Jeremías 38:20 - Bible in Tzeltal de Oxchuc y Tenejapa

²⁰ Jeremías la sjac': —Ja'uc me to, muc' ajwalil, ma ba x'ochat ta sc'abic. Wocoluc, ch'uunbeya sc'op Cajwaltic te la calbatix awaiye. Jich me lec ya xc'oat ta loq'uel, jich me ya xcol acuxlejal.

Bible in Tzeltal Bachajón

²⁰ La sjac' te Jeremías: Ma ba ya yac'at ta sc'abic. Ch'uhumbeya sc'op Jehová te la jcalbatix awa'iy, hich lec ya xc'ohat soc hich ya xcuxajat.

Jeremías 38:20 ပူးပေါင်းရင်းမြစ်များ

Daniel 4:27

Ja' yu'un, muc' ajwalil, ja' me xat'un jiche te tojtesel cu'un in to: Mero stojil me xapasix te awat'ele, ma me xaleix amul. Jc'axel x'alajinbey sc'oplal te bila amene, soc at'elina scoltayel te me'baetique. Teme repente jich spisil ora lamal q'uinal ta atojol, soc ya me x'esmaj xan bael biluc awu'un’, xi' ta jtojol te Beltsasar”, xi' sc'op te Nabucodonosore.

Jeremías 26:13

Tojtesa te awo'tanic soc te awat'elique, ch'uunbeyaic sc'op te Cajwaltic Diose, swenta jich ma sticunbeyex tel te woclajel te yalojbeyix sc'oplale.

Isaías 55:3

La'ic ta jtojol, soc aiya awaiyic, aiybon awaiyic stojol te jc'ope, yu'un jich me ya xcuxinex. Te jo'one ya jpas trato ta sbajt'el q'uinal ta atojolic, jich me ya xc'ot ta pasel te bit'il caloj ta swenta xc'uxul co'tan ta stojol David.

2 Crónicas 20:20

Ta yan c'aalil buen sab jajch'ic, swenta yu'un ya xjajch'ic ta beel ta stojol jochol taquin q'uinal Tecoa. Te c'alal yacalic ta beel a, te Josafat la stejc'an sba ta yalel bael: —Aiybon awaiyic stojol jc'op, yajwalex Jerusalén soc ta spamal Judá: Ac'a smuc'ulin awo'tanic te Cajwaltic, te Dios cu'untique, jich me ma xtal xiwel ta awo'tanic. Ac'a me smuc'ulin awo'tanic te bi la yal te j'alwanejetic yu'une, jich me lec ya xc'oex ta loq'uel ta spisil a —xi' te Josafat.

Hechos 26:29

La yal te Pabloe: —Teme jich yo'tan Dios, chican teme ora naxe, o teme jal to c'aale, co'tanuc jichucat te bit'ilone. Soc ma atuqueluc nax te ja'ate, soc spisil te mach'a li' ay to te ya yaiybonic stojol te jc'ope. Ma yu'unuc ya cal te ya awich'ic chuquel ta cadena jich bit'il te jo'one —xi' te Pabloe.

Santiago 1:22

Ja'uc me to, pasaic me te bila ya yal te sc'op Diose. Ma me ja'uc nax te ya awaiyic stojole. Ma me xalo'lay abaic atuquelic a.

2 Corintios 6:1

Jich yu'un te bit'il joy jbatic ta at'el soc te Diose, ya me jtac'uyex te ma me tojoluc ya xc'ot awu'unic te la yaq'uix ta ilel yutsil yo'tan ta atojolic te Diose.

2 Corintios 5:20

Jich yu'un teq'uelotic ta c'op ta atojolic ta swenta te Cristoe. Jich c'oem te bit'il ja' ya yal wocol Dios ta atojolic ta jwentatic te jo'otique. Ya calbeyex wocol ta atojolic ta swenta sbiil te Cristoe te ac'a junajuc awo'tanic ta stojol te Diose.

2 Corintios 5:11

Jna'ojtic stojol te bit'il xi'bantic sba te Cajwaltique, jich ya cat'elintic te ya cac'beytic c'otuc ta yo'tanic te ants-winiquetique. Ja'uc me to, Dios ya sna'botic ta lec te bi yilel te co'tantique, soc te ja'exe ya cal te ya ana'botic uuc te bi yilel te co'tantique.

Jeremías 11:4

Ja' te trato la jpas ta stojol te antiguo ame'-atatic c'alal la jloq'ues tel ta Egipto, ja' te nación te jich c'oem ta stojolic te bit'il horno yu'un te jten-taq'uine. La calbey: “Ch'uunbonic jc'op, pasaic spisil te bila mandal ya cal, ja'ex me lumex cu'un soc jo'on Dioson awu'unic.

Génesis 12:13

Jich yu'un ya me awalbey yaiyic te bit'il quijts'inat, swenta yu'un jich me lec ya xc'oon ta awenta, soc jich me ya xcuxinon ta awenta —la yut.

Génesis 19:20

Ilawil, ay ch'in lum ta nopol, ma ba muc' stuquel. Tey me ya xboon ta anel a, melel ma ba muc', jich me ya xcolon awu'un tey a —xi'.

Jeremías 7:23

Te bila mandal la calbey, ja' te ya xch'uunbonic te jc'ope, melel jo'on te Dioson yu'unic ya xc'oone, soc ja'ic te lum cu'une. La calbey te tojuc ya yac' sbaic jich bit'il la jpas ta mandal, swenta yu'un lecuc me ya xc'otic ta loq'uel a.

Jeremías 11:8

Ma ba la yich'bonic ta muc' jc'op, ni ma la xch'uunbonic, tulan la yac' sbaic te bit'il amen te yo'tanique. Ma la sc'an xch'uunbon te mandaliletic calojbeye, jich la cac' taluc castigoetic te yalojbey sc'oplal te tratoe”, uta me —xi'.

Jeremías 38:21

Yan teme ma junuc awo'tan ya awac' aba, te Cajwaltic yac'ojbonix quil te bila ya xc'ot ta pasele:

Proverbios 4:4

soc te jtate la sp'ijubteson, jich la yalbon: “Ac'a me ta ajol, ac'a me ta awo'tan te c'opetic cu'une; pasa te bila ya cac'bat apase, jich me ya xcuxinat.

Proverbios 7:2

Ch'uunbon me te mandaliletic cu'un soc te p'ijubtesel cu'une; canantaya me, jichuc me ta awo'tan te bit'il xch'ulel asite, jich me ya xju' ya xcuxinat.

Amós 5:4

Jich ya yal te Ajwalil yu'un te israeletique: —La'ic ta jtojol, jich me ya xcuxinex.

Amós 5:6

Noptsajanic ta stojol te Cajwaltique, jich me ya xcuxinex; teme ma jichuc ya apasique,ya me sticun tel c'ajc' ta spamal sq'uinal Israel. Ma me ayuc ya xwejt' ta Betel te mach'a ya scom.