Jeremías 40:3 - Bible in Tzeltal de Oxchuc y Tenejapa

³ Ta ora yo'tic la sc'otes ta pasel te sc'ope. Jich c'ot ta pasel ta atojolic te ja'exe, melel la apasic mulil ta stojol te Cajwaltique, ma la awich'beyic ta muc' te sc'ope.

Bible in Tzeltal Bachajón

³ Yo'tic la sc'ohtesix ta pasel te bin yaloje. Hich c'oht ta pasel ta atojolic como la ata amulic ta stojol te Jehová, ma ba la awich'beyic ta cuenta te sc'ope.

Jeremías 40:3 ပူးပေါင်းရင်းမြစ်များ

Nehemías 9:28

“Pero te c'alal lamalix jtebuc q'uinal la yaiyique, la xcha'pasic xan te bila amen ta asite. Ja' yu'un la awac' ochuquic ta c'abal yu'un te scontroique, jich la xch'uunic mandal ta stojol. La xcha'c'anic xan coltayel ta atojol. Pero ja'at, ta swenta te bit'il mero bayal xc'uxul te awo'tane, la awaiybey sc'opic c'alal ta ch'ulchan. Jich bayal buelta la acoltay ta woclajel.

Nehemías 9:33

Pero te ja'ate, mero ma'yuc amul ta spisil te bitic la awac' c'otuc ta jtojoltique. Melel te ja'ate, jun awo'tan ta jtojoltic, yan te jo'otique yacalotic ta spasel te bitic amene.

Jeremías 11:17

“Jo'on te Ajwalilon te Spisil ya xju' cu'une, te la jts'un te Israel soc Judae, la calix mandal te ya xc'ot ta stojolic te bila amene ta scaj te smulique. Melel la sta smulic ta jtojol te la yac'beyic smajt'an pom te Baal —xi'.

Jeremías 22:8

“Bayal ants-winiquetic ta yantic nacionetic te ya xc'axic ta patil li' ta lum to, ya me sjojc'obey sbaic juju-jtul: “¿Bi yu'un te jich pasbot yu'un Yajwal te muc'ul lum to?” xiic me.

Jeremías 39:16

—Baan ilawil, c'opona te Ebed-melec, te etiope-winique. Albeya: “Te Cajwaltic te Spisil ya xju' yu'une, te Dios yu'un Israel, ya yalbat: ‘Ya me jc'otes ta pasel te bila calojix yu'un te lume, ta swenta bila amen ta stojol, ma ta swentauc yutsilal. C'alal ya xc'ot ta pasel, ya me awil.

Jeremías 44:23

Ja' te woclajel te ayix ta ora to, ja' me tal yu'un te la awac'beyic pom te lotil diosetique. Jich la ata amulic ta stojol te Cajwaltique, melel ma la ach'uunbeyic te p'ijubtesel soc te mandaliletic yu'une, ma la awich'ic ta muc' —xi' te Jeremiase.

Jeremías 50:7

Te scontrotac, te c'alal ya sta sba soc, ya xti'otic yu'un, soc jich me ya yalic: “Ma jmulticuc jo'otic, melel la sta smulic ta stojol Yajwalic. Staoj nix lec swe'elic c'oem a, soc ja' nix la smuc'ulin yo'tanic te antiguo sme'-statique”, xiic me ta yalel.

Lamentaciones 2:17

Te Cajwaltic la sc'otes ta pasel te bi chapal yu'une, la sc'otes te sc'ope. Ma la sna'bey yo'bolil sba ta sjinel te namey la xchajbanbey sc'oplale. La yac' stse'luyat te acontro, soc ja' la yac'bey bayal yip stuquel.

Romanos 2:5

Ja'uc me to, c'ax tulan te awo'tane, yu'un ma ba asujt'esej te awo'tane. Jich yac ta toyel xan castigo ta atojol te quechel ya sta sc'aalelal castigoe. Tey ya xchicnaj a te Dios ya yal ta jamal te stojil te chajbanel yu'une.

Romanos 3:19

Jna'ojtic stojol te bit'il spisil te bila ya yal te mandalile, ja' sc'oplalic te mach'atic ayic ta swenta te mandalile, swenta yu'un jich macal yeic ya xc'ot spisilic a. Spisil ants-winiquetic quechelic ta yich'el castigo yu'un te Diose.

Deuteronomio 29:25

Te sujt'ib te c'ope ja' me in to: “Yu'un la xch'ay ta yo'tanic te trato la xchap soc Yajwalic, te Dios yu'unic te antiguo sme'-static, te c'alal ic'otic loq'uel tel ta sq'uinal Egipto.