Jeremías 40:9 - Bible in Tzeltal de Oxchuc y Tenejapa

⁹ Te Gedalías jc'axel la yalbey: —Ma me xiwex ta awac'bel abaic ta stojol te caldeoetique. Jilanic ta nainel li' ta lumq'uinal to. Ac'a abaic ta stojol te muc' ajwalil yu'un Babilonia, jich me lec ya x'ainex a.

Bible in Tzeltal Bachajón

⁹ Te Gedalías snich'an Ahicam, snich'an Safán, hich la yal ta jamal ta stojolic soc te swinictac: Ma me xaxi' te yac awac' abahic ta a'batinel yu'un te caldeohetique. Nahinanic ta lumq'uinal, ac'a abahic ta a'batinel yu'un te ajwalil yu'un Babilonia, hich me lec ya xc'ohex a.

Jeremías 40:9 ပူးပေါင်းရင်းမြစ်များ

Génesis 49:15

la yil te buen lec te q'uinale, jich la xcux yo'tan tey a, soc la xch'uun tulan ijc'tsajel, jun yo'tan la yac' sba ta abatinel.

2 Reyes 25:24

Te Gedalías jc'axel albotic yu'un ta spisilic soc te swinictaque te manchuc ya xi'ic te soldado-caldeoetic, te teyuc ya x'ainic ta sq'uinalic, soc te yacuc yac' sbaic ta abatinel yu'un te muc' ajwalil ta Babilonia, jich me lec ya xc'otic a.

Salmos 128:2

Jun me awo'tan ya atuun te bila ya ata ta awat'ele; bin nax me awutsil soc t'ujbil me ya x'ainat spisil ora.

Salmos 37:3

Ja' me ac'a smuc'ulin awo'tan te Cajwaltic, ja' me xapas te bila leque; ainan ta q'uinal soc junuc me awo'tan ta stojol.

Jeremías 27:11

Yan te nación te ya yac' sba ta sc'ab te muc' ajwalil yu'un Babilonia, ya quijq'uitay jilel ta sq'uinal swenta yu'un ya xcuxin tey a soc ya sc'altay. Jo'on Ajwalilon, jich ya cal —xi'.

Lamentaciones 1:1

Mero stuquel xanix jilem te lum te nojel yu'un ants-winiquetic ta sbabial. Pajalix yilel soc me'ba ants, te c'ax muc' ta neelal yu'un te yantic lumetique. Sujbilix ta spasel tulanil at'el te antsil ajwalil te cajal yutsilal ta sbabial.

Lamentaciones 5:9

Wocol xanix cuxulotic ta stael jwe'eltic, scaj te ya yuts'inotic te mach'atic talemic ta jochol taquin q'uinale.