Jeremías 41:2 - Bible in Tzeltal de Oxchuc y Tenejapa

² te Ismael soc te lajuntul winiquetic te joinbil bael yu'une, jajch'ic ta ora soc spuñalic, la smilic te Gedalías, te ac'bot jilel yat'el ta ajwalil ta Judá yu'un te muc' ajwalil ta Babilonia.

Bible in Tzeltal Bachajón

² te Ismael snich'an Netanías soc te lajuntuhl winiquetic te joquimbil yu'un hahch smilic ta espada te Gedalías snich'an Ahicam, snich'an Safán. Hich la smilic te gobernador yu'un te q'uinal te otsesbil yu'un te ajwalil yu'un Babilonia.

Jeremías 41:2 ပူးပေါင်းရင်းမြစ်များ

2 Samuel 3:27

C'alal c'ot ta Hebrón te Abner, te Joab la yic' bael ta jejch' ta sti' yochibal te lume, swenta yu'un ya xc'opoj ta stuquel soc. Tey la yejch'entes ta xch'ujt', jich laj te Abner. Jich la sujt'esbey spacol te milbot te yijts'in Asael.

2 Reyes 25:25

Pero ta sjuquebal u, te Ismael snich'an Netanías, smam Elisama, sts'umbal muc' ajwalil ta Judá, c'ot tey a, sjoinej c'oel lajuntul winiquetic. Ta spisilic la smilic te Gedalías soc te judioetic soc te caldeoetic sjoinej ta Mizpa.

Salmos 109:5

Te xc'uxul co'tan ya sujt'esbonic ta lab-o'tanil; manchuc me c'ux ya caiy ta co'tan te jo'one, ay slab yo'tan stuquelic.

Salmos 41:9

Asta te mach'a mero c'ux ya caiy jba soque, te ja' smuc'ul co'tan sc'oplale, ja' te mach'a jun ya xwe'on soque, ja' la scontroinonix.

Jeremías 40:14

jich la yalbeyic: —¿Ya bal ana' te Baalis te muc' ajwalil yu'un Amón te sticunej tel Ismael te snich'an Netanías, yu'un ya smilat? —xiic. Ja'uc me to, te Gedalías ma la xch'uun.

Jeremías 40:16

Ja'uc me to, te Gedalías la sjac': —¡Ma me xapas! Te bi ya awal yu'un te Ismael, ma meleluc —xi'.

Jeremías 40:5

Teme ya amulan ya sujt'at bael, baan ta stojol Gedalías, te snich'an Ahicam, smam Safán, te ja' yich'ojix yat'el ta ajwalil ta lumetic ta Judá yu'un te muc' ajwalil ta Babilonia, joina tey a soc te alumale. Baan me tey a ta bay lec ya awile —xi' te comandante. Ta ora la yac'bey smajt'an soc bitic ya xtuun yu'un, la spatbey bael yo'tan.

Jeremías 40:7

Te comandanteetic soc te soldado-judioetic te pujq'uem ta q'uinal ta bayuc, la yaiyic stojol te ja' yich'ojix yat'el ta ajwalil te Gedalías yu'un te muc' ajwalil ta Babilonia. Ja' te snich'an Ahicam te ja' jil ta swenta te winiquetic, antsetic soc alaletic, te mach'atic me'baetic ta bay te lumq'uinale, te ma ba ic'otic bael ta Babilonia stuquelique.

Jeremías 40:8

Bajt'ic soc te soldadoetic yu'unic ta Mizpa, ta yilel te Gedalías. Ja'ic te Ismael snich'an Netanías; Johanán soc Jonatán, snich'nab Carea; Seraías snich'an Tanhumet; te snich'nab Efai te ay ta Netofá; soc Jezanías, snich'an jtul winic ta lum Maacat, soc te winiquetic yu'unique.

Jeremías 41:3

Te Ismael la smil spisil te judioetic soc te soldado-caldeoetic te tey ay soc a te Gedalías ta Mizpa.

San Juan 13:18

“Ma apisiluc te jich ya calbeyexe, melel na'bilix cu'un te mach'atic jtsaoje. Ja'uc me to, puersa ya xc'ot ta pasel te bi ts'ibubil ta Sjun te Diose: “Te mach'a pajal ya xwe'on soque, c'atp'ujix ta jcontro”, te xie.