Jeremías 48:3 - Bible in Tzeltal de Oxchuc y Tenejapa

³ Ta lum Horonaim ya xloc' tel awetic tey a: “¡Jinel soc muc'ul woclajel ta jyalel!” xiic ta aw.

Bible in Tzeltal Bachajón

³ ¡Ya xchicnaj tal awetic ta Horonaim, muc'ul jinel soc lajinel!

Jeremías 48:3 ပူးပေါင်းရင်းမြစ်များ

Isaías 15:2

Te yajwal lum Dibón ya xmo bael ta oq'uel ta templo yu'unic te ay ta ch'in witse. Te Moab ya smel yo'tan yu'un te la yich'ix jinel te lum Nebo soc te lum Medeba. Spisilic joxbil sjolic, joxbil yisimic.

Isaías 15:5

Co'tan ya jc'anbey coltayel ta swenta Moab; te swinictac ya xloq'uic bael ta anel c'alal ta Zoar, soc c'alal ta Eglat-selisiya. Te bay moel q'uinal yu'un Luhit, ya xmoic bael ta oq'uel; ta sbelal bael Horonaim ya xjajch'ic ta aw yu'un xc'uxul ta stojol te tulan uts'inele.

Isaías 15:8

Te aw yu'un sc'anel coltayel ya spas buelta ta smojón Moab; te mel-o'tan soc oq'uel ya xc'ot c'alal ta lum Eglaim soc ja' to ta lum Beer-elim.

Isaías 22:4

Jich yu'un la cal: —Q'ueja abaic ta jtojol, ya jc'an ya x'oc'on ta c'axem to xan; yu'un ma xju' ya awac'bon smuc'ul co'tan, melel jinix te jlumale —la cut.

Jeremías 20:16

Ja' me winic to jichuc me te bit'il lumetic te Dios ya sjin sbajt'el q'uinale. Ac'a chicnajuc awetic ta sab yu'un xc'uxul, soc señail guerra ta olil c'aal.

Jeremías 47:2

—Jo'on Ajwalilon ya cal: C'alal ta norte ya xmajc' tel q'uinal, jich bit'il ya xmal tel snojel ja'; te ya smuc te lum soc spisil bila ay tey a, te lumetic soc te mach'atic tey ae. Spisil te mach'atic yajwal te q'uinal, ya x'awunic; te ants-winiquetic tulan ya x'awunic yu'un xc'uxul.

Jeremías 48:34

Te ants-winiquetic ta Hesbón ya x'awunic yu'un xc'uxul te ma'yuquix bi ay yu'unique. Te yawique ja' to ya xc'ot ta Eleale soc Jahaza, soc c'alal ta Zoar ja' to ta Horonaim soc Eglat-selisiya, melel te sloq'uibja'etic yu'un Nimrim taquejiquix.

Jeremías 48:4

“Moab yich'ojix jinel; te yawic yu'un xc'uxul ya xc'ot ta Zoar.

Jeremías 48:5

Soc ya'lel sit ta oq'uel ya xmoic bael ta Luhit; ya x'awunic yu'un xc'uxul ta swenta milel te mach'atic ya xcoic tel ta lum Horonaim.

Jeremías 51:54

Ta Babilonia ya xchicnaj awetic yu'un te xc'uxule; ta slumal caldeoetic ya xtoy sc'op te jinele.