Jeremías 38:2 - Bible in Tzeltal de Oxchuc y Tenejapa

² —Te Cajwaltic la yal: “Te mach'a ya xjil ta lum, ya me xlaj ta guerra, ta wi'nal o ta chamel. Yan te mach'a ya xloc' bael, soc te ya yac' sba ta c'abal yu'un te caldeoetique, ma x'uts'inbot xcuxlejal stuquel”, xi' te Cajwaltique.

Bible in Tzeltal Bachajón

² Hich yaloj te Jehová: Te mach'a ya xhil ta pueblo ya me xlaj ta espada, ta wi'nal o ta jmilawal-chamel; yan te mach'a ya xc'ax bahel ta stojol te caldeohetic, ya xcuxaj. Te scuxlejal hich ya xc'oht te bin ut'il bin pojbil ta guerra, cuxul ya xhil, xchi.

Jeremías 38:2 ပူးပေါင်းရင်းမြစ်များ

Jeremías 21:4

“Te Cajwaltic te Dios yu'un Israel ya yalbat: ‘Ya cac' sujt'uc bael ta spatic te soldadoetic awu'un soc yat'ejibic, te loq'uic ta pat ts'ajc' ta bay yacalex ta awac'bel abaic guerra soc te muc' ajwalil yu'un Babilonia. Soc te caldeoetic, te ja' nix te swinictaque, ya me jtsob ta yolil in lum to.

Jeremías 24:8

“Yan te Sedequías, muc' ajwalil yu'un Judá, soc te jtsobwanejetic, soc te yantic yajwal Jerusalén te ya xjilic li' ta bay lum to, o te ya xba snajc'an sbaic ta Egipto, jich me ya xc'ot ta co'tan te bit'il higoetic te amenic ta jc'axel, ma xju'ix ta lo'ele.

Jeremías 27:11

Yan te nación te ya yac' sba ta sc'ab te muc' ajwalil yu'un Babilonia, ya quijq'uitay jilel ta sq'uinal swenta yu'un ya xcuxin tey a soc ya sc'altay. Jo'on Ajwalilon, jich ya cal —xi'.

Jeremías 27:13

¿Bi ya ata a teme ya xlajat ja'at soc te alumal ta scaj guerra, ta wi'nal soc ta chamel? Melel te Cajwaltic yaloj te bila ya xc'ot ta pasel ta stojol spisil te mach'a ma xyac' sba ta sc'ab te muc' ajwalil yu'un Babilonia.

Jeremías 29:16

(Te Cajwaltic ya yalbey sc'oplal te muc' ajwalil te yich'oj yat'el ta smuc'ul nactijib David, soc sc'oplal te yajwal lume, te ja' apat-axujq'uic te ma ba ic'bilic bael soc ja'ex c'alal ic'otex bael ta mosoil.

Jeremías 29:18

Ya me yich' nutsel cu'un ta guerra, wi'nal, soc chamel. Ya me cac' te jchajp nax ya yaiyic yu'un te nacionetique. Ja' seña ya me xc'ot cu'un ta stojol te nacionetic te bila boloben sc'oplal soc te q'uexlaltic sbae. Jich me ya x'ac'botic nijq'uel soc xiwel spisil te nacionetic ta bay la jpuc baele.

Jeremías 34:17

Ja' yu'un yo'tic, jo'on Ajwalilon ya cal: Ja'ex ma la ach'uunbonic jc'op, ma la awaq'uic ta libre te alumalic te ayic ta mosoile. Ta ora yo'tic, ja' ya caq'uex ta libre te ja' ya x'at'ej ta atojolic te guerra, chamel soc wi'nal, swenta yu'un ya me spas ta atojolic bila te ya xjajch' ta nijq'uel yo'tanic yu'un spisilic te mach'atic ya xmandalajic ta balumilal. Jo'on Ajwalilon, jich ya cal.

Jeremías 39:18

Jo'on ya jcoltayat, te ma smilate. Ya me xcolat soc acuxlejal, melel la smuc'ulinon awo'tan. Jo'on, Ajwalilon, jich ya cal’, xi' me sc'op,” uta me —xi' te Cajwaltique.

Jeremías 42:17

Spisil mach'atic tey yo'tanic bael ta ainel ta Egipto, tey me ya xlajic yu'un guerra soc wi'nal soc chamel. Ma me ayuc mach'a cuxul ya xjil tey a, ma me ayuc mach'a ya xcol yu'un te bila amen ya jticun tele”, xi'.

Jeremías 42:22

Ja' yu'un na'aic me ta lec, ta scaj me te guerra, wi'nal soc chamel tey me ya xlajex a ta bay te q'uinal te banti ya ac'anic ya xbaex ta ainele —xi' te Jeremiase.

Jeremías 44:13

Ya me cac'bey castigo mach'atic ayic ta Egipto, jich bit'il la cac'bey castigo ta Jerusalén: ta guerra, ta wi'nal soc milawal chamel.

Jeremías 45:5

Teme ay bi yan yilel te ya ac'ane, ma me x'ac'anbon, melel ya jticun tel tulan woclajel ta stojol spisil mach'atic ch'ich'-baq'uet. Ja'uc me to, te ja'ate ya me cac' te ya acanantay aba soc acuxlejal bayuc ya xbaat. Jo'on Ajwalilon, jich ya cal”, xi' sc'op Cajwaltic ta atojol —xi' te Jeremiase.

Ezequiel 14:21

“Jo'on Ajwalilon, jich ya cal: Ja' me c'ax tulan xan wocol a, teme la jticun bael ta stojol Jerusalén te chaneb castigoetic cu'une, te mero xiweltic sbae: ja'ic te guerra, te wi'nal, te jti'awal chambalametic soc te chamele, te ya jmil ants-winiquetic soc te chambalametique.

Ezequiel 6:11

Te Cajwaltic jich la yalbon: —Pac'ulaya ac'ab, soc pumilaya awacan swenta seña mel-o'tan. Awunan ta tulan, jich me xawal: “¡Ya me yil swocol te lum Israel yu'un te yat'el te mero ilaybil sbae!” uta me. Melel ya me xlajic yu'un guerra, ya me xlajic yu'un wi'nal soc chamel.

Ezequiel 7:15

Ta pat lum ay guerra, ta yutil ay chamel soc wi'nal. Te mach'atic ayic ta sc'alic, ya me xlajic ta guerra. Te mach'atic ayic ta yutil lum, ya me xlajic yu'un wi'nal soc chamel.