Jeremías 40:5 - Bible in Tzeltal de Oxchuc y Tenejapa

⁵ Teme ya amulan ya sujt'at bael, baan ta stojol Gedalías, te snich'an Ahicam, smam Safán, te ja' yich'ojix yat'el ta ajwalil ta lumetic ta Judá yu'un te muc' ajwalil ta Babilonia, joina tey a soc te alumale. Baan me tey a ta bay lec ya awile —xi' te comandante. Ta ora la yac'bey smajt'an soc bitic ya xtuun yu'un, la spatbey bael yo'tan.

Bible in Tzeltal Bachajón

⁵ Teme yac ac'an ya xhilate, bahan ta stojol Gedalías snich'an Ahicam, snich'an Safán, te a'bot ya'tel yu'un te ajwalil yu'un Babilonia ta stojol te pueblohetic yu'un Judá, ayinan soc ta yohlil te pueblo, o bahan ta banti lec yac awa'iy, xchi. Te capitán la ya'be swe'el soc smahtan, soc la spatbe hilel yo'tan.

Jeremías 40:5 ပူးပေါင်းရင်းမြစ်များ

2 Reyes 22:12

Ora la spas ta mandal te Hilcías, Ahicam snich'an Safán, Acbor snich'an Micaías, Safán ja' te cronista yu'une, soc Asaías abat yu'un te muc' ajwalile, jich la yalbey:

2 Reyes 22:14

Te Hilcías, Ahicam, Acbor, Safán soc Asaías, ba yilic te antsil-j'alwanej te Hulda sbiil, te yinam Salum te snich'an Ticva, smam Harhas, te swentainej te sq'uejibal c'u'il ta templo. Te Hulda nainem ta Xchebal Barrio yu'un Jerusalén. C'alal la sc'oponic,

2 Crónicas 34:20

Ora la spas ta mandal te Hilcías, te Ahicam te snich'an Safán, te Abdón te snich'an Micaías, te Safán ja' te cronista, soc te Asaías te abat yu'un te muc' ajwalile, jich la yalbey:

Esdras 7:27

Ja' yu'un te Esdras la sc'opon Dios, jich la yal: —Wocol la awal, Cajwal, te Diosat yu'un te jme'il-tatiletique, melel la atijbey yo'tan te muc' ajwalil te la yich' ta muc' te templo awu'un ta Jerusalén.

Esdras 7:6

Te Esdras, ja' maestro te sna'oj ta lec te mandalil yu'un te Cajwaltic, te Dios yu'un Israel, te ac'bot ta swenta yu'un te Moisese. Te Esdras coltaybil yu'un te Cajwaltique, jich ac'bot yu'un spisil te bitic la sc'anbey te muc' ajwalil Artajerjes. Jich loc' jajch'el ta Babilonia,

Nehemías 1:11

Ya calbat wocol jiche, Cajwal, te yacuc awich'bon ta wenta te jc'ope, soc te sc'opic te abatetic awu'une te yacalic ta yalel wocol ta atojol, te ja' nax bayal sc'oplal ta yo'tanic te ya x'ich'otat xan ta muq'ue. Soc ya jc'anbat te lecuc ya xc'oon ta stojol te muc' ajwalile, soc te yacuc atijbey yo'tan, te lecuc yo'tan ta jtojole —xoon ta sc'oponel Dios.

Job 22:29

Melel Dios me ya xpejc'anot yu'un te mach'a ya stoy sbae, ja' me ya scoltay stuquel te mach'a peq'uel ya yac' sba.

Proverbios 16:7

Te mach'a lec yat'el ya x'ilot yu'un Cajwaltic, ya xlamaj yo'tanic yu'un te scontrotaque.

Proverbios 21:1

Ay ta sc'ab Cajwaltic te yo'tan te muc' ajwalile, jich me toj ya xbeen te bit'il muc'ja', jich te bit'il ya sc'an yo'tan te Cajwaltique.

Jeremías 15:11

Ac'a c'otuc ta pasel yu'unic te sbol-c'opic, Cajwal, teme ma ba lec cac'oj jba ta abatinel awu'une, teme ma ba calojbat wocol ta xc'uxtayel te jcontrotac, c'alal ayic ta wocol soc mel-o'tan.

Jeremías 26:24

Te Ahicam snich'an Safán c'opoj ta scoltayel te Jeremías, jich ma ba och ta c'abal yu'un te lum te ya smilique.

Jeremías 39:14

la yalic mandal ta loq'uesel Jeremías ta bay amac' yu'un soldadoetic. La yac'beyic ta swenta scanantayel te Gedalías, te snich'an Ahicam, smam Safán, swenta yu'un ya yiq'uic bael ta sna Gedalías. Jich jil Jeremías ta yolil te lume.

Jeremías 40:4

Yan te ja'ate ya me awil yo'tic ya jloq'uesbat te cadena te chuculat ae. Teme ya ac'an ajoinon bael ta Babilonia, ya me xju' xtalat, jo'on ya jcanantayat. Yan teme ma x'ac'an xtalate, jilan abi. Ila me awil spisil te lumq'uinal te ay ta atojole, baan me tey a te banti lec ya smulan awo'tane.

Jeremías 41:1

Te Ismael snich'an Netanías, smam Elisamá, te sts'umbalinej sba soc te ajwalile, ta sjuquebal u a bajt' ta Mizpa ta yula'tayel Gedalías, joinbil bael yu'un lajuntul winiquetic. C'alal jun yacalic ta we'el a ta Mizpa,

Jeremías 41:18

swenta yu'un ya xcolic ta sc'ab caldeoetic ta sc'opic. Ja' ayic ta xiwel yu'un te la smil Gedalías te Ismael, melel te Gedalías ac'bil jilel yat'el ta ajwalil ta slumal yu'un te muc' ajwalil ta Babilonia.

Jeremías 41:2

te Ismael soc te lajuntul winiquetic te joinbil bael yu'une, jajch'ic ta ora soc spuñalic, la smilic te Gedalías, te ac'bot jilel yat'el ta ajwalil ta Judá yu'un te muc' ajwalil ta Babilonia.

Hechos 27:3

Ta yan c'aal c'ootic ta lum Sidon. Te Pablo la yich' c'uxtayel yu'un te centurión te Julio sbiile. Ac'bot permiso ta yilel te quermanotactic te ayic tey ae, swenta yu'un jich me ya sta jtebuc mac'linel yu'unic.

Hechos 27:43

Ja'uc me to, te centurión ma la sc'an te ya xlaj te Pabloe. Jich la scom te soldadoetique, soc la yalbotic mandal ta jpisiltic: —Te jayebex te ya ana'ic nuxele, neel xach'oj abaic ochel ta ja', swenta yu'un jich me ya ataic te lumq'uinale.

Hechos 28:10

Jich la yac'botic bayal jmajt'antic. Soc ta patil te c'alal bootic ta barcoe, la yac'botic bael spisil te bila ya xtuun cu'untic ta beele.

Hebreos 13:6

Jich me jun co'tantic ya caltic: “Te Cajwale, ja' Jcoltaywanej cu'un; jich ma ba ya jxi' te bila ya sc'an spasbon te ants-winiquetique”, xootic yu'un.