Jeremías 48:13 - Bible in Tzeltal de Oxchuc y Tenejapa

¹³ Jich yu'un te Moab ya me yaiy q'uexlal ta yo'tan ta swenta te Quemós te dios yu'une, jich bit'il Israel la yaiy q'uexlal ta swenta Betel, te tey yac'oj smuc'ul a te yo'tane.

Bible in Tzeltal Bachajón

¹³ Hich te Moab ya xq'uexawan yu'un te Quemos, hich te bin ut'il Israel q'uexawan yu'un Bet-el, te ha smuc'ulinej yo'tan.

Jeremías 48:13 ပူးပေါင်းရင်းမြစ်များ

Jeremías 48:39

Mela awo'tanic yu'un te Moab; nojel me ta xiwel. La sujt'es tel spat yu'un q'uexlal. C'atp'uj ta xiwtesjibal soc bila ya x'ilayot yu'un spisil te spat-xujq'ue.

Isaías 45:16

Spisilic te mach'atic ya spasic loc'ombaetic ya me xq'uexawic yu'un; peq'uel me ya xjilic soc ma'yuc sc'oplalic ya xc'otic.

Jueces 11:24

Teme ja' te dios awu'unic, te Quemós sbiil, ya yac'beyex jtebuc q'uinal te ya awu'uninique, ja' awu'unic nix ya xc'ot a, ¿me jichuc? Jich te jo'otique, cu'untic nix c'ot a te bi la yac'botic te Cajwaltique.

Jeremías 48:46

¡Obol aba ja'at Moab! ¡Lum yu'un Quemós, ch'ayematix! Te anich'nab queremetic ach'ixetic ya me x'ic'otic bael ta mosoil.

Jeremías 48:7

“Ja'at Moab, la awich' aba ta muc' soc awip soc ac'ulejal; ja'uc me to, ya me awich' tsaquel. Te Quemós te dios awu'une, ya xbajt' ta chuquel ta c'ubul, soc te sacerdoteetic yu'un, soc te mach'atic muc' sc'oplalique.

Isaías 45:20

Te Cajwaltic ya yal: —Tsoba abaic, la'ic, noptsajanic tel ta apisilic te jaychajp mach'atic cuxulex to ta lumetique. Mero ma'yuc bi ya sna' te mach'atic ya sbeentesic yajcananic te pasbil ta te', te ya xjajch' sc'oponic te sdiose, te ma xju' ya xcoltayotic yu'une.

Isaías 16:12

Manchuc me ya xbajt' Moab ta bay toyol ch'uunjibal ta yalel wocol tey a, ja' to c'alal ya xlub, manchuc me ya xbajt' ta templo ta sc'oponel te dios yu'unic, ma'yuc bi ya staic a.

Isaías 2:20

Te bi c'aalil ya xc'ot ta pasele, ya me xch'ojbeyic loq'uel ta stojol te ch'oetic soc sots'etic, ja' bi, ja' te loc'ombaetic yu'unic te ants-winiquetique te pasbil ta c'anal taq'uin soc saquil taq'uin, te ja' nix la spas stuquelic swenta yu'un ya yalbeyic wocol ta stojolic.

1 Reyes 18:40

Ja' yu'un jich albotic yu'un te Elías: —Tsacaic te j'alwanejetic yu'un Baal. Ma me xcol jtuluc —xi'. Te mach'atic tey ayic a, la stsaquic. Te Elías la yic' bael ta beja' Cisón, tey c'o smil a.

1 Reyes 11:7

Ja' nix ta yorail a, te Salomón la spas toyol ch'uunjibaletic ta wits te ay ta stojol sloq'uib c'aal yu'un Jerusalén te banti ya yich' ich'el ta muc' te loc'omba te mero ilaybil sba te yich'ojic ta muc' te moabetic, te Quemos sbiile, soc nix te yan loc'omba te mero ilaybil sba te Moloc sbiil, te ja' yich'ojic ta muc' te amonetique.

1 Reyes 11:33

Melel te Salomón la yijq'uitayonix ta yo'tan, ochix ta xch'uunel Astarté, antsil-dios yu'un sidonetic; te Quemos, dios yu'un moabetic; soc Milcom te dios yu'un amonetique. Ma lecuc ta jsit te bitic spasoje. Ma ba la yac' c'otuc ta pasel yu'un te mandaliletic cu'un soc te c'op chapal cu'une. Ma jichuc la spas te bit'il la spas te David, ja' te state.

Jeremías 48:12

Te Cajwaltic jich ya yal: —Ya xc'ot sc'aalelal te ay mach'atic ya jticun, te ya yac' ta yan yawil te vino c'oeme. Te yawil jochol ya xjile, ya me yich' wuyel ta jyalel.

2 Crónicas 25:15

Te Cajwaltic ilin ta stojol Amasías, soc la sticunbey j'alwanej ta alel yu'un: —¿Bi yu'un ja' la ale te diosetic yu'un te yan nacione, te ma ju' yu'unic scoltayel te lum yu'un ta ac'abe? —xi' sc'oplal yu'un.