Jeremías 39:9 - Bible in Tzeltal de Oxchuc y Tenejapa

⁹ Ta slajibal, te Nabuzaradán, te comandante yu'un te canantaywanejetic yu'un te muc' ajwalile, la yic' bael ta mosoil ta Babilonia te mach'atic yajwal te lum te ayic to xan tey a, soc te mach'atic c'axemiquix soc te caldeoetique; ja' ta spisil te lume.

Bible in Tzeltal Bachajón

⁹ Te Nabuzaradán, capitán yu'un te soldadohetic te ya scanantayic ajwalil, la yic'ticlan bahel ta chuquel ta Babilonia te mach'atic hilemic ta pueblo soc te mach'atic c'axemiquix bahel ta stojol, soc spisil te yantic te hilemique.

Jeremías 39:9 ပူးပေါင်းရင်းမြစ်များ

Génesis 37:36

Te madianetic c'o xchonic te José ta sc'ab Potifar ta Egipto. Ay yat'el ta comandante yu'un jcanantaywanejetic ta stojol faraón te muc' ajwalil yu'un Egipto.

2 Reyes 20:18

Jich nix te mero patil alnich'anetic awu'une ay me ya x'ic'otic bael ta Babilonia. Ya me xpasotic ta capón, ya me x'ochic ta abatinel ta spalacio te muc' ajwalil”, xi' me —xi'.

2 Reyes 25:11

Patil te Nabuzaradán la yic' bael ta chuquel ta Babilonia te mach'atic jilemic ta lume, soc te mach'atic yac'oj sbaic soc muc' ajwalil yu'un Babilonia, soc te jteb xan mach'atic ay bitic ya sna'ic spasele.

2 Reyes 25:20

Te Nabuzaradán la yic' bael spisilic ta stojol muc' ajwalil yu'un Babilonia, te ay ta lum Ribla ta sq'uinal Hamat. Tey la yal mandal a te muc' ajwalil yu'un Babilonia te ya yich'ic milele. Jich loq'uesotic ta slum-sq'uinalic te yajwal Judá.

Isaías 5:13

Jich yu'un, te bit'il ma sc'an xyaiyic stojol te lum cu'une, ya me x'ic'otic bael ta mosoil. Ta spisil te lum soc te ajwaliletic yu'un ya me xlajic ta wi'nal soc ta taquinti'il.

Jeremías 10:18

Melel te Cajwaltic la yalbeyex ac'oplalic: “Ja' in ora to najt' me ya jch'oj loq'uel te mach'atic yajwal te lumq'uinal. Ya me cac' c'axuc swocolic, ya me quil teme ma teyuc ya sleonic a”, xi' ac'oplalic yu'un —xi' te j'alwaneje.

Jeremías 16:13

Jich yu'un ya jloq'uesex bael li' ta bay lumq'uinal to. Ya xbaex ta banti ni ja'ex ni antiguo ame'-atatic awilojic. Tey me ya awich'ic abatinel c'aal ajc'ubal yu'un te lotil diosetique. Ma ba ya jna'beyex yo'bolil abaic’, xi' te Cajwaltic”, uta me.

Jeremías 24:8

“Yan te Sedequías, muc' ajwalil yu'un Judá, soc te jtsobwanejetic, soc te yantic yajwal Jerusalén te ya xjilic li' ta bay lum to, o te ya xba snajc'an sbaic ta Egipto, jich me ya xc'ot ta co'tan te bit'il higoetic te amenic ta jc'axel, ma xju'ix ta lo'ele.

Jeremías 38:19

Te Sedequías la sjac': —Ya jxi' te judioetic te ay c'axemiquix ta stojol te caldeoetique; teme ya x'ochon ta sc'abique, ya niwan yac'bonic c'axuc jwocol —xi'.

Jeremías 40:1

Te Cajwaltic la sc'opon Jeremías te c'alal ac'otix ta libre ta bay lum Ramá, yu'un te comandante yu'un soldadoetic te ayic ta canantaywaneje. Te Nabuzaradán chucul la sta te Jeremías ta cadena ta yolilal yajwal Jerusalén soc Judá, te ya x'ic'otiquix bael ta mosoil ta Babilonia.

Jeremías 40:7

Te comandanteetic soc te soldado-judioetic te pujq'uem ta q'uinal ta bayuc, la yaiyic stojol te ja' yich'ojix yat'el ta ajwalil te Gedalías yu'un te muc' ajwalil ta Babilonia. Ja' te snich'an Ahicam te ja' jil ta swenta te winiquetic, antsetic soc alaletic, te mach'atic me'baetic ta bay te lumq'uinale, te ma ba ic'otic bael ta Babilonia stuquelique.

Jeremías 52:26

Nabuzaradán la yic' bael spisil ta stojol te muc' ajwalil yu'un Babilonia, te ay ta lum Ribla ta sq'uinal Hamat. La yal mandal te muc' ajwalil yu'un Babilonia te ya yich' milele. Jich a ic'ot bael ta mosoil ta yan q'uinal te lum Judá.

Daniel 2:14

Te Daniel ba yutsil-c'opon soc sp'ijil yo'tan te Arioc, ja' capitán yu'un te soldadoetic ayic ta scanantayel te muc' ajwalile, te ja'ic te chapaliquix yu'un ya smilic te mach'atic bayal bila sna'ojique.

Levítico 26:33

Yan te ja'exe, ya me jpuquex bael ta yantic nacionetic, jloq'uesej me jpuñal a ya jnutsex bael. Te alum-aq'uinalic ya xc'atp'uj ta jochol q'uinal, jich nix te lumetic awu'unic ya xc'atp'ujic ta jinem ts'ajq'uetic.

Deuteronomio 4:27

Te Cajwaltic ya me spuquex bael ta yantic nacionetic, ma me ayuquix bayal cuxul ya xjilex.