Jeremías 38:13 - Bible in Tzeltal de Oxchuc y Tenejapa

¹³ Jich yu'un te winiquetic la sliquic loq'uel, jich la sloq'uesic tel tey a. Ta patil te Jeremías jil ta amac' yu'un soldadoetic.

Bible in Tzeltal Bachajón

¹³ Hich te winiquetic la sloq'uesic mohel ta lazohetic ta hotbil ch'en. Te Jeremías hil ta yamaq'uil te cárcel.

Jeremías 38:13 ပူးပေါင်းရင်းမြစ်များ

Génesis 37:28

Ay jchonbajeletic madianetic yaquic ta c'axel tey a. Jich yu'un la sliquic loq'uel ta pozo te José, la xchonbeyic bael te ismaeletique, jtab ta jsejp plata stojol c'ot. Jich ic'ot bael ta Egipto te José.

1 Reyes 22:27

Albeyaic te jo'on ya cal mandal te ya yaq'uic ta chucjibal, soc ac'a yac'beyic swe' taquin waj soc jteb nax ja', ja' to te c'alal buen lec ayon a ya sujt'on tale —xi'.

Nehemías 3:25

Te yan jmajc' joyob ts'ajq'ue, ja' la xcha'pas xan jajch'el te Palal te snich'an Uzai. Ja' la spas te yelawal yu'un xujc' te ts'ajq'ue, soc nix te toyol ts'ajc' c'axem c'axel ta sba te sts'ajc'ul sna ajwalile, ja' te ay ta yamaq'uil te banti ya x'ain jcanantaywanej-soldadoetic yu'une. Te yan jmajc', ja' la xcha'pas xan te Pedaías, te snich'an Faros.

Proverbios 29:10

Te jmilawaletic te ma'yuc razón ta yo'tanique, ya x'ilin ta stojol te mach'a lec yo'tane; toyol yo'tanic ta smilel.

Jeremías 26:16

Jich yu'un te jtsobwanejetic soc te lum la yalbeyic te sacerdoteetic soc te j'alwanejetique: —Ma'yuc bi swentail te ya yil swocol ta lajel te winique. La sc'oponotic ta swenta Cajwaltic te Dios cu'untique —xiic.

Jeremías 32:2

Ja'ix yorail a te soldadoetic yu'un te muc' ajwalil ta Babilonia te yacalic ta stenel ta guerra te Jerusalén; te j'alwanej Jeremías macal ta chuquel ta amac' yu'un soldadoetic, ta spalacio te muc' ajwalile.

Jeremías 37:21

Jich yu'un te muc' ajwalil Sedequías la yal mandal te ac'a yich' maquel te Jeremías ta yamac'ul te chucjibale, soc te jujun c'aal ac'a yich' ac'beyel jpejch' waj pasbil ta calle yu'un te jpas-wajetique. Jich la yich' pasel ja' to c'alal ma'yuquix we'elil ta spamal lum. Jich a jil ta bay amac' yu'un soldadoetic te Jeremiase.

Jeremías 38:12

jich la yalbey: —Ac'a ta yet'al anejq'uel te pocol paq'uetique, swenta yu'un ma ba ya yejch'entesat te lazoetique —xi'. Te Jeremías jich la spas.

Jeremías 38:28

Te Jeremías jil ta amac' yu'un soldadoetic ja' to c'alal te bi c'aalil och ta c'abal Jerusalén.

Jeremías 38:6

Jich och ta sc'abic te Jeremías. La yaq'uic coel ta taquin pozo yu'un Malquías te snich'an muc' ajwalile, te ay ta amac' yu'un soldadoetic. La scojt'esic ta lazo. Te bit'il ma'yuc ya'lel te pozo, ja' nax ay ajch'al tey a, jich yu'un te Jeremías ts'ajpaj c'oel yacan ta ajch'al.

Lamentaciones 3:58

Cajwal, c'opojan yu'un te jwocole, coltaybon loq'uel te jcuxlejale.

Hechos 23:35

jich la yalbey: —Ja' to me ya jchajbanat teme tal te mach'atic la yalic te ay amule —xi' te ajwalile. Jich la yal mandal ta canantayel ta bay palacio yu'un te Herodese.

Hechos 24:27

Cheb ja'wil jich la spasulay te Felixe. Jich loc' ta ajwalil. Ja' la sjelolin jilel ta ajwalil te Porcio Festo. Te Félix la sc'an yo'tan te lecuc yo'tan ya xjilic yu'un te judioetique, jich la yijq'uitay ta chucjibal te Pabloe.

Hechos 28:16

Te c'alal c'ootic ta lum Roma, te centurión c'o yac'bey ta sc'ab te comandante te jchuqueletic te yic'oj tele. Ja'uc me to, te Pabloe ac'bot permiso te q'uejel ya x'ain stuquele. Ja' nax jtul soldado la yich' canantayel yu'un spisil ora.

Hechos 28:30

Ja'uc me to, te Pablo cheb ja'wil ain tey a ta bay smajanej te nae. La yic' ochel spisil te mach'atic talic ta ilel yu'une.