Jeremías 40:1 - Bible in Tzeltal de Oxchuc y Tenejapa

¹ Te Cajwaltic la sc'opon Jeremías te c'alal ac'otix ta libre ta bay lum Ramá, yu'un te comandante yu'un soldadoetic te ayic ta canantaywaneje. Te Nabuzaradán chucul la sta te Jeremías ta cadena ta yolilal yajwal Jerusalén soc Judá, te ya x'ic'otiquix bael ta mosoil ta Babilonia.

Bible in Tzeltal Bachajón

¹ Ha te sc'op Jehová te tal ta stojol Jeremías te c'alal ac'otix ta libre ta Ramá yu'un te Nabuzaradán, capitán yu'un te soldadohetic te ya scanantayic ajwalil, te c'alal chucul ta cadena a c'oht sta ta yohlil spisil te jchuqueletic yu'un Jerusalén soc Judá te yaquic ta iq'uel bahel ta chuquel ta Babilonia.

Jeremías 40:1 ပူးပေါင်းရင်းမြစ်များ

2 Crónicas 16:1

Ayix waclajuneb xcha'winic (36) ja'wil yat'el ta ajwalil a te Asa, bajt' ta sjajch'esel c'op ta stojol Judá te Baasa, te muc' ajwalil yu'un Israel. La yac'bey sts'ajc'ul te lum Ramá, swenta yu'un ya me smac spisil a te mach'atic ya xba sc'oponic te muc' ajwalil ta Judá.

Salmos 107:16

Ja' la swuy te ti'nailetic pasbil ta bronce; ja' la sc'asbey sbalal taq'uinal te ti'nailetique.

Salmos 68:6

Dios me ya x'ac'bot snaic yu'un ta banti ya xnainic te mach'atic pijt'esbilique, ya yac' ta libre te jchuqueletic, soc ya yac'bey jajch'el biluc yu'unic. Yan te mach'atic toybaetic ya me xnainic ta taquin lumq'uinal stuquelic.

Jeremías 31:15

Te Cajwaltic ya yal: —Ay chicnaj c'op ta Ramá, yu'un ay mach'a c'axem to xan yacal ta oq'uel. Ja' te Raquel ya yoq'uetay te yalataque. Ma sc'anix te ya xmuc'tesbot q'uinal yaiye, melel lajemiquix te yalataque —xi'.

Jeremías 39:9

Ta slajibal, te Nabuzaradán, te comandante yu'un te canantaywanejetic yu'un te muc' ajwalile, la yic' bael ta mosoil ta Babilonia te mach'atic yajwal te lum te ayic to xan tey a, soc te mach'atic c'axemiquix soc te caldeoetique; ja' ta spisil te lume.

Jeremías 42:7

Ta slajunebal c'aal ta patil, te Cajwaltic la sc'opon Jeremías.

Ezequiel 33:21

Ta yo'ebal c'aal a te slajunebal u yu'un te slajchayebal ja'wil te ic'ototic bael ta mosoil, ay jtul winic te loq'uem jajch'el ta anel ta Jerusalén, tal ta jtojol, la yalbon caiy te ochix ta sc'ab controetic te Jerusalén.

Hechos 21:13

Ja'uc me to, la yal te Pabloe: —¿Bi yu'un ya x'oq'uex? ¿Bi yu'un ya awac'bonic jmel co'tan? Te jo'one, jun co'tan chican teme chuquel o milel ya xc'o quich' ta Jerusalén ta swenta te Cajwaltic Jesuse —xi'.

Hechos 28:20

Jich yu'un la quiq'uex tel te ya xc'opojon ta atojolique. Melel te bit'il chuculon ta cadena ya awilique, ja' nax ta scaj te bila smuc'ulinej co'tantic ta smaliyel jo'otic te israelotique —xi' te Pabloe.

Efesios 6:20

Dios sticunejon ta c'op ta stojol te ants-winiquetique. Ja' swentail te ayon ta chuquel ta cadena ta ora to. C'oponbonic Dios te ma ba xiw co'tan ta xcholele.

Josué 18:25

Soc xan te Gabaón, Ramá, Beerot,

1 Samuel 7:17

Patil ya sujt' xan bael ta Ramá te banti ay sna, te banti la xchajban te israeletique, soc la spasbey scajtijib smajt'an Dios tey a.