Jeremías 38:6 - Bible in Tzeltal de Oxchuc y Tenejapa

⁶ Jich och ta sc'abic te Jeremías. La yaq'uic coel ta taquin pozo yu'un Malquías te snich'an muc' ajwalile, te ay ta amac' yu'un soldadoetic. La scojt'esic ta lazo. Te bit'il ma'yuc ya'lel te pozo, ja' nax ay ajch'al tey a, jich yu'un te Jeremías ts'ajpaj c'oel yacan ta ajch'al.

Bible in Tzeltal Bachajón

⁶ Ha yu'un la stsaquic te Jeremías, la yotsesic ta hotbil ch'en yu'un Malquías snich'an te ajwalil, te ay ta yamaq'uil te cárcel. La scohtesic ta lazo. Mayuc ya'lel te hotbil ch'en, ha nax ahch'al; te Jeremías co bahel ta ahch'al.

Jeremías 38:6 ပူးပေါင်းရင်းမြစ်များ

Génesis 37:24

La stsaquic bael, la xch'ojic coel ta pozo. Ja'uc me to, taquin te pozoe, ma'yuc ya'lel.

Salmos 109:5

Te xc'uxul co'tan ya sujt'esbonic ta lab-o'tanil; manchuc me c'ux ya caiy ta co'tan te jo'one, ay slab yo'tan stuquelic.

Salmos 40:2

Melel la scoltayon loq'uel ta muquenal, ma ba la yac'on ta biq'uel ta ts'ajel, la yac'on ta libre stuquel. La yac' tejc'ajucon ta sba muc'ul ton; tulan la yac' jtejc'an jba.

Salmos 69:2

yacon ta biq'uel yu'un loob ajch'aleltic ya caiy, ma xwejt' ta banti ya cac'bey yich' yip te cacane. Jtaojbeyix c'oel te mero sc'ubulil ja'e, soc yaquix yeanbelon bael te yacan ja'e.

Jeremías 32:2

Ja'ix yorail a te soldadoetic yu'un te muc' ajwalil ta Babilonia te yacalic ta stenel ta guerra te Jerusalén; te j'alwanej Jeremías macal ta chuquel ta amac' yu'un soldadoetic, ta spalacio te muc' ajwalile.

Jeremías 36:26

La yalbey mandal te Jerameel te snich'an muc' ajwalil, te Seraías te snich'an Azriel, soc Selemías snich'an Abdeel, te ya xba xchuquic tel te j'alwanej Jeremías, soc Baruc te secretario yu'une; ja'uc me to, te Cajwaltic la snac'.

Jeremías 37:16

Te Jeremías c'ot ta mero yet'al lum ta chuquel, tey jalaj bayal c'aal a.

Jeremías 37:21

Jich yu'un te muc' ajwalil Sedequías la yal mandal te ac'a yich' maquel te Jeremías ta yamac'ul te chucjibale, soc te jujun c'aal ac'a yich' ac'beyel jpejch' waj pasbil ta calle yu'un te jpas-wajetique. Jich la yich' pasel ja' to c'alal ma'yuquix we'elil ta spamal lum. Jich a jil ta bay amac' yu'un soldadoetic te Jeremiase.

Jeremías 38:13

Jich yu'un te winiquetic la sliquic loq'uel, jich la sloq'uesic tel tey a. Ta patil te Jeremías jil ta amac' yu'un soldadoetic.

Jeremías 38:22

Spisilic te antsetic ya xjilic ta apalacio, ja'at te muc' ajwalilat yu'un Judá, ya me yich'ic loq'uesel bael, ya me x'ac'ot ta sc'abic te general soldadoetic yu'un te Babilonia, jich me ya yalic te antsetic awu'une: “Te mach'atic mero sjoy sba soc te muc' ajwalile la slo'layic soc la stsalic; la yaq'uic bic'otuc bael yu'un ajch'al te yacane, soc sujt'ic ta spatic”, xiic me te antsetique —xi' te Jeremiase.

Daniel 6:16

Ja' yu'un te muc' ajwalil la sticun ta iq'uel te Daniel, swenta yu'un ya xch'ojic ochel ta xch'en te león-chojetique. Pero te c'alal ma to ba ch'ojbil coel a te Daniel, jich albot yu'un te muc' ajwalile: —Te Dios awu'une, ja' te mero jun awo'tan awac'oj aba ta abatinel yu'un, ac'a scoltayat —xi'.

Zacarías 9:11

Te Cajwaltic jich ya yal: —Jerusalén, ta swenta te ch'ich' yu'un te c'op chapal cu'un ta atojolic, jo'on me ya jloq'uesbat te ajo'tac ayic ta chuquel, ja' te pozo ma'yuc ya'lele.

Hechos 16:24

Te bit'il la yich'ix mandale, jich la yac' ochel c'alal ta slajibal yutil te chucjibale, soc la xojbeyic yacan ta bay jutlabil ch'ujte'.

Hebreos 10:36

Pasaic me tulan. Ts'ijc'uc me awu'unic te awocolique. Pasbeyaic sc'anjel yo'tan te Diose, jich me ya awich'ic te bila yaloj te ya yac'beyex awu'uninique.