Jeremías 38:22 - Bible in Tzeltal de Oxchuc y Tenejapa

²² Spisilic te antsetic ya xjilic ta apalacio, ja'at te muc' ajwalilat yu'un Judá, ya me yich'ic loq'uesel bael, ya me x'ac'ot ta sc'abic te general soldadoetic yu'un te Babilonia, jich me ya yalic te antsetic awu'une: “Te mach'atic mero sjoy sba soc te muc' ajwalile la slo'layic soc la stsalic; la yaq'uic bic'otuc bael yu'un ajch'al te yacane, soc sujt'ic ta spatic”, xiic me te antsetique —xi' te Jeremiase.

Bible in Tzeltal Bachajón

²² Spisil te antsetic te ya xhilic ta sna te ajwalil yu'un Judá ya me yich'ic loq'uesel bahel ta stojol te príncipaletic yu'un te ajwalil yu'un Babilonia; hich ya yalbat te antsetic: La slo'loyat, la stsalat te mach'atic jun awo'tan aba soc. Co bahel ta ahch'al te awoque, suht ta spatic te mach'atic jun awo'tan aba soc, xchihic.

Jeremías 38:22 ပူးပေါင်းရင်းမြစ်များ

Lamentaciones 5:11

Ta Sión soc lumetic ta Judá, lajic ta uts'inel te antsetic soc ach'ixetic.

Lamentaciones 1:2

Ma xcom ta oq'uel jujun ajc'ubal; xbalet nax ya'lel sit ta yelaw. Ma'yuc jtuluc te mach'atic la smulan ta sbabial te ya xmuc'tesbot q'uinal yaiy yu'une. Spisilic te sjo'taque, chebaj yo'tanic ta stojol, te c'atp'ujic ta scontrotac.

Jeremías 43:6

ja' te winiquetic, antsetic, alaletic, te yantsil-nich'nab te muc' ajwalil soc spisil te yantic, te ac'bot jilel ta swenta te anima Gedalías yu'un te Nabuzaradán, comandante yu'un te jcanantaywanejetic. Tey nix wentainbil a te Jeremías soc Baruc.

Miqueas 7:5

Ma xach'uunbey sc'op te apat-axujq'ue, ni ma me smuc'ulin awo'tan te ajoye; ya me atsajtay aba te ya xc'opojat soc te awiname.

Lamentaciones 1:13

Te Cajwaltic la xch'oj tel c'ajc' c'alal ta toyol, och c'alal ta jbaquel; la st'imanbon lazo ta jbe, la syaleson bael ta jpat; la spijt'eson ta woclajel ta spisil ora.

Jeremías 41:10

Ja' nix jich te Ismael la xchuc bael te yantsil-nich'nab te muc' ajwalile soc te ants-winiquetic te ayic xan ta Mizpa, ja'ic te ac'bot jilel ta swenta Gedalías yu'un te Nabuzaradán te capitán yu'un te jcanantaywanejetique. Te Ismael la xchuc bael, jajch' ta beel yu'un ay ta yo'tan te ya xc'ax ta sq'uinal Amón.

Jeremías 38:19

Te Sedequías la sjac': —Ya jxi' te judioetic te ay c'axemiquix ta stojol te caldeoetique; teme ya x'ochon ta sc'abique, ya niwan yac'bonic c'axuc jwocol —xi'.

Jeremías 20:10

La caiy stojol te sajlajan ta c'op te ants-winiquetique: “Ay xiwel ta spisil ta bayuc”, xiic. Ya yalic: “La'ic, ya xba jlebetic smul”, xiic. Asta te jo'taque ya smaliy yilic te yacuc cal loq'uel jtebuc te lotil c'ope. Ya yalic: “Yacuc yac' sba ta lo'layel; jich me ya jtsaltic soc ya me jsutbeytic spacol”, xiic.

Jeremías 6:12

Te snaic, te sq'uinalic soc te yinamic ya me xc'axic ta swenta yantic. Melel ya me jtoy jajch'el jc'ab ta swenta yac'beyel castigo te mach'atic nainemic ta lume. Jo'on Ajwalilon te jich ya cale.

Isaías 42:17

Te mach'atic ja' smuc'ul yo'tanic te loc'ombaetique, soc teme ay yajcananic ya yalbeyic: “Ja'ex me te diosex cu'untique”, teme xiic ta stojolique, ya me sq'uej sbaic bael yu'un q'uexlal abi.

Salmos 69:14

Ma me xawac' te ya yac'on ta biq'uel ta ach'al c'oeme. Coltayawon ta sc'ab te mach'atic ay slab yo'tanic cu'un; coltayawon a te manchuc ya smulon te sc'ubulil ja'.

Salmos 69:2

yacon ta biq'uel yu'un loob ajch'aleltic ya caiy, ma xwejt' ta banti ya cac'bey yich' yip te cacane. Jtaojbeyix c'oel te mero sc'ubulil ja'e, soc yaquix yeanbelon bael te yacan ja'e.

Salmos 41:9

Asta te mach'a mero c'ux ya caiy jba soque, te ja' smuc'ul co'tan sc'oplale, ja' te mach'a jun ya xwe'on soque, ja' la scontroinonix.

Jeremías 46:21

Te soldado tojbil sc'aalic yu'une, jichic yilel te bit'il jujp'en wacaxetic; ja'uc me to, jich nix ya xloq'uic ta animal ta anel. Ma xcujch' yu'unic, melel ya xc'otix sc'aalelal te swocolic, te yorail castigo yu'une.

Jeremías 46:5

“Ja'uc me to, ¿bila a te ya quile? Yacalic ta sujt'el tel, nojel tel xiwel ta yo'tanic. Te soldadoetic yu'un ya spuc sbaiquix bael; loq'uiquix bael ta animal, ma yiliquix sujt'el spatic. ¡Ay xiwel ta bayuc! Jo'on Ajwalilon, tulan ya cal.

Jeremías 8:10

Jich yu'un, te yinamic ya me cac' ta sc'ab yan winiquetic, soc yan yajwalic ya xc'ot te sq'uinalique. Melel ta spisilic, muc'-biq'uit, ja' nax baem yo'tanic ganar ta lo'laywanej; jich nix te j'alwanejetic soc te sacerdoteetic, spisilic ya yaiyic lo'laywanej.

Jeremías 13:21

“¿Bi ya awal, Jerusalén, c'alal ya awich' wentainel yu'un winiquetic te ja'at nix la ap'ijubtese? Ya me yac'beyex xc'uxul, jich bit'il te ants te ya x'ayin yale.

Jeremías 38:21

Yan teme ma junuc awo'tan ya awac' aba, te Cajwaltic yac'ojbonix quil te bila ya xc'ot ta pasele:

Job 6:15

Pero te ja'ex amigotac, ma jichuc la apasbonic, jichex te bit'il taquin beja'etique.

Jeremías 27:14

Ma x'awich'beyic ta muc' sc'op te j'alwanejetic te ya stac'uyex te ma xawac' abaic ta sc'ab te muc' ajwalil yu'un Babilonia. Lotil te bila ya yalbeyexe.

Jeremías 27:15

Te Cajwaltic tulan ya yal te ma ja'uc la sticun tele; tojol c'opetic nax ya yalic ta swenta te Cajwaltique. Jich me ya slajinex spuquel bael te Cajwaltique. Ya me xlajex ja'ex soc te j'alwanejetic te la yalbeyex te c'ope —xon.