Jeremías 48:41 - Bible in Tzeltal de Oxchuc y Tenejapa

⁴¹ Lumetic soc tulanil ts'ajq'uetic ya me x'ochic ta sc'ab te jcontroinwaneje. Te bi c'aalil ya xc'ot ta pasele, te soldadoetic yu'un Moab ya me xnijq'uic jich te bit'il ya x'alaj ants.

Bible in Tzeltal Bachajón

⁴¹ Ya yich'ic ochintayel te pueblohetic, soc tsalbilic te toyol ts'ahquetic. Ta hich ora hich ya xc'oht te yo'tanic te soldadohetic yu'un Moab te bin ut'il te yo'tan ants te ya x'alaje.

Jeremías 48:41 ပူးပေါင်းရင်းမြစ်များ

Isaías 13:8

ayic me ta xiwel ta spisilic. Ya me xtal woclajel, soc muc' xc'uxul ya xc'ot ta stojolic, jich me te bit'il ya xwoclaj ants yu'un te ya x'alaje. Juju-jtul jchajp nax me q'uinal ya yaiy te ya yil sbaique, ya me stsajub yelawic yu'un q'uexlal.

Isaías 21:3

Ya xnijc' te jbaq'uetale, ya yac'bon jwocol te xc'uxule, jich bit'il swocol ta alajel te antse. Te mel-o'tan ma xyac'bonix caiy stojol c'op, te muc'ul xiwel ma xyac'bonix quil q'uinal.

Jeremías 30:6

Jojc'oya awaiyic, teme ay jtuluc winic te ya stac' ya x'alaje. ¿Bistuquix a te winiquetic ya sut sbaic ya quile, jich c'oemic yilel te ya yaiybeyic xc'uxul jichuc alajel? ¿Bistuquix a te sacuben yelaw c'ot spisilic?

Jeremías 4:31

Ya caiy stojol awetic yu'un xc'uxul, jich bit'il yajc'an ants te ya x'ayin te sba yale; ja' te awetic yu'un te lum Sión, te ya x'ajc'anaj, ya xbejch'ulay sc'ab yu'un xc'uxul. Jich ya yal: “Obol jba, ya smilonic te jmilawaletique”, xi' me —xi' te Cajwaltique.

Jeremías 4:9

Te Cajwaltic jich ya yal: —Te c'alal ya xc'ot sc'aalelal, te muc' ajwalil soc te jtsobwanejetic ya xnijq'uic yu'un xiwel, te sacerdoteetic ya me yaiyic bayal xiwel, te j'alwanejetic jchajp nax me q'uinal ya yaiyic yu'un te xiwtesele —xi'.

Jeremías 48:24

Queriot, Bosra soc spisil te lumetic ta sq'uinal Moab te nopol ayic soc c'ubul ayic.

Jeremías 49:22

Te contro ya me xwilic bael ta stojol Bosra, jich bit'il águila te slich'oj xiq'ue. Te bi c'aalile, te soldadoetic yu'un Edom ya me xnijq'uic jich bit'il ya x'alaj ants —xi'.

Jeremías 49:24

Te Damasco, ma'yuquix yipic, jich ya yac' sbaic bael ta anel. Ya x'u'uninot yu'un xiwel, mel-o'tan soc xc'uxul, jich bit'il ya x'alaj ants.

Jeremías 50:37

Ay me guerra ta stojol te soldadoetic yu'une, ac'a nijc'uc yu'un te xiwele. Ay me guerra ta stojol te caballoetic soc te carretaetic yu'une. Ay me guerra ta stojol te soldadoetic yu'un te c'anbilic tel ta yan lume, jich ac'a c'atp'ujuc ta antsetic. Ay me guerra ta bay yawil sc'ulejalique, ac'a bajt'uc ta elc'anel.

Jeremías 50:43

Te c'alal ya sna' stojol muc' ajwalil yu'un Babilonia in c'op to, ma'yuc yip yoc sc'ab ya xc'ot yu'un xiwel; ya me yaiy mel-o'tan soc xc'uxul, jich bit'il ya x'alaj ants.

Jeremías 51:30

Te soldado-babiloniaetic ma'yuc bay ya xloq'uix ta guerra, ya xjiliquix ta bay tulanil anjibal ts'ajc' yu'unic; lajix te yipique, jichiquix yilel te bit'il antsetique. Ochintayotiquix te lumetic yu'unic soc te snaic ac'biliquix sc'aal.

Jeremías 6:24

Te ants-winiquetic ta Jerusalén jich ya yalic: —La caiytiquix stojol sc'oplal, ma'yuquix quiptic yu'un te xiwele; ay mel-o'tan ya caiytic soc xc'uxul, jich bit'il ya x'alaj te antse.

Amós 2:2

Jich yu'un ya me cac'bey sc'aal te sq'uinal Moab, tan me ya xjil yu'un te muc'ul naetic ta Queriot te c'alal ay aw yu'un guerra soc te ya x'oq'uesinot oq'ues. Jich me ya xlajic te moabetique.

1 Tesalonicenses 5:3

Yu'un te c'alal ay jich ya yalic te ants-winiquetique: “Lamal q'uinal, ma'yuc bi chican”, te xiic ta yalele, ja'uc me to, ajc' nax ora ya xtal lajel ta stojolic, jich te bit'il ajc' nax ora ya xjajch' swocol jtul ants yu'un te ya x'ayinix te yale. Jich ma xju' ya scoltay sbaic loq'uel tey a.