Jeremías 42:4 - Bible in Tzeltal de Oxchuc y Tenejapa

⁴ Te Jeremías la sjac': —Lec ay. Ya calbey wocol te Cajwaltic Dios te bit'il la ac'anique, soc ya me cac'beyex ana'ic stojol spisil te bila ya yac'bon jna' stojole, ma ba ya jmucbat ta co'tan ni jtebuc —xi'.

Bible in Tzeltal Bachajón

⁴ La sjac' te Jeremías: La jca'iybeyex ac'opic. Ya jc'opon te Jehová te Dios awu'unic hich te bin ut'il la awalique. Spisil te bin ya yal te Jehová ya ca'beyex ana'ic, mayuc bin ya jmuc ta co'tan, xchi.

Jeremías 42:4 ပူးပေါင်းရင်းမြစ်များ

Salmos 40:10

Ma ba jquejch'anej yalel sc'oplal te toj-o'tanil awu'une, la calix te jun awo'tan ta jtojol soc te bit'il ya xcoltaywanate. Ma'yuc bi ora jmucoj ta co'tan te xc'uxul awo'tan soc te smelelil ac'op ta stojol te lum awu'un te c'ax bayale.

Éxodo 8:29

Moisés la sjac': —Ya na'ax, ja' nax teme loc'on baele, ya jc'anbey te Cajwaltique, swenta yu'un pajel me ya xbajt'ic te jaetique. Jich me ya yijq'uitayat jilel soc spisil te ajo'tac ta ajwalil soc ta spisil te alumale. Teme ma ja'uc nax yu'un ya alo'layotic ta c'ope, te ya xboon soc te jlumal ta yaq'uel milbil smajt'an te Cajwale —xi' te Moisese.

Jeremías 23:28

Teme ay jtul j'alwanej ay swaich, ac'a yal te ay swaiche; teme yu'unix yaiyojbon te jc'ope, jich toj ta alel yu'un. Ma pajaluc soc taquin ac te trigoe. Te jc'ope jich bit'il c'ajc', soc jich bit'il martillo te ya swuy te tone. Jo'on Ajwalilon, jich ya cal.

Jeremías 23:35

C'alal ay mach'a ya sjojc'obat, me jtul ajoy, o ja' te mach'a ay awu'une, ya wan yal: “¿Bi sujt'ib aiyej yu'un te Cajwaltique? ¿Bi la yal?” teme xie,

Jeremías 26:2

jich la yal: —Tec'lan ta bay yutil yamac'ul templo, albeya spisil te bitic la calbat te ya awalbey te ants-winiquetic te ya xtalic ta bay lumetic yu'un Judá, te ya xtal squejan sbaic ta templo. Ma me ayuc bila ya xjil ta alel awu'un.

Ezequiel 2:7

Pero te ja'ate ya me awalbey yaiyic te jc'ope, manchuc me ya yich'ic ta muc', o ma ba ya yich'ic ta muc', melel mero tulan ya yac' sbaic ta jtojol.

Hechos 20:20

Xujt' ma la jcom jba ta yalel ta atojolic te bila ya xlecubex yu'une. La jp'ijubtesex ta comon ta bay atsoboj abaic soc uuc ta bay anaic juju-jtul.

Hechos 20:27

melel spisil la calbeyex ta jamal te bila chapal yu'un te Diose. Ma'yuc bila la jmuc ta co'tan xujt'uc.

Romanos 10:1

Quermanotac, toyol co'tan ta sc'oponel Dios yu'un te yacuc staic colel te israeletique.

1 Samuel 12:23

Jich te jo'one, ac'a me scoltayon te Cajwaltic te manchuc ya jquejch'an yalel wocol ta stojol ta awentaique, melel teme jich ya jpase, ja' me jmul ta stojol te Cajwaltique. Ja' lec ya me cac'beyex anopic bit'il ya sc'an ya awac' abaic, soc te bit'il mero toj ya x'ainexe.