Jeremías 39:3 - Bible in Tzeltal de Oxchuc y Tenejapa

³ Spisilic te mach'atic ay yat'elic yu'un te muc' ajwalil ta Babilonia ochic bael, soc tey la slaman sbaic a ta smuc'ul yochibal sts'ajc'ul te lume. Ja'ic te Nergal-Sarezer, Samgar-nebo, Sarsequim, ja' te tulan yat'el yich'oje, soc xan yan Nergal-Sarezer, te ja' nix jich tulan yat'el yich'oje.

Bible in Tzeltal Bachajón

³ Spisil te príncipaletic yu'un te ajwalil yu'un Babilonia ochic bahel, la slahman sbahic ta Ochibal ay ta ohlil, ha'ic te Nergal-Sarezer, Samgar-nebo, Sarsequim te jtsobaw yu'un te eunucohetic, Nergal-Sarezer te ay tulan ya'tel, soc spisil te yantic yu'un te ajwalil yu'un Babilonia te tulan ya'telique.

Jeremías 39:3 ပူးပေါင်းရင်းမြစ်များ

2 Reyes 17:30

Te talic ta Babilonia la spasbeyic sloc'ombail Sucot-benot. Te talic ta Cuta la spasbeyic sloc'ombail Nergal. Te talic ta Hamat ja' la spasbeyic sloc'ombail te Asima.

Jeremías 1:15

Jo'on Ajwalilon, smelelil ya calbeyex: Ya quic' tel spisil jmandalteswanejetic yu'unic te mach'atic ayic ta norte. Ya me xtalic te muc' ajwaliletic yu'unic, soc ya me yaq'uic smuc'ul nactijibic ta bay nix stojol yochibal Jerusalén, ta bay stojol sts'ajc'ul te ay ta sjoyobale, soc ta stojol spisil te lumetic yu'un Judá.

Jeremías 21:4

“Te Cajwaltic te Dios yu'un Israel ya yalbat: ‘Ya cac' sujt'uc bael ta spatic te soldadoetic awu'un soc yat'ejibic, te loq'uic ta pat ts'ajc' ta bay yacalex ta awac'bel abaic guerra soc te muc' ajwalil yu'un Babilonia. Soc te caldeoetic, te ja' nix te swinictaque, ya me jtsob ta yolil in lum to.

Jeremías 38:17

Ja' yu'un te Jeremías la yalbey Sedequías: —Te Cajwaltic te Spisil ya xju' yu'une, te Dios yu'un Israel, jich ya yalbat: “Teme ya awac' aba ta sc'ab ta jc'axel te generaletic yu'un te muc' ajwalil ta Babilonia, te ja'at soc te mach'atic ay awu'un ya me xcuxinex, soc te lume ma ba ya yich' chiq'uel.

Jeremías 39:13

Jich yu'un te Nabuzaradán, te Nabusazbán soc te Nergal-Sarezer ta xchebalic yich'ojic tulan yat'elic, soc spisil mach'atic ay yat'elic yu'un te muc' ajwalil yu'un Babilonia,

Ezequiel 26:10

Te c'alal ya x'och bael ta ti'naetic awu'un te muc' ajwalil yu'un Babilonia, xbuquet me ya x'ochic bael teme lom yu'unic te ats'ajc'ule. Mero bayal me te caballoetic yu'une, ya me smucat ta stanul yacanic te ya stijic jajch'ele. Ta swenta stulanil sc'op te carretaetic, soc ta swenta sc'op te yacan caballoetic yu'une, ya me stij sba te joyob ts'ajq'uetic awu'une.