Jeremías 48:18 - Bible in Tzeltal de Oxchuc y Tenejapa

¹⁸ “Ja'at lum Dibón, coan tel tey a ta bay ayat ta ich'el ta muq'ue, naclan ta taquin lum. Melel te jinwanej yu'un Moab ya me staat julel, soc ya me sjinbatix te tulanil ts'ajq'uetic awu'une.

Bible in Tzeltal Bachajón

¹⁸ Cohanic tal ta banti ay te utsilal awu'unic, huclanic ta taquin lum, ha'at te nahinemat ta Dibón, como te jinaw yu'un Moab mohem tal scontrahimbelat, la sjimbat te toyol ts'ahquetic awu'une.

Jeremías 48:18 ပူးပေါင်းရင်းမြစ်များ

Génesis 21:16

Q'uejel ba snajc'an sba stuquel, yu'un jich la yal ta yo'tan: “Ma jc'an quilbey swocol ya xlaj te quereme”, xi'. Tey nacal a, jajch' ta oq'uel te quereme.

Éxodo 17:3

Te israeletique ay taquinti'il la yaiyic. Jajch'ic ch'inlajanel ta c'op ta stojol Moisés yu'un, jich la yalbeyic: —¿Bistuc la aloq'uesotic tel ta Egipto? ¿Bistuc te tal amilotic ta taquinti'il soc te cal-jnich'antique soc te jchambalamtique? —xiic.

Isaías 15:2

Te yajwal lum Dibón ya xmo bael ta oq'uel ta templo yu'unic te ay ta ch'in witse. Te Moab ya smel yo'tan yu'un te la yich'ix jinel te lum Nebo soc te lum Medeba. Spisilic joxbil sjolic, joxbil yisimic.

Isaías 47:1

Te Cajwaltic ya yal: —Coan, naclan ta ts'ubil lum, ja'at te ach'ix Babiloniaat te ma to ayuc amamlale; coan ta amuc'ul nactijib, ja'at te ach'ix Caldeaate, naclan ta lum. Melel ma me ayuc mach'a ya yalbat xan: “T'ujbilat soc jteb stael te awutsilale”, te xi' ac'oplale.

Isaías 5:13

Jich yu'un, te bit'il ma sc'an xyaiyic stojol te lum cu'une, ya me x'ic'otic bael ta mosoil. Ta spisil te lum soc te ajwaliletic yu'un ya me xlajic ta wi'nal soc ta taquinti'il.

Jeremías 48:22

Dibón, Nebo, Bet-diblataim,

Ezequiel 19:13

Ta ora in to, ts'unulix ta jochol taquin q'uinal, ts'unulix ta mero taquin lum, bayalix taquinti'il ya yaiy tey a.

Números 21:30

La yich' jinel yip te lum Hesbón; ta Dibón c'alal ta Nofa spisil jinot jilel, te c'ajq'ue c'ot c'alal ta Medeba”, te xie.

Números 32:3

—Aiya awaiyic stojol, ta bay q'uinaletic yu'un te lum Atarot, Dibón, Jazer, Nimra, Hesbón, Eleale, Sebam, Nebo soc Beón,

Josué 13:17

ja' to ta lum Hesbón soc spisil te lumetic te ayic ta spamlej te sba wits: ja' te Dibón, Bamot-baal, Bet-baal-meón,

Josué 13:9

Ja' la sq'uinalinic te q'uinal ta Aroer ta sti'il muc'ja' Arnón, soc te lum ay ta yolil te stenlej xatal q'uinal yu'une, soc spisil te spamlej ta sba wits bael yu'un te lum Medeba, c'alal ta lum Dibón.

Jueces 15:18

Te bit'il mero bayal taquinaj yo'tan ta jyalel te Sansón, jich jajch' ta sc'oponel te Cajwaltique. Jich la yalbey: —¿Bit'il ay a te mero muc' la awac'bon caiy tsalawe, yo'tic ya xlajonix ta taquinti'il soc ta sc'ab te mach'atic ma'yuquic ta atojole? —xi'.