Jeremías 40:12 - Bible in Tzeltal de Oxchuc y Tenejapa

¹² Jich yu'un, sujt'ic bael ta Judá spisilic ta bay pujq'uemic bael ta q'uinale, ba stejc'an sbaic ta stojol Gedalías ta Mizpa. Jich nix la yat'elinic stsobel bayal vino soc sit te'etic.

Bible in Tzeltal Bachajón

¹² spisil te judiohetic loq'uic tal ta spisil banti tenotic bahel, suhtic talel ta sq'uinal Judá ta stojol Gedalías ta Mizpa. La stsobic bayel vino soc sit ts'unub awaliletic.

Jeremías 40:12 ပူးပေါင်းရင်းမြစ်များ

Proverbios 27:25

C'alal ya xchicnaj aquiltic, soc ya xyaxub, soc te ya yich' tsobel te aquiltic ta witstiquile,

Isaías 16:9

Ja' swentail te ya x'oc'on yu'un te ts'usubiltic ta Sibma, soc nix te yu'un Jazer, soc ya jmal ya'lel jsit yu'un te Hesbón soc te Eleale. Melel te sit, te bitic sc'oplal ya yich' tulel loq'uel, ma xju'ix ta tsobel ta scaj te jajch'ix aw yu'un guerra.

Jeremías 40:10

Jo'on me ya xjilon ta Mizpa, swenta yu'un ya xc'opojon awu'unic ja'ex ta stojol te caldeoetic c'alal ya xtalic li'to. Te ja'exe at'elinaic stsobel te vino, sit te'etic soc aceite, soc jich me ya xju' xjilex ta lumetic ta bay ayexixe —xi'.

Jeremías 40:13

Te Johanán snich'an Carea, soc spisil te yantic comandanteetic yu'un soldadoetic te pujq'uemic jilel ta q'uinale, bajt'ic ta Mizpa ta yilel Gedalías,

Jeremías 41:10

Ja' nix jich te Ismael la xchuc bael te yantsil-nich'nab te muc' ajwalile soc te ants-winiquetic te ayic xan ta Mizpa, ja'ic te ac'bot jilel ta swenta Gedalías yu'un te Nabuzaradán te capitán yu'un te jcanantaywanejetique. Te Ismael la xchuc bael, jajch' ta beel yu'un ay ta yo'tan te ya xc'ax ta sq'uinal Amón.

Jeremías 43:5

Amen te bila la spas te Johanán soc spisil te jtsobwanejetic yu'un te soldadoetique: La stsobic te ants-winiquetic jilem xan ta Judá, te sujt'emiquix tel tey a te bit'il pujq'uic bael ta bayuc ta lumetique,

Jeremías 44:18

Ja'uc me to, te c'alal la jquejch'antic yac'bel pom soc majt'anil vino te Antsil Ajwalil yu'un Ch'ulchan, ma'yuc bi ay cu'untic ta spisil yo'tic; te ants-winiquetic cu'untique ya xlajic ta wi'nal o guerra —xiic.

Ezequiel 34:6

Pujq'uic bael ta witstiquil, pujq'uic bael ta toyol tseletic, ch'ayic bael ta spamal balumilal. Ma'yuc mach'a la smel yo'tan yu'un, soc ma'yuc mach'a ba sle tel.