Jeremías 38:5 - Bible in Tzeltal de Oxchuc y Tenejapa

⁵ Te muc' ajwalil Sedequías la sjac'bey sc'opic: —Lec ay, pasbeyaic ta stojol te bila ya sc'an awo'tanique. Te jo'one ma'yuc bila ya xju' ya calbeyex yu'un —xi'.

Bible in Tzeltal Bachajón

⁵ La sjac' te ajwalil Sedequías: Ay ta ac'abic, mayuc bin ya xhu' ya spas te ajwalil yu'un ya scomex, xchi.

Jeremías 38:5 ပူးပေါင်းရင်းမြစ်များ

2 Samuel 19:22

La sjac' te David: —Ma awentauc, yalatac Sarvia. ¿Bi yu'un ya atoy abaic ta jtojol? Yo'tic ya jna' ta lec te jo'on te muc' ajwalilon yu'un te Israele. Ja' yu'un ma'yuc mach'a ya xju' ya xlaj ta Israel ja' in c'aal to —xi'.

2 Samuel 3:39

Ja' yu'un te jo'one, manchuc me jo'on te muc' ajwalilon te tsabilon yu'un te Diose, pero ma'yuc quip ya caiy yu'un te bi la sjowil spasic te yalatac Sarvia. Ja' ac'a ac'botuc yu'un te Cajwaltic te bi yilel stojol ya sc'an te mach'a la spas te bi amen ta pasele —xi' te David.

Proverbios 29:25

Te xiwel ta stojol ants-winiquetic, spejts'ul c'oem; yan te mach'a ja' smuc'ulinej yo'tan te Cajwaltique, canantaybil stuquel.

Jeremías 26:14

Te jo'one ayon ta ac'abic, pasaic ta jtojol te bila ya sc'an awo'tanique.

Jeremías 37:17

Te muc' ajwalil Sedequías la yal mandal ta iq'uel tel ta spalacio te Jeremías. C'alal c'otix ta stojol a, te muc' ajwalil la sjojc'obey ta muquen: —¿Ay bal yaloj sc'op te Cajwaltique? —xi'. Te Jeremías la sjac': —Ay, ja' in to: “Ja'at muc' ajwalil, ya x'ochat ta sc'ab te muc' ajwalil yu'un Babilonia” xi' me —la yut.

Daniel 6:16

Ja' yu'un te muc' ajwalil la sticun ta iq'uel te Daniel, swenta yu'un ya xch'ojic ochel ta xch'en te león-chojetique. Pero te c'alal ma to ba ch'ojbil coel a te Daniel, jich albot yu'un te muc' ajwalile: —Te Dios awu'une, ja' te mero jun awo'tan awac'oj aba ta abatinel yu'un, ac'a scoltayat —xi'.

Daniel 6:17

Te c'alal la yaq'uic ochel ta xch'en león-chojetic te Daniel, la yich'ic tel ton la yac'beyic ta sti'il te ch'ene. Te muc' ajwalil la yac'bey te sello yu'une, soc te sello yu'unic te mach'atic yac'ojbey muc' yat'elic ta at'el soc ta ajwalil, swenta yu'un tulan me sc'oplal ya xc'ot ta stojol Daniel te bila ya yal te leye.

1 Samuel 15:24

Patil te Saúl la yalbey te Samuel: —Melel nix a, la jta jmul. Melel la jc'axintaybey te smandal te Cajwaltic soc nix te ac'ope. Scaj te ja' la jxi' stuquel te winiquetique, ja' yu'un la quich'bey ta wenta te sc'opique.

1 Samuel 29:9

La sjac' te Aquis: —Te jo'one mero lequil winicat ta jsit, jichat ta co'tan te bit'il ch'ul abat yu'un Dios. Pero ja' te ajwalil-filisteoetic te yac'ojic puersa ta jyalel te ma xju' ya x'ochat ta guerra soc te jo'otique.