Jeremías 4:4 - Bible in Tzeltal de Oxchuc y Tenejapa

⁴ Ants-winiquetic ta Judá soc Jerusalén, ac'a abaic ta yich'el circuncisión soc na'bonic jba te Awajwalonique, ac'a ta awo'tanic te smarcail te tratoe. Ma me ta scajuc amen awat'elic te tey ya xtil jajch'el jichuc c'ajc' te quilimbae, ya me xtil te ma'yuc mach'a ya xju' yu'un stubele.

Bible in Tzeltal Bachajón

⁴ Ich'ahic circuncisión ta stojol Jehová, a'beyahic circuncisión ta awo'tanic, ha'ex winiquex yu'un Judá soc Jerusalén, manchuc hich ya xloc' quilimba te bin ut'il c'ahc', te ya xtihl soc mayuc mach'a ya xhu' ya stup' ta scaj schopolil awa'telic.

Jeremías 4:4 ပူးပေါင်းရင်းမြစ်များ

2 Crónicas 34:25

Melel la yijq'uitayon ta yo'tanic, soc la xchic'beyic pom te yantic lotil diosetique, jich la sjajch'esbonic quilimba yu'un spisil te bitic la spasique. Jich yu'un jajch' ta tilel jichuc c'ajc' te quilimba ta stojol te lume te ma me xtub.

Isaías 10:17

Te Ch'ul Dios, te sacuben q'uinal ta stojol Israel yu'un, ya xc'atp'uj ta c'ajc', ta jun nax c'aal ya xchic' soc ya sjin spisil te mach'atic ch'ixetic c'oem soc mach'atic wanc'altic c'oem ta q'uinal.

Isaías 30:33

Ayix bayal c'aal chajbanbil ta swenta Asiria soc ta swenta te muc' ajwalil yu'un, te yawil woclajel, te muc' sjamalul soc najt' coel. Ay tsumbil c'ajc' tey a, te yac ta tilel soc c'axem to xan bayal si'il. Ya me stiles c'ajc' a te ic' ya xloc' ta ye te Cajwaltique, jich me ya xtal te azufre te bit'il snojel ja'.

Isaías 51:17

Wic'a asit, wic'a asit, Jerusalén, jajch'an. Ja'at la awaiybey swocolil yilimba te Cajwaltic, jich me c'oem te mach'a ya yuch' junuc copa, te ya yuch' sjunal ta jyalele, ja' to c'alal ya xyacub jilel.

Jeremías 15:14

Ya cac'at ta mosoil yu'un te acontrotac, ta yan q'uinal te bay ma ba awiloj; melel te quilimba tilemix jich bit'il c'ajc' te ya slajinate —xi' te Cajwaltique.

Jeremías 21:5

Jo'onix jtuquel ya cac'beyex guerra te ja'exe; ya jloq'ues tel smuc'ul te cu'ele, soc yac me ta tilel c'oem te quilimba soc te smuc'ul sc'ajc'al co'tane.

Jeremías 23:19

Te yilimba Cajwaltic, jich bit'il tulan yic'al ja'al, jich bit'il tulanil ic' ta c'axem to xan te ya syuq'uilay te mach'atic amenique.

Jeremías 36:7

Te ayuc bit'il ya yalbeyic wocol te Cajwaltique, soc te ya yijq'uitayic jilel te amen yat'elique, swenta manchuc ya xjul ta stojol te lum te yilimba soc te sc'ajc'al yo'tan te Cajwaltic te muc' ta jyalele —xi' te Jeremiase.

Jeremías 44:22

Ja'uc me to, te Cajwaltic ma xcujch'ix yu'un te sbolil awat'elic te la apasic te ja'exe, ma lecuc yo'tan yu'un. Jich yu'un te alumalique jinemix ta jc'axel yo'tic, ma'yuquix mach'a nainemic tey a; c'atp'ujex ta ejemplo yu'un castigo, te ya yac' xiwele.

Jeremías 9:25

Te Cajwaltic jich ya yal: —Ya me xc'ot sc'aalelal te ya cac'bey castigo spisil te lumetic te ja' nax yich'ojic circuncisión ta swenta sbaq'uetalic:

Jeremías 9:26

Jich bit'il te Egipto, te Judá, Edom, Amón soc Moab, soc spisil te mach'atic ayic ta jochol taquin q'uinal te ya sjoxic te stsotsil sjolic ta xujc' xchiquinique. Melel spisil te lumetic to, soc nix te lum Israel, ta smelelil ma ba yich'oj circuncisión ta yo'tanique —xi'.

Lamentaciones 4:11

Te Cajwaltic la sloq'ues yilimba, yac ta tilel sc'ajc'al yo'tan la smal; la yac'bey sc'aal te Sión, la sjin c'alal ta yet'al ts'ajq'uetic.

Ezequiel 16:38

Ya me cac'bat atoj te bila amulineje, ja' te mulweje, soc te milawe. Soc quilimba ya cac'at ta lajel, ta scaj te ma junuc awo'tan la awac' aba ta jtojole.

Ezequiel 18:31

Ijq'uitayaic jilel ta jc'axel ta spisil te bitic amen ya apasic ta jtojole. Pasa ta yach'il awo'tanic, pasa ta yach'il acuxlejalic. ¿Bi yu'un ya xlajat, lum Israel?

Ezequiel 20:33

Melel jo'on te cuxul Awajwalon, ya cal ta jamal. Ta swenta yip cu'el soc ta swenta castigo yu'un quilimba, puersa me ya x'ochon ta ajwalil awu'unic.

Ezequiel 21:17

Te jo'one ya me jtij jajch'el, asta ja' to teme lamaj te quilimbae. Jo'on Ajwalilon, yacon ta yalel”, uta me —xi'.

Ezequiel 24:13

“Jerusalén, ya jc'an ya jlecubtesat, ya jc'an ya jch'aybat te abolile, ja' te muliletic mero awac'oj awo'tan ta spasele, pero ma xlecubat. Ja' to ya xlecubat a teme la jt'omesbat bael ta atojol te quilimbae.

Ezequiel 24:8

Jo'on me ya cac' tey a te ch'ich' ta sba ton, yu'un ma xju' ta muquel a, swenta yu'un ya xtil te quilimba, soc ya me cac'beyic castigo’, xi' me.

Ezequiel 44:7

Ja'ex ya aboltesic te templo cu'une, melel ya awaq'uic ochel jyanlumetic tey a. Ja'ic te ma ba yich'ojic te marca yu'un te trato cu'une, ma'yuc ta yo'tanic ni ta sbaq'uetalic yich'ojic. Ya sjinbeyic sc'oplal, melel ya awac'bonic jwe'elin te xepuil soc te xch'ich'el te milbil majt'anile. Jich ya ajinbonic a te trato cu'une, ta scaj te mero ilaybil sba awat'elique.

Ezequiel 6:12

Te mach'atic c'ubul ayique ya me xlajic yu'un bayal chamel; te mach'atic nopol ayique ya me xlajic ta guerra; te mach'atic cuxulic ya xjile, ya me xlajic yu'un wi'nal. Jich me ya xlaj yip te quilimba ta stojolique.

Ezequiel 8:18

Pero ya me x'at'ejon soc te quilimbae, ma me ba ya jna'bey yo'bolil sbaic ta jc'axel. Manchuc me ya sc'opononic ta aw, pero ma ba ya jac'bey te sc'opique —xi' te Cajwaltique.

Levítico 26:28

ja' ni me jich tulan ya cac' jba ta atojolic uuc, buen ilinemon me a ya cac'beyex castigo juqueb xan buelta yu'un.

Levítico 26:41

ja' nix jichon ya me jtoy jba ta atojolic, ya me quiq'uex bael ta slum-sq'uinalic te acontroique, tey me ya xc'o spejc'an sba a te stoybail awo'tanic swenta amulic, soc ya me atojic te amulique.

Amós 5:6

Noptsajanic ta stojol te Cajwaltique, jich me ya xcuxinex; teme ma jichuc ya apasique,ya me sticun tel c'ajc' ta spamal sq'uinal Israel. Ma me ayuc ya xwejt' ta Betel te mach'a ya scom.

Sofonías 2:2

te bit'il ma to ya awich'ic ch'ojel bael jichuc ac te jun nax c'aal ya xch'ay ta jc'axele; te bit'il ma to xjul ta atojolic te sc'aal yilimba te Cajwaltique; te bit'il ma to xc'ot ta atojolic te sc'aalelal yilimba te Cajwaltique.

Romanos 2:25

Melel nix a te ay sc'oplal awu'un te circuncisione, teme ya awat'elin spasel te bila ya yal te mandalile. Yan teme jc'axintayej-mandalate, tojol te awich'oj circuncisione.

Deuteronomio 10:16

“Ac'a ta awo'tanic te smarcail te trato, ma me ja'uc nax chican awo'tanic te bila ya apasic baele.

Deuteronomio 30:6

Ya me yac'beyex ta awo'tanic smarcail te trato, soc nix te patil alnich'anetic awu'unique, swenta yu'un c'ux me ya awaiyic ta spisil awo'tanic soc ta spisil ach'ulelic. Jich me ya awich' acuxlejalic a.

Deuteronomio 32:22

Te sc'ajc'al co'tane tilix jajch'el jichuc c'ajc', ya me xtil bael c'alal ta sc'ubulil lumq'uinaletic. Ya me slajin te lumq'uinal soc te bitic ya sitin tey a, ya me yac'bey sc'aal te yiptajib te witstiquile.

Colosenses 2:11

Soc te bit'il jun ayex soc te Cristoe jich la awich'ic circuncisión. Ja'uc me to, ma ja'uc te circuncisión te pasbil ta sc'ab ants-winiquetic. Ja'ix te circuncisión te la awich'ic ta swenta Dios te bit'il la ach'uunic te Cristoe. Jich colex ta libre yu'un te amulawil-baq'uetalique.