Jeremías 39:4 - Bible in Tzeltal de Oxchuc y Tenejapa

⁴ C'alal la yil te muc' ajwalil Sedequías, soc te soldadoetic yu'un te bila c'ot ta pasel, anic loq'uel ta lum. Ajc'ubal loq'uic bael ta be ta bay ts'unul nichimetic yu'un te ajwalile, ta yochibal te ay ta yolil xchebal te ts'ajq'uetique, coic bael ta be ta stenlej xatal q'uinal yu'un Jordán.

Bible in Tzeltal Bachajón

⁴ Te Sedequías ajwalil yu'un Judá soc spisil te soldadohetic, c'alal la yilic, loq'uic ta ahnel ta pueblo ta ahc'abal ta sbehlal te ts'umbil nichimetic yu'un te ajwalil, ta ochibal te ay ta ohlil yu'un te cheb ts'ahquetique, loq'uic bahel ta sbehlal te Arabá.

Jeremías 39:4 ပူးပေါင်းရင်းမြစ်များ

2 Crónicas 32:5

Te Ezequías la yac' yip yo'tan, la spas xan te ts'ajq'uetique, soc la spas xan toyol balal ts'ajq'uetic ta sba, soc la spas yan ts'ajc' ta fuera. La stulantesbey xan te but'bil slumil te Lum-yu'un-David, soc la spas mero bayal lanzaetic soc smajq'uilic.

Isaías 22:11

Ta yolilal xchebal te ts'ajq'uetic la apasic pozo a ta swenta te ja' yu'un antiguo estanque. Ja'uc me to, ma la ana'ic te Mach'a la spas spisil, c'alal ta mero namey to tel la xchajban.

Isaías 22:3

Te jtsobwanejetic awu'un, spisilic loq'uic bael ta animal, anic bael yu'un te t'imetic; ja'uc me to, la yich'ic chuquel. Te winiquetic awu'un te c'ax tulanique, c'ubul bajt'ic ta anel; ja'uc me to, chujq'uic ta puersa.

Isaías 29:2

patil ya me cac' xwoclaj yo'tan te Ariel. Ay me mel-o'tan soc ay me ajc'an yu'un. Te lum jich me ya xc'ot cu'un te bit'il Ariel.

Jeremías 32:4

Te muc' ajwalil Sedequías ma xju' ya scoltay sba ta sc'ab te caldeoetique, ya me x'och ta sc'ab te muc' ajwalil yu'un Babilonia, ya me stejc'an sba ta stojol.

Jeremías 32:5

Te Nabucodonosor ya yic' bael te Sedequías ta Babilonia, tey me ya x'ain a ja' to me te c'alal ya cat'elin xan sna'ele. Manchuc me ya atsac aba soc caldeoetic te ja'exe, ma ba lec ya xc'oex. Jo'on Ajwalilon, jich ya cal —xi'.

Ezequiel 12:12

Te ajwalil yu'unique, c'alal ya x'ijc'ub q'uinal, ya me yac' ta snejq'uel sbiluc, ya xloc' ta banti ya sjutic te ts'ajq'ue. Smacoj me yelaw a ya xloc' bael, swenta yu'un jich me ma'yuc mach'a ya x'ilot yu'un a, soc ni ja'uc ya yil te q'uinale.

Ezequiel 12:4

Ta c'aaleltic soc ta comonsitil, ich'a loq'uel abiluc, jich yilel te bit'il ya xbaatix ta scaj te ya x'ic'otat bael ta mosoile. Te c'alal ya xmal bael c'aal, loc'an bael jich bit'il ya x'ic'otatix bael ta mosoile.

Levítico 26:17

Jo'on me ya jcontroinex, ya me stsalex te acontroique, ya me yabatinex te mach'atic ay slab yo'tan awu'unique, ya me xloq'uex ta anel manchuc ma'yuc mach'a ya snutsex.

Levítico 26:36

“Te ja'exe, teme ay to cuxulex jilel tey ta slumal te acontroique, ya me cac' taluc xiwel ta awo'tanic. Manchuc me jun nax yabenal te' xchajlujet ya xc'ot ta lum te c'alal ya xyal coele, ya me axi'ic. Ya me xloq'uex ta anel, jich te bit'il tenbilex ta puñal ya awaiyique.

Amós 2:14

Manchuc me bayal ya x'animajex, ma nix yu'unuc ya xcolex a; te mach'a tulane ya me xlaj yip, soc ma xcol te mach'a tulan yo'tane.

Deuteronomio 28:25

soc teme jc'axel la stenat te acontrotaque. Ya x'ochex bael ta stojolic, buen lec me ya achol ochel abaic, pero ya me xpujq'uex bael ta anel ta stojolic, ya me awac'bey xiwel yantic ajwaliletic ta q'uinal.