Tzeltal de Oxchuc y Tenejapa

⁴ La cal ta co'tan: “Ja' nax te me'baetic te amen ta jyalel te yat'elique, melel ma sna'ic stuquelic te bila ya sc'an yo'tan te Cajwaltique, te bila mandal yu'un te Diose.

Bible in Tzeltal Bachajón

⁴ La jcal ta co'tan: Melel ha pobrehetic ini, sohquem sjolic, ma sna'beyejic sba te be yu'un Jehová, te bin ya sc'an te Dios yu'unique.

Jeremías 5:4 ပူးပေါင်းရင်းမြစ်များ

Isaías 27:11

Te sc'ab te' ya yich' c'asel coel te c'alal ya xtaqueje; jich yu'un te antsetic ya stsobic, soc ya spas sc'ajq'uic a. Jich te lum te ma'yuc sp'ijile. Jich yu'un te Mach'a chicnantesot yu'une, ma sna'bey yo'bolil sba yu'un; te Mach'a pasot yu'une ma xc'uxtay.

Isaías 29:12

Soc teme ja' ya awac'bey te mach'a ma sna' yilel jun te jich ya awalbeye: “C'opona”, teme ya awute, ya sjac': “Ma jna' yilel jun”, xi' me.

Jeremías 10:8

Spisilic, bol yo'tanic, ma'yuc ni jtebuc sp'ijilic. Ma xju' ya sp'ijubtesex te smajc'alel te'e.

Jeremías 4:22

Te Cajwaltic jich ya yal: —Te lum cu'une ma sna' q'uinal, ma sna'bon jba. Nich'aniletic te jich nax ayic ta q'uinal, ma xc'opoj yo'tanic jtebuc. Ja' nax ay sp'ijilic ta spasel te bila amene, ma ja'uc ya sna'ic spasel te bila leque —xi' te Cajwaltique.

Jeremías 7:8

Te ja'ex ya awich'ic ta muc' te lo'layel c'op te ma xtuun ta jyalele.

Jeremías 8:7

Jich te cigüeña-mut ta sjamalul ch'ulchan, ya sna' te bi ora ya sujt' tele; te paloma, te ulich soc te smutil ja'e ya sna'ic te bi ora ya xbajt'ic ta yan q'uinale; yan te ja'at, lum cu'un, ma x'ana'beyic sba te mandaliletic cu'une.

Jeremías 9:3

Ja' mero chapalic yu'un yalel te lotetique, jich c'oem te bit'il ya st'imuyiquix bael t'im. Ta bay lum tey yac ta at'el a te lote, ma ja'uc te smelelile; yan yan ta bats'ejel bael te bila amene. Ja' nix tulan la yalix stuquel te Cajwaltique: —Ma ba ya ac'anic te ya ana'bonic jbae —xi'.

Oseas 4:6

Te lum cu'un ma'yuc bi sna'oj, ja' swentail te la yich'ix jinele. Sacerdote, ja'at la ach'oj bael te bila ay ta na'ele, jich yu'un te jo'on ya jch'ojat loq'uel ta sacerdoteil. Melel ya xch'ay ta awo'tan te p'ijubtesel yu'un te Dios awu'une; jich me ya xch'ay ta co'tan te ats'umbale.

San Mateo 11:5

Cholbeya yaiy te yac ta jamel sit te ma'sitetique, soc te yacalic ta lecubel te coxoetique, soc yacalic ta lecubel sbaq'uetal te jc'a'el-chameletique, soc yacalic ta jamel xchiquin te jcojq'uetique, soc yacalic ta cha'cuxel te animaetique, soc yaquix ta cholel ta stojol me'baetic te lec yach'il c'ope.