Jeremías 48:2 - Bible in Tzeltal de Oxchuc y Tenejapa

² Te yutsilal Moab laj sc'oplal. Ta lum Hesbón te mach'atic scontrotac te nación Moab ya xchajbanbeyic sc'oplal te ya xch'ay ta jc'axel. Ja'at uuc, lum Madmén, ya awich' jinel, te guerra ma ba ya yijq'uitayat.

Bible in Tzeltal Bachajón

² ¡Ma ba ya xhalbotix yutsil sc'oblal te Moab! ta Hesbón la schahpambeyic chopol sc'oblal, hich la yalic: La'ic, jc'axel ac'a jlajintic ta yohlil te nacionetic. Ha nix hichat, Madmén, yac awich' jinel, ya me snutsat te espada.

Jeremías 48:2 ပူးပေါင်းရင်းမြစ်များ

Isaías 15:1

J'alwanej c'op ta stojol Moab: Ta ajc'ubal, te c'alal la yich' jinel te lum Ar, tey jajch' ta jinel spamal a te Moab; ta ajc'ubal, te c'alal la yich' jinel te lum Kir, jajch' ta jinel spamal te Moab.

Isaías 15:5

Co'tan ya jc'anbey coltayel ta swenta Moab; te swinictac ya xloq'uic bael ta anel c'alal ta Zoar, soc c'alal ta Eglat-selisiya. Te bay moel q'uinal yu'un Luhit, ya xmoic bael ta oq'uel; ta sbelal bael Horonaim ya xjajch'ic ta aw yu'un xc'uxul ta stojol te tulan uts'inele.

Isaías 16:14

Ta ora yo'tic jich ya yal xan te Cajwaltique: —Tey ta oxeb ja'wil, jich bit'il ya yajtay jtul j'at'el-winic te ja' cuxul ta swenta te stojol sc'abe, te yutsilal Moab ma'yuc sc'oplal ya xc'ot ta loq'uel, manchuc me ma xju'ix ta ajtayel te yajwale; ch'in tsojp xanix ya xjil, jc'axel ma'yuquix yip —xi' te Cajwaltique.

Isaías 25:10

Ta sc'ab Cajwaltic ya scanantay te wits Sión; yan te Moab ya me spech' ta teq'uel stuquel, jich te bit'il ya yich' pech'el ta teq'uel ac ta yawil te bila amene.

Jeremías 25:15

Te Cajwaltic te Dios yu'un Israel, la yalbon: —Ilawil te copa te nojel yu'un vino, ja' te quilimbae. Tsaca soc ac'beya yuch' spisil te nacionetic ta bay ya jticunat baele.

Jeremías 25:17

La jtsac te copa ay ta sc'ab te Cajwaltic, la cac'bey yuch'ic spisil te nacionetic te banti la sticunon baele.

Jeremías 31:36

—Teme ay bi c'aalil ya xch'ay yip te mandaliletic chajbanbil cu'une, ja' ni me jich sc'aalelal ya xjil ta co'tan te lum Israele. Jo'on Ajwalilon, jich ya cal.

Jeremías 33:24

—¿Yu'un bal ma x'ana' stojol te yacalic ta yalel ants-winiquetic, te jch'ojoj bael ta co'tan ta sc'opic te cha'chajp alnich'an Israel soc Judá, te jo'onix la jtsae? Jich ma ba lec ya yilic te lum cu'une, soc jich c'oemix ta yo'tanic te ma nacionuquixe.

Jeremías 46:28

Jo'on Ajwalilon, jich ya cal: Ma xiwat, lum Jacob, abat cu'un, melel joinejat. Ya jin spisil te nacionetique, ja'ic me te bay la jpuquex baele. Yan te ja'ate ma ba ya jinat; ja' nax ya awich' tojtesel cu'un jich bit'il ya sc'an te awat'ele. Ma me jichuc nax ya quijq'uitayat jilel, puersa ya cac'bat castigo —xi' te Cajwaltique.

Jeremías 48:17

Spisil te spat-xujc' Moab, soc spisil te mach'atic ya sna'beyic te sc'oplale, ac'a yoq'uetayic, soc jich ac'a yalic: “Ilawilic, ch'ay ta jc'axel te bit'il ya xmandalaje, te tulan ta jyalel soc te bayal yutsilale”, xiuquic me ta oq'uel.

Jeremías 48:42

Te Moab ma ba nación ya xjilix, melel jelaw ta jtojol te Ajwalilone.

Jeremías 48:45

“Ay ma'yuquix yipic ya x'anic bael ta sleel anjibal ta Hesbón; ja'uc me to, te Hesbón, te slumal te namey q'uinal muc' ajwalil Sehón, yaquix ta tilel. Te c'ajq'ue ya spuquix sba, soc ya xc'ajc' te witstiquil yu'un Moab, ja' me te toyba lume.

Jeremías 49:3

“Ac'a ajc'anajuc te Hesbón, melel te lum Hai la yich'ix jinel. Oq'uetaya abaic, antsetic ta Rabá; lapaic ch'ixal pac', maja awo'tanic yu'un; animajanic jichuc mach'atic soquem sjolic, ejch'entesa abaic. Melel te dios Milcom awu'unic ya x'ich'ot bael ta yan q'uinal, soc ya x'ic'otic bael uuc te sacerdoteetic yu'un soc mach'atic muc' sc'oplalic.

Jeremías 49:37

Ya me cac' xnijc' te Elam ta stojol te scontrotaque. Ya me jticun tel te bila amen; ya me cac' tel ta stojol te quilimbae. Soc ya me jticun tel guerra te ya xtal sjin jilel ta jc'axele. Jo'on Ajwalilon, tulan ya cal.

Números 32:37

Te mach'atic sts'umbal Rubén la xcha'pasic te lumetic Hesbón, Eleale, Quiriataim,